T8 Japanese Cuisine – 日本餐廳

蘭桂坊俾人感覺係飲酒消遣嘅地方，但係因為地理位置上嘅優越，唔少高級餐廳都會選址呢度，今次嚟到蘭桂坊商廈入面嘅T8食日本料理！ T8提供正宗omakase同日式鐵板餐，餐單會因應時令食材而調整，務求讓客人食到食材最「出色」嘅味道！餐廳其中一邊喺食omasake嘅bar枱位，另一邊係食鐵板餐，另設私隱度高嘅廂房！裝修同一般師傅發板日系餐廳差唔多，但最有心思係用咗好多光影投射，而枱墊、部份食具用上金碧輝煌嘅金色，突顯氣派！服務一流，侍應主動帶位、拉櫈、唔使提示就適時加水、換食具，上菜、收拾時都輕聲細語交代！師父亦細心告知食材同菜式食法！真心抵讚！ ————————————————————————- ➺➺TEPPANYAKI DINNER SET$1380 Appetizer | 前菜 前菜兩道：白子新鮮嫩滑，配果醋食，酸酸甜甜，相當開胃！磯燒鮑魚一道分片切同粒切，兩種唔同口感，但都好入味！ Foie Gras, Seasonal Sauce | 鴨肝配季節醬汁 平時鐵板燒鵝肝食得多， 鴨肝比較少見，師傅控制火候剛好，外層充滿焦香，內層入口即溶，充滿油香而不膩！中下層用上蘋果片同蝴蝶酥，亦有助消膩同增加口感！呢個配搭幾新鮮！旁邊仲有意大利黑醋、果醬、水果，見有消濟嘅心思！ Prawn, Bearnaise Sauce | 蝦配賓利士汁 師傅用兩三下純熟嘅「鏟功」就去除咗大蝦嘅外殼，令大蝦鎖住水份，爽滑彈牙！師傅亦善用每一道食材，用蝦膏製成醬汁，鹹香味非常濃厚！ Clam, Cod, Onion Soup | 大蜆銀鱈魚洋蔥湯 用大量洋蔥熬製成嘅湯，飲得到嘅都係啖啖清甜，再咬一口大蜆，都係十分鮮甜，脹卜卜嘅口感仲要好強烈！銀鱈魚皮香韌，肉紋清晰不鬆散！呢個湯絕對係我大愛！ USDA Beef steak or Roll | 美國牛肉厚燒 或 薄燒 美國牛肉五成熟剛好，牛味濃郁，配wasabi 食味道唔錯！/ 薄燒和牛都係五成熟，口感軟軟腍，入面卷有牛膀同漬昆布，一啖咬晒幾種材料已好夠味，唔洗醮沾提供嘅調味料！ Fried Rice | 炒飯 炒飯粒粒分明，好乾身，唔油膩！仲有炒芽菜、豆苗、紅蘿蔔絲，都幾豐富！ Soup,Pickles | 湯、漬物 鯛魚湯呈奶白色，鮮甜不腥，杰杰哋，師傅話用大量鯛魚先熬成4、5碗，全是精華，飲過嘅客人無一不讚！ Dessert |甜品 好頭好尾，赤肉密瓜同提子甜到加咗糖水咁，全口滿是果汁，加上冰涼感，感覺甜滋滋，為一餐劃上圓滿句號！ **另設加一

聖誕節黎試蘭桂芳日本餐廳，我地就揀左12月新出嘅節日Menu紫藤，有刺身有鐵板燒🥰 每樣食物都擺盤精緻，師傅上菜時會每樣都講解下用左咩食材，店員都服務殷勤，招呼周到。 日本烏魚子 牛角包布甸🥐 - 呢味用左日本嘅烏魚子琢成魚子碎，配上西式嘅牛角包布丁，用酥皮去襯托烏魚子嘅鹹香，fusion得黎又出奇地夾👍🏼 鮟鱇魚肝多士🍞 - 鮟鱇魚肚醬整成一個南瓜形狀嘅波波，外皮啫喱狀係師傅特製嘅sauce，食嘅時候搽落脆脆嘅多士一齊食，濃郁嘅魚肝醬完全溶喺口🥰 季節刺身🦪 - 生蠔非常肥美而且好新鮮，師傅喺面頭加左少少醋做嘅啫喱，食到生蠔嘅鮮味仲會豐富嘅口感 A4和牛薄燒🥩 - 油花均勻入口即溶 特別之處佢唔似一般鐵板燒咁入面放葱蒜，佢地入面包嘅係Wasabi昆布同牛旁，好好味。

蘭桂芳呢個地方除左係飲酒，食shisha既一個好去處之外，原來入面仲收埋左好多間高級餐廳喎！ 今次黎到呢間新開張以高級日式料理為主既餐廳，就咁望住個menu就feel到有心思啦，而且仲提供左鐵板燒以及omakase揀，相信點都有一款岩你既！ 小編今次就揀左好耐都冇食過鐵板燒！ 🍽 T8 Japanese Cuisine 呢度環境夠哂舒適，想親眼望住師傅功架既可以選擇鐵板燒bar檯即場烹調既視覺享受，又或者選擇一個private room與朋友把酒談心都得，真係夠哂貼心啦！❤️ 🦐 Seafood Teppanyaki ($468) 🐄 Beef Teppanyaki ($428) 🥗 Salad and Steamed Egg Custard 頭盤由沙律菜、粒粒油甘魚及沙律醋汁組合成既開胃菜。油甘魚鮮甜肥美，而醋汁酸甜夠哂開胃，仲加左少許既三文魚籽增加左咸香既口感，另外茶碗蒸蛋口感滑溜，配料分別有鮮菇及白果添，加埋淡淡既昆布汁一啖放入口，真係好鮮味阿！ ☺️ 🥣 Clam,Cod,Onion Soup 銀鱈魚表面煎到金黃色，而魚肉就嫩滑細膩，火侯上控制得岩岩好；另外表面平平無奇既洋蔥湯飲落就知絕對唔馬虎，入面除左有洋蔥既甜味仲有清酒既香味，加埋大蜆呢個配合真係為鱈魚增添一份風味！👍🏻 🦪 South African Abalone, Crab Meat Seaweed Sauce 南非鮑魚大隻厚肉，係鐵板上烹調用左蒸焗手法令到口感食落夠腍滑，而且配埋日本大根、蟹肉以及昆布汁，食落有別於一般其他只利用鹽及胡椒既烹調手法，更加帶出到本身鮑魚既鮮甜味。 🦐 Prawn Bearnaise Sauce 大大隻虎蝦經鐵板煎到甘香，夠大隻之餘仲爽口彈牙，而蝦頭入面仲有膏添！當然醬汁亦都係呢度菜既靈魂人物，感覺就好似酸酸甜甜既蛋黃醬咁，食落唔會太單調而且仲帶左一種清新既感覺。 🥩 USDA Beef Roll 講到牛肉薄燒，多數都係用蔥粒及蒜粒包住牛肉再煎到五成熟。但今次薄燒竟然係用左牛蒡同昆布作餡料。由於牛蒡既關係食落仲多左一層口感添，而且師傅仲推薦可以將牛肉配埋炸蒜片，海鹽以及新鮮磨制既山葵一啖放入口，呢個配合除左令口感更加豐富之外，山葵既辛辣更加減低左當中油膩感，小編表示超鍾意呢個阿！ 🍚 Fried Rice and Miso Soup 炒飯炒得夠乾；仲要粒粒明明真係夠哂火候。 另外日本豆苗用左白松露醬去烹調，去除左豆苗本身既草青味、仲可以帶出白松露既香氣以及蔬菜既甜味！ 麵豉湯就帶微甜，整體都唔錯！ 💡小知識：等小編今日教教大家黑松露與白松露既分別啦！前者味道濃郁，只需要用上少量都已經飄香十足，反而後者氣味就比較細膩多變，果種獨特既香氣有少少難以形容。 不過生吃白松露就最能品嚐到當中既香甜味，而白松露正正就可以令本身清淡既蔬菜增添一份香氣，為菜式帶來一種不同既味道，如果有機會小編都建議大家試下用白松露醬烹調，相信一定令大家愛上呢種口味 🍰 Dessert 鐵板燒當然唔少得既係甜品啦，有驚喜阿！竟然唔係雪糕，而係法式焦糖燉蛋。燉蛋絲滑細膩既口感再加埋表面果一層甘香既脆焦糖，真係冷與熱交融既感覺，作為今餐既結尾真係大滿足阿！👍🏻 🍽 T8 Japanese Cuisine @t8japanese 🏡 中環蘭桂坊15-16號協興大廈5樓 推介指數：👫🏼👫🏼👫🏼👫🏼👫🏼 餵食指數 ：🤤🤤🤤🤤 Encore指數：⭐️⭐️⭐️⭐⭐️ #feed_your_friend #調教朋友 #調教你朋友個胃 #foodie #hkfoodie #foodiehk #foodporn #foodstagram #foodgasm #foodblogger #hkfoodblogger #相機食先 #t8japanesecuisine #omakase #teppanyaki #lankwaifong #japanesecuisine #sushi #central #dining

《秋櫻 KOSMOS》 🔸刺身沙律 平木魚好新鮮肉質好爽口，酸汁啫喱完美enhance咗魚嘅鮮味，連埋海膽一齊食口感層次好豐富！ 🔸鮑魚配鮑魚肝醬 南非鮑魚好大隻！鮮味夠就算唔點肝醬都好好味～ 🔸A4和牛薄燒 和牛裡面包住咗Wasabi昆布同牛蒡，咬落去脆卜卜口感好正，而且牛蒡正正中和到和牛嘅油膩感，perfect match！ 🔸香蔥吞拿魚腩飯 吞拿魚腩蓉夠油脂，好creamy！壽司飯選用咗赤醋同日本新潟魚沼越光米，粒粒都好綿好好食！ 🔸雞肉丸子清湯 天氣凍飲碗暖笠笠嘅湯最正，湯嘅松茸味好濃郁，雞肉丸有啲脆骨係入面幾得意。 🔸日本湯葉芝麻雪糕配焦糖脆餅 上面嘅焦糖脆米係岩岩焗起，又香又脆，中間係自家製日本芝麻雪糕，最底係日本豆乳整嘅湯葉，清清地唔會太甜

聖誕節又黎啦！今年男朋友好有心思，晨早book左呢間鐵板燒同美美過一個肥美嘅聖誕🐷 呢間鐵板燒餐廳喺中環蘭桂芳 地點都好易搵 Menu有幾款 我地揀左新出嘅節日Menu $1388一位 共有11道菜 包括先付，前菜，刺身，炸物，鐵板燒，湯同甜品，全部高質精緻。 除左食物高質之外，店員服務好周到，師傅每上一道菜都會介紹下食材同煮法，好高級嘅享受 11道菜過後美美同男朋友都飽到200%🤣捧住個肚走