Sora Cafe – 咖啡廳

俾我喺元朗搵到一間專食哥基Bagel 🥯 既Cafe，超得意，佢哋係全人手製造嘅哥基pat pat造型Bagel，本身嘅Bagel係原味嚟，另外配唔同味道既cream cheese，我就揀咗呢一款Bagel w/blueberry cream cheese $38 :佢都係即叫即烤，所以嚟嘅時候都係熱辣辣👍🏻，造型方面因為都係全人手制，所以每一個樣都有分別，佢哋嘅bagel食落較軟熟，焗得啱啱好，本身諗住試吓佢哋嘅甜品，可能係時間比較晏嘅關係大部份都賣晒，聽聞呢度都係藍帶甜品，唯有下次再嚟試吓啦 另外就嗌咗兩杯咖啡，熱既☕️薑汁鮮奶咖啡 $43 :咖啡味都幾香濃，係唔錯，不過薑味個人認為可以再多啲，另外一杯就係☕️凍嘅鮮奶咖啡 $42 :佢哋嘅咖啡都算唔錯，最緊要係咖啡味夠香滑濃郁,價錢方面都算正常

好食！咖啡出色，新年仲有特別版拉花好開心！

呢間cafe好chill好relax，因為只得一個廚師，所以上菜的確會比較慢。但都可以珍惜等待嘅時間，同身邊嘅人好好地傾下計，享受慢活人生。店鋪入面除咗有文宣，仲有元居民社區報🗞，等嘢食嘅時侯我哋都睇咗唔同關於元朗人元朗事嘅報導，大家有興趣都可以拎份睇睇！ 🥐 火雞肉軟芝士牛角包 $50 呢個牛角包係menu上面搵唔到嘅隱‼️藏‼️版‼️，我都係睇其他foodie介紹先知，真係無介紹錯呀！牛角包熱辣辣送上，超級酥脆，包住三大塊火雞肉同埋四塊軟芝士。本來以為呢個牛角包係行鹹香路線，點知入口竟然食到甜甜地嘅味道，好驚喜🤤。包入面有啲類似果醬嘅餡料，應該就係甜味嘅來源。火雞又大塊又厚，不過單食會太鹹，所以一定要夾埋啲果醬食，先可以中和火雞肉嘅鹹味。成個配搭鹹鹹地甜甜地，好特別又份量夠。大家想食都可以問吓店主仲有冇呀！ 👅評分：9/10 🍽 英式全日早餐 $88 呢個all day breakfast有炒蛋、啡菇、腸仔、茄汁豆、沙律、煙肉、薯餅同烤麵包。當中最好食係個啡菇🍄，一咬入口竟然會噴汁，又香又好食。呢到啲茄汁豆同街外嘅罐頭唔同，呢到啲豆大細粒粒唔同，唔知係咪自家製嘅茄汁豆呢，又幾好食。🍳炒蛋好黃，同間鋪頭一樣🎗，而且好creamy好滑，但就無咩蛋味，腸仔同煙肉🥓都係普普通通。當中薯餅有啲乾，而且唔夠脆，所以我哋都覺得麻麻地。不過overall嚟講都係一個吸引嘅all day breakfast，質素都算中上。 👅評分：8/10 🍵 宇治抹茶鮮奶 $34 呢杯抹茶鮮奶個拉花幾特別，係個心形嘅感歎號❣️。杯嘢奶味比較濃，抹茶味道較淡，不過我同男朋友都好鍾意。 👅評分：8/10 💬後記：呢間cafe係主打精品咖啡☕️，可惜我哋都唔太識飲咖啡，下次有機會再試！ follow我嘅instagram睇更多review @hea9foodie

🔹卡邦尼扁意粉 $65 意粉算較硬身，汁都唔算少，未至於好乾，不過同行朋友食煙三文魚意粉就真係偏乾啦，意粉面頭加咗兩款芝士同煙肉 仲有啲黑椒，整體兩款意粉味道偏淡，不過唔差嘅，但我下次會想試其他多啲。 🔹跟餐有幾款茶/咖啡 凍飲＋$3 Sora出名咖啡 跟餐有Americano當然要試下下啦，咖啡餘香比較重，不過咁啱今次係食完先上就真係耐咗少少，大熱天時都想飲杯凍飲降下溫，但真心想試埋手沖咖啡，下次再去試下先。 不過小店勝在有人情味 態度極好 係地方光猛嘅青新小店 值得支持 🍴搵返相關地區👉🏻 #90sfoodieshare_元朗#食在元朗 #元朗黃店

作為手沖咖啡店，最重要係有一個有靈魂，有堅持既咖啡師。 但更重要的是，這位咖啡師會親自沖咖啡給你。 因為就算你係世界冠軍，但不在店面，店員只是按指示沖，而沒有就當天的天氣，豆的狀態作調整，怎或沒有耐性，那就浪費好豆了。 這間的老闆對咖啡，有愛。 老闆入的莊園豆更是特別，鐘意手沖一定要嚟試試 況且還有藍帶甜品師為你準備的限量甜品，愛咖啡的人，一定要去。