YAMA – 日本餐廳

呢間喺帝都酒店新開嘅和食居酒屋，傳統加上創新嘅日式料理，平日中午去到都差唔多坐滿 一期一會 $130 先嚟杯招牌cocktail，以日本威士忌、白可可酒、抹茶力嬌酒等調成，飲落有抹茶香，酒味獨特。 季節野菜沙律伴羔醬 $178 當造嘅蔬果，新鮮爽甜，再配用銀魚、蟹膏等做成嘅羔醬，喺加熱之下，味道更濃郁 炸北海道鮮蟹肉餅 $98 外面炸得金黃色外，外脆內軟，絲絲蟹肉雪白且鮮甜 中吞拿魚腩併油甘魚刺身伴山葵啫喱 $158 刺身賣相吸引，新鮮軟滑，油脂甘香，山葵啫喱味道剛好唔太嗆 爐瑞燒 自家製免治雞肉 $58 蘆筍 $42 甜蕃薯 $48 配有唔同鹽及醬汁選擇，有抹茶鹽、柚子胡椒、柚子鹽、三升漬等 用上日本元氣雞雞肉，而再混入軟骨、蓮藕及牛蒡，配上香滑蛋汁，食落肉質軟嫩，又帶有爽脆嘅口感 「山」吉列和牛三文治 $378 用上鹿兒島野崎牛A5 級數，外面薄薄的炸皮，加上特製微酸醬汁，再放入麵包內。 入口香脆，牛肉嫩滑，入口即溶，醬汁酸酸地好醒胃。 野菜蕎麥麵 $98 麵上面放咗木魚湯汁都打成嘅泡沫，三文魚籽、秋葵及山芋，配合冷蕎麥麵，夏天食好爽 南瓜椰子奶糯米糍 $78 南瓜椰子奶順滑香濃，糯米糍煙韌有嚼勁

員工親切友善，用餐當日差不多2點先可以到場食，員工好好人，無夠鐘趕我地走（因為同行2A1C,所以時間比較緊湊）。同時亦有留意訂枱時備註，主動提醒我地注意。 少有既日式semi buffet ，款式比預期多 前菜既小車厘茄酸酸甜甜好開胃，麻醬豆腐口感有啲似豆腐布丁（硬身少少黏度高既布丁） 串燒：熱得黎唔會乾爭爭，款式都算多，個如果多1-3款蔬菜會更好 清酒煮蜆：完全無石油味亦無沙，淡淡清酒味加上蜆肉自帶既鮮甜，同朋友2人食左3小碗 主菜龍蝦同和牛壽喜鍋值得加錢食 龍蝦：爽點唔霉，味覺適中，而且切好一拮就可以起肉 和牛壽喜燒：湯底唔係平時死甜果種，係帶有鮮甜fresh 口感，所以食極都唔會有膩感。因帶有小朋友，所以拎左2小碗冷烏冬落鍋，效果都好好，小朋友都食哂 confirm booking時同職員查詢生日問題，對方都能提供朱古力生日牌，小朋友見到驚喜又開心 會介紹比朋友同再去食♡

沙田帝都新開既YAMA居酒屋 裝修新派, 有酒吧, 又有OPEN KITCHEN, SET LUNCH 價錢明顯比其他同區餐廳略為貴DD, 但勝在性價比高, 份量足! 總結: 整體不錯, 服務點到即止, 值得推介

沙田新開日式餐廳，地方坐得舒服，食物份量足夠，值得試吓

好好食，有日本地道感覺，餐廳環境舒適。