The Blind Pig – 餐廳

盲中中食盲豬記🐽 平時食開隔離間 The Salted Pig， The Blind Pig 反而真係真係第一次試。（雖然其實兩間都係 Shore Hospitality 啦 ）。The Blind Pig 相對個 view 就爭啲啲，但氣氛一樣咁 chill ，d staff 好 friendly 而且全方位勁多電視，睇波睇馬都勁~ Crispy Chicken Strip 脆辣雞柳條配甜辣蛋黃醬，佢嘅辣味好神奇哋帶點咖喱粉嘅香味，炸得勁香口，配埋個醬係食到停唔到口~ Slow Cooked BBQ Baby Back Ribs 楓糖黑啤醬燒豬肋骨，份量十足呀！香噴噴一切就離骨，肥美嘅豬肋骨食落軟腍又多汁~ 連粟米都甜美得很~一整個大滿足 Pan seared sea bass fillet (Half) 香煎海鱸魚，西班牙辣肉腸，蝦，蜆 - 估唔到呢間豬豬店嘅魚竟然係咁出色！鱸魚皮香肉滑，蜆肉好鮮美，而湯汁帶鹹香同滿滿嘅海鮮味簡直係精華所在，呢個真係有驚喜！ 佢哋最正係星期一嘅 main course 買一送一，勁抵~ join 埋佢哋個免費嘅 loyalty 會員仲有85折兼可以儲份換嘢（絕非打手，自費項目，不過有 jetso 係應該推廣下）

【西灣河🍖海旁招牌鹹豬手酒吧】 呢間西餐酒吧係The Salted Pig嘅姊妹店，坐落喺西灣河海旁🌊，有高枱有卡座，梳化座位都幾多，仲有幾部大電視可以睇波，格局都幾chill！菜式方面款式都幾多下，為主題嘅主菜，仲有海鮮類、意粉飯面🍝都有，仲有多款啤酒同Cocktail，適合一大班朋友嚟食飯！ ------------------------------------------- 🐖◖招牌德國咸豬手◗ $318 每次嚟多一定要試，呢個大大份超抵食，一隻豬手足足重1kg，夠兩個人食飽！豬手切好一件件，方便實用，外皮烤得超脆，肉質厚實，配搭上酸菜同芥末籽忌廉汁，唔會覺得好油膩，口感滿足！ 🍔◖安格斯芝士牛肉漢堡◗ $198 牛肉漢堡扒叫咗五成熟，鬆軟嘅漢堡包裏面一層層咁夾住超脆嘅煙肉、車打芝士、蔬菜同兩片牛肉漢堡扒，牛肉肉汁豐富，牛味濃郁！為咗冇咁邪惡，將薯條轉咗做沙律，沙律淋上酸酸甜甜嘅油醋，幾清新開胃！ 🍺◖Corona◗ $38 小麥味好香好出，飲落唔會覺得苦澀，口感幾順滑 🌟 Encore指數：8.6/10

唔經都唔知原來西灣河蘇豪東有條幾chill嘅餐廳街，今日呢間仲可以帶狗添(放放下狗想坐低chill下飲翻兩杯都仲得🍺) Omnipork bolognese$168🍝 以為呢度只係滿足到食肉獸？殊不知有個素肉醬意粉比你嗌，像真度十足，醬汁較濕潤，無幾耐就「𠽌~」曬落肚 Sea bass fillet$198/Half🐟 魚柳口感都幾嫩滑，醬汁充滿茄香，味道唔會太衝擊👍🏻 Seafood paella$235🥘 大蝦好彈牙，炒飯充滿油香同香料嘅味道，相當惹味～🌶️

🌟西灣河海旁chill西餐🌟 又有朋友要離港✈️ 年尾真係farewell 嘅季節🥹🥹 今次方便朋友，突登揀一間佢一落船就可以到嘅餐廳🤣 ✨🐥Wing Dine Wednesday $8/pc 每款口味8隻起，今次揀咗Maple Bourbon同埋House Spice Maple Bourbon 甜、酸、辣三種口味平衡得好好，配合炸得香脆嘅雞翼，食到停唔到口而House Spice 估唔到不算太辣啱曬食十小辣嘅我🤣佢係有啲椒鹽味帶微微辣，十分香口✨ 小食分享拼盤 $278 黎到嘅時候好壯觀，眼花撩亂，唔知食邊樣好蕃茄芝士肉丸醬汁分量好足，豬皮脆片十分香脆，建議配🥑牛油果醬一齊食👍🏼脆🐷豬肋骨帶少少炭烤味，而且肉質嫩滑✨🍔迷你牛肉漢堡，就建議配搭少少🍅蕃茄醬，🐮牛肉都煎得juicy 。酥脆🦑魷魚圈都好香脆，建議配搭少少🍅茄汁減低油膩感～🍞酸種包多士入邊混入了一啲穀物，感覺上更加健康，建議配搭🥑牛油果醬一齊食味道更好～🍟薯條係幼身薯條，正常發揮，🐥雞翼都係House spice味道 🐷慢煮脆皮豬腩、🥔薯仔沙律、🥕烤甘筍、香辣醋汁 $248 慢煮🐷豬腩肉質Juicy，外皮香脆（但建議真係盡快食用，因為耐咗變淋就冇咁好食🫠）🥔薯仔沙律沙律汁都夠多，🥕甘筍好甜，而且唔干。我朋友話香辣醋汁似辣版big Mac 汁 ✨🍺友- 發燒友淡愛爾生啤 $228 1.25L 一入口帶荔枝味，啤酒黎講算好易入口，推介🏼🏼 環境：4.1/5 好適合三五知己嚟飲嘢，設有部份outdoor位置～以🔵藍色為主調～近海邊所以會比較大風🌬 服務：4/5 店員都好快可以安排好座位，另外上菜速度都迅速！ 食物：4/5 小食分享拼盤比想像中大份Wednesday $8隻雞翼真係好抵，餸酒之選～友啤酒都好特別👍🏼 Revisit: Yes

📍呢間餐廳咁啱嚟到見今日做緊優惠，星期三有雞翼$8隻，朋友即刻就話想去！入去氣氛都幾好，傾計好舒服，比較適合飲酒多過食嘢。 雞翼有8隻口味揀，包括maple bourbon、BBQ、是拉差同四川麻辣味等等，我哋揀咗四川麻辣味，醬嘅味道偏淡，不過雞翼幾脆口。 主菜就揀蒜辣欖油大蜆意粉($172)，炸魚薯條($192)，意粉就口味都係偏淡口同埋唔係好油，蜆都算大隻。炸魚唔算大條，偏幼身，不過肉都幾實同夠熱。