Root Vegan – 純素餐廳

服務態度良好，開12點，但11點47分左右在門口，職員比我入去坐。仲可以在12點前落單，講明要等一陣。 我個湯同沙律都係職員幫我拎嚟，十分親切有禮。 叫左combo，個菜湯唔錯，沙律🥗普通，主食都唔差，樣樣份量都大。 食完要自行拎盤去餐車

餐點好好吃，店員很親切，餐廳氣氛很棒，推推❤️

星期天的幸運色是紅色系。紅菜頭貓耳粉相當美味，口味清新，像吃完便能健康起來。年青侍應有禮又友善，用膳氣氛歡樂又輕鬆。

對食肉獸來講，去素食餐廳係一件特別體驗。今日同朋友就有機會一試呢間位於中環的素食西餐廳！ 餐廳係樓上鋪，一啲都唔細，非常闊落。而且裏面的裝潢唔單止靚，仲非常符合素食概念，打卡一流。 既然而家興無麩質食物，我哋主菜就試咗： 👉🏼彩虹牛油果沙律碗 $118 七色沙律唔單止靚，更重要係唔同顔色食物旺旺含有唔同嘅營養，非常適合素食者。呢款沙律配埋香橙醋，夠哂好味。特別鐘意牛油果同苜蓿芽，非常新鮮。 👉🏼紅咖哩雜錦蔬菜天貝 $138 唔查都唔知，天貝係印尼一種用黃豆發酵而成嘅食物，蛋白質含量同牛肉差唔多，而且有豐富維他命B雜，唔係素食者都應該食多啲。紅咖喱唔會太辣，配埋酸種麵包非常好食。 👉🏼雜莓高蛋白奶昔 $58 唔單止賣相靚，而且食得出唔同味道嘅莓汁，加埋蛋白質奶粉打shake，健康又好味！ 👉🏼三層朱古力蛋糕 $78 呢款朱古力蛋糕夠晒特別，用咗草莓醬，剛好中和返朱古力嘅甜味，所以食晒成舊都唔會膩。 👉🏼芒果乳酪蛋糕 $78 特別鍾意敲到好趣嘅杏仁片，而且放芒果一啲都唔孤寒，落足料！乳酪甜甜酸酸，好好食。 聽住餐廳嘅爵士音樂，環境舒服，食物高質素，值得回頭再食。

📍本原純素(中環) 中環威靈頓街112-114號新威大廈1樓102-103號舖 近排食咗好多肉嘅我，食返啲素嚟平衡返個心態。店舖環境優靜，坐得舒服，仲有露台位，喺個洗滌心靈嘅地方 👉泰北咖哩金麵配腐皮雞腿 💰$128 +38轉餐 ./5 餐湯飲落有種好熟悉嘅感覺，但又講唔出係咩嚟，後來問店員先知係椰菜花湯，味道唔錯。 開頭以為雞腿由素整成再用腐皮包外層炸香，點知食落去係成隻都係腐皮，用支雪條棒做個形，睇落去同真雞腿無分別，好有心思☺️☺️。腐皮雞腿、紅蘿蔔絲、菇絲、炸雲吞皮脆片，吸埋咖哩湯，真係好好味。咖哩湯唔太辣，好香椰汁味。好少地方有蒟蒻麵食，我就加咗$10轉麵底，轉咗做蒟蒻麵，食幾多都唔怕啦 👉沙嗲雞串伴黃豆脆餅 💰$38 .3/5 雞串食落同真雞肉無分別，像真度極高，沙嗲汁好惹味，好想加個白飯撈汁食。脆餅點泰式醬又得，點沙嗲汁又得，唔點都得，點樣都好食 👉麻辣雲耳 💰 $18 /5 食落好開胃，唔算辣，食唔停口，筷子都唔捨得放低。我個人覺得可以辣多小小。睇落份落好小，但食極都有 👉紅棗桂圓薑茶 💰$54 .3/5 跟餐加差價飲品。用上透明玻璃壺，從外已睇到好足料，有紅棗、桂圓肉、杞子、薑粒，樣樣都好多。紅棗整碎哂，好出味。茶好濃，睇得出係煲過，而唔係焗水出黎。飲得出係果糖嘅甜，無加調味料，原汁原味。呢啲天氣最啱飲，飲完又潤又暖。 👉抺茶紅豆貝果 💰 $32 /5 一入店舖已經比個麵包櫃吸引住，望到有bagel已經一早order定，仲要係我最鐘意食嘅抺茶味，一定要試下。我叫店員最後先上，當甜品咁食。抺茶有小小苦味，紅豆唔太甜，夾埋一齊就啱啱好。bagel焗熱咗，熱呼呼，好煙韌，一口接一口，唔覺意就食哂成個。 回頭: yesYesyes!!! 真係冇諗過食齋都可以咁滿足。甚至比正常餐好食！餐廳仲有戶外可以坐，環境好舒適☺️☺️☺️絕對會再嚟🫶🏾 #kermit食在中環