Tokyo Market JP 東京魚市場 – 日本餐廳

野食十分一般，嗌左火炙三文魚丼，啲魚生炙到熟曬，食落一咬就碎。 野食都未到難食，一試就算。 成件事最差係咩，落完冇單俾你，食完埋單自己up個數話係200，我覺得唔對路自己計返發現係194，佢仲要話已經冇計足你。 做乜9？你壽司有廚師發板啫，你價錢都廚師發板？你冇諗野啊？ 把鬼火

刺身新鮮大件，商務套餐500蚊，抵食 下次嚟試晚市omakase同串燒 --- 今次試咗$880 omakase 寒鰤刺身大件好鮮甜 其他刺身壽司都好正 出面食呢個質數起碼要貴一倍

荃灣工廈區嘅低調高手 食材新鮮 款式多 夏天嘅廚師發辦有4款貝類刺身 全部鮮甜爽口 另外有燒烤魔鬼魚翅 第一次試 好好味！ Cp值頗高嘅小店 會再訪

今日同朋友到荃灣食飯，去到餐廳不需要等位就可以入座 。 前菜的雞泡魚乾酥脆可口，搭配清新爽口的枝豆,開胃開味。 接著，我們品嘗了精緻的壽司，火炙中拖羅油脂豐富、三文魚子魷魚、三文魚腩和海膽螺片，每一口都散髮著誘人的香氣和鮮美的口感。 除了壽司，我們還品嘗了一些熟食，如魔鬼魚魚翅入口即化，帶子鮮嫩多汁，雞軟骨和雞翼則是外酥內嫩。 而刺身拼盤的新鮮程度也很出色，三文魚腩肥美多汁，縞蝦彈牙鮮甜，油甘魚更是融化在舌尖。劍魚、中拖羅、赤身、冰螺和北寄貝，每一種海鮮都保持了鮮嫩的口感，帶給我們一種純正的海洋味道。 另外雞泡魚皮清淡的鮮甜味和清酒煮蜆肉的淡淡酒香的鮮美的味道令人難以忘懷。 最後，我們以三色雪糕作為甜品，它們的口感柔滑，甜而不膩，是一道完美的收尾。 每一道菜品都展現了日本料理的精髓，讓我感受到了濃郁的味道、豐富的香氣和獨特的口感。從前菜到主食再到甜品，味道和口感都令人印象深刻。

親切好客廚師發辦 餐廳位於工廈裡面，門面低調，但老闆非常親切，好客，而食物方面我地就揀左$680既廚師發辦，岩哂我d懶人，唔洗自己諗食咩。 雞泡魚乾配沙律醬 燒到脆卜卜，熱辣辣，口感煙韌 ，配埋沙律醬，非常香口。 枝豆 枝豆用鹽醃過，鹹鹹地。 壽司 八爪魚海膽壽司，八爪魚柔軟中帶嚼勁，而海膽口感柔軟，兩樣配搭好夾。 吞拿魚面頰壽司，吞拿魚面頰唔容易係一般日本料理餐廳可以食到。 面頰肉比較有彈性，係整條魚最貴同埋最有口感肉之一。 吞拿魚壽司 油甘魚壽司 燒物：帆立貝，雞皮串，玉子，芝士年糕 芝士年糕口感煙韌，有香濃芝士味，外脆內軟，雞皮燒到酥脆，非常可口，玉子燒味道鬆軟，香甜，配埋煙肉更惹味，帆立貝炙燒後散發出特有既甘甜滋味。 刺身有三文魚、帆立貝、油甘魚、響螺、赤貝、甜蝦、魷魚、大拖羅同埋劍魚腩，刺身都好新鮮，劍魚腩肉質細膩，口感嫩滑厚實，大拖羅油脂甘香，入口即溶，響螺味道脆嫩、鮮甜，赤貝肉質爽厚。 蔬菜烏冬 最後食埋烏冬就非常圓滿。 雪糕既味道都好特別，有牛奶、芝麻同開心果味。 東京魚市場 荃灣橫龍街43-47號龍力工業大廈21樓2110室 #東京魚市場 #tokyomarketjp #荃灣 #荃灣美食 #tsuenwan #tsuenwanfood #日本料理 #廚師發辦 #omakase #刺身 #壽司 #拖羅 #tuna #foodie #food #foodpic #foodphoto #yum #yummy #delicious #tasty #相機食先 #手機食先 #hkfood #香港美食 #美食 #hkig #ighk