Rest Coffee Gin – 咖啡廳

呢度出名Gin，其他就主要係咖啡店同飲啤酒，呢一間餐廳價錢都屬於貴，咖啡$50起，Gin 就$110起跳，款式都唔算多每樣幾款，但係足夠你選擇。 服務方便店員態度好好，雖然落單要自己行去收銀機落，冇得喺枱度落，但上菜嘅時候調酒師好好，每一個人都分別上酒，見到我哋有朋友出咗去傾電話，佢就將酒放返入雪櫃保持溫度；見到我哋打卡打得耐，就提醒我哋要趁快飲，非常貼心。 飲品琴酒叫咗海鳴威西柚汁好清爽飲得出係新鮮榨出嚟，而且糖精份量唔會太Over，感覺非常平衡！當然溫度都調教得好好，chill chill地非常適合一邊傾偈，一邊做嘢一邊飲酒休息。 環境方面座位唔多，出邊入邊室內室外都有位，如果平日晏晝係有位坐嘅，但假日就一定冇位坐。我覺得享受餐廳氛圍都係好重要，先配得起呢個價錢。冇自己Wi-Fi但係可以連接西九龍公園本身Wi-Fi。

⫷ 西九文化區精品咖啡店 ☕️｜飽覽維港無敵大海景  | 全新餐牌 + 全新飲品 ⚠️｜必試高質 Affogato 咖啡甜品 🍨 ⫸ ˗ˏˋ 𝐑𝐞𝐬𝐭 𝐂𝐨𝐟𝐟𝐞𝐞 𝐆𝐢𝐧 唞唞 ´ˎ˗ 西九文化區精品咖啡店近排有唔少新搞作 🤣 佢哋設計咗全新餐牌，除咗多咗幾款咖啡豆可以選擇，仲有單品朱古力 (single origin chocolate) 🍫 話說新餐牌上面無寫到可以整手沖咖啡，但係只要你同咖啡師講，佢都可以整俾你飲 我見佢哋ig周末會開始做私房菜，有興趣可以上佢哋個ig睇吓有乜食，嚟緊去西九文化區嘅話可以去試吓 ▮ 𝐀𝐟𝐟𝐨𝐠𝐚𝐭𝐨｜HKD 88｜✯ : 8.5 ⭐️⭐️ 每日限量供應‼️ Espresso 揀咗 Ethiopia 74110，可以話係近年經典中嘅經典，味道上展現出極緻 fruity，蜜桃風味尤其明顯 🤤 Affogato嘅另一個重點當然係雪糕 🤣 雪糕係北角野草 @weedsgelatocoffee 出品，絕對有質素保證  口感香滑，濃郁嘅奶香味，好耐未食過咁正配上咖啡取得完美平衡 ▮ 𝐒𝐡𝐚𝐤𝐞𝐫𝐚𝐝𝐨 𝐒𝐨𝐮𝐫｜HKD 65｜✯ : 8 ⭐️⭐️ ▯ 𝘌𝘴𝘱𝘳𝘦𝘴𝘴𝘰, 𝘭𝘦𝘮𝘰𝘯 𝘫𝘶𝘪𝘤𝘦, 𝘣𝘳𝘰𝘸𝘯 𝘴𝘶𝘨𝘢𝘳 𝘴𝘺𝘳𝘶𝘱 新品推出‼️ Brew Note 傳說級咖啡特飲重返唞唞  改良自意式傳統冰搖咖啡 Shakerato (濃縮咖啡+糖漿) ☕️ 增添咗新鮮檸檬汁，同埋用黑糖漿代替糖漿，同冰塊喺shaker互相撞擊同融合嘅一杯咖啡特飲 🤣 個人覺得夏天真係超級啱飲 (尤其是行去西九咁熱)，非常清新同refreshing 酸甜之間取得一個唔錯平衡，飲落又唔會飲到明顯嘅糖漿味，絕對值得一試

開左無耐已經想黎，知道呢度可以揀選自己喜歡的咖啡及抹茶產地，又可以揀咖啡杯，成件事感覺係幾Customized既。可惜當日滿座，我同朋友只可以外賣，有啲失色。 咖啡杯印上不同形態的天空，看著心情特別靚。 呢度日頭係咖啡店，夜晚會搖身一變成為酒吧，所以會見到掛滿好多酒瓶。 《Iced Latte (Brazil) $48》 簡單點左杯Iced Latte，先講咖啡賣相係幾吸睛，咖啡同牛奶的漸變效果好靚。味道方面則不算突出，口感尚算順滑，偏向Milky，咖啡味可以再香濃啲，以呢個價錢黎講，堂食會比較划算。

名副其實好岩唞唞🥰的咖啡店 行過俾好多個藍色地球吸晴咗 因為真係超靚，依間小店專賣咖啡、抹茶同茶。 職員好用心咁了解每個客人的口味，再介紹返一款比較啱你嘅咖啡或者茶🥰 是日餐單如下💁🏻‍♀️ flat Brazil Sao Francisco 丸久小山圓 又玄抺茶 日式芝士蛋糕 當然餐廳主打唔係芝士蛋糕，所以芝士蛋糕🍰係好正常嘅 我好鐘意佢地依款咖啡，唔係太酸，係nut同花生🥜的調調🥰 抹茶唔會好苦，依款青苔味無咁重🥰好鍾意 講完，都覺得自己好文青。 唔知係因為餐廳嘅隔音比較好，還是我去當日西九唔算太多人，坐咗喺餐廳入邊，好寧靜好舒服同佢地的店名一樣 支持用心經營的小店💪🏻👍🏻👏🏻🥰

飲品質素，價格，排隊輪候時間均一般，職員介紹咖啡豆類別時態度唔錯。 總體水平一般， 如遇人多，我唔建議大家花太多時間等候購買。