Smart Home 智舒適家居服務有限公司 – 家庭清潔服務

吉屋清潔服務一流！ 我間屋590平方呎，廁所同洗衣房都好污糟，廁所有好多霉菌同污跡係用消毒酒精點抹都抹不走的。需要退租，將吉屋交返給業主之前，用左3130蚊請左兩位清潔工上門清潔五個鐘。她們用強力的清潔劑，自備左各種強力清潔器具，在五個鐘之內將整間屋打掃得一乾二淨，仲乾淨過我兩年前搬入去個日。做得特別出色，連渠都幫我通埋，迅速棄置左廚房眾多雜物。物有所值！

千萬不要再有人中招！（長文慎入） Smart Home（智舒適）清潔公司真係好差好差好差！ 前排搬屋，幫襯了係迎海會所有得攞到廣告的這間清潔公司—-SmartHome（智舒適）。我想它與我哋屋苑有長期合作，應該唔會差得去邊，點知，真係差到無朋友。 佢公司網頁話自己有「專業」大掃除服務，標榜自己同其他清潔公司完全唔一樣。所以我立即打去請佢報價。 約700呎的吉屋，佢哋話必要兩個人清潔6小時，收費2930元，可謂相當貴。但看到公司網頁上寫說自己與別的公司不同，不是請一般的家務助理來打掃而已，而是有專業的清潔人員來工作，而且會起漬、清理廚房油煙機等，於是決定信任佢哋網站上的說明，立刻付款預約。 當日，兩位清潔阿姐遲了19分鐘來到，並表示自己只係普通家務助理，公司只係俾佢哋100蚊一個鐘，連清潔用品都係自己屋企帶嚟。這也就算了，但整個過程無論從清潔用具的配備，還是清潔人員的工作態度，都和「專業」二字完全不相符！！ 我在預約服務的時候已經發送了單位窗戶的相片給負責人員，嗰個人話要去詢問一下清潔人員的意見，並且說「清潔人員看過照片後回覆可以清潔到的」。但是兩位清潔姐姐到場時根本沒有合適的配備來擦這些窗戶，並且表示完全不知道要擦這些窗。所以擦完的窗依然充滿污跡，幾乎看不出是擦過的（而且仲整爛咗我兩個拖把），令人非常詫異。 我當場向清潔姐姐表示這樣不能接受，姐姐只係話無辦法，但後來我自己用布一抹就抹走了那些污跡。 廁所的不銹鋼水喉、花灑上面多少會有些水漬，嗰間公司的清潔人員也只是隨意用清水抹一下，完全無法清除水漬。 廚房更是離譜。我知道新居廚房較髒，所以請清潔姐姐先打掃廚房，可以有充裕的時間，清潔姐姐入咗去五分鐘出返嚟，表示不願意，還表示時間會足夠的。結果她們最後才清潔了廚房，並且把廚房地板弄得非常非常濕，成地都係水，人根本無法走進去，也無法驗收。在她們離開之後，我自己拖乾廚房，走進去一看，實在嚇一跳，櫥櫃上滿是抹布留下的污跡；爐頭上的油污也沒有抹，整個抽油煙機只用水浸了一下，導致本身的油污漂浮起來，整個廚房全是油污的味道。 她們說自己完成的時候，大約為17:48分，因為遲到了19分鐘，所以大約用了五個半小時。 因為兩日之後就要搬，所以我第二日只好自己再從頭清潔一次。 後來我向佢公司反應，佢公司話可以再上嚟睇下，但我已經抹晒了，睇咩呢？佢哋仲表現得好似好唔好意思咁，但就表示無辦法作出清潔賠償，但可以搵姐姐上嚟做一陣家務，因為佢地話，平時搵姐姐去做四個鐘家務成本都要千幾蚊。我家平時已有用開的鐘點，所以我並不需要這個服務，於是我提議不如重新抹窗。 再後來，佢話佢再問下公司，再後來，就消失咗。 後來一詢問，原來好多鄰居都中過呢間公司的招，大家千萬千萬不要再重蹈我的覆轍了。

我用咗好耐智舒適既Office清潔服務，佢哋嘅家務助理工作效率非常高，會繼續長用。

已住左超過十年既屋企超級污糟，三房450尺公屋揀左五個鐘大掃除服務，兩位清潔姐姐服務超級無敵好！真係五個鐘內抖都冇抖過抹晒我全屋，有d位我直接叫佢地放棄，但佢地都幫我做埋！臨走前都忍唔住比左貼士兩位姐姐！仲同我講係邊到買過d野！真係好好服務🥲以後再有機會我一定會再揀番呢間！當然都希望屋企人唔好再住得咁污糟🥲

感恩清潔姐姐很盡責🏻，即使現場發覺難搞污漬，都用心處理，十分專業。雖然較預期清潔時間長，但姐姐沒有怨言，仍然落力做好，把我裝修後的吉屋清潔得乾乾淨淨。跟單的同事也很好，很有交帶，及回覆很快。值得推薦👍🏻