Poking – 夏威夷蓋飯專賣店

放工相約了同事一齊去上環永安轉個圈，順道食晚飯，因為他說他要減肥，所以晚餐要食得健康，問我介不介意和他一起走健康路線，我當然是没有所謂。 來到他推介的Poking，店子小小，座位不多，但晚飯時間人也不少，外賣更是唔停手。這間主要食夏威夷蓋飯的小店，估唔到咁受歡迎！ 這個蓋飯感覺像是日本的丼飯，配料就以健康食材為主，可以自己按喜好加配料，懶人如我就直接點餐牌上配好的！因為已經有好多選擇，而且有我最鍾意的三文魚！！！ Creamy Baby 有三文魚牛油果，雞蛋絲、豆腐、青瓜、蟹籽、木魚絲、脆炸蒜粒配芥末乳酪沙律醬，卡路里是550，很貼心！我加配了南瓜湯。 飯底選了糙米飯和沙律菜，上枱是大大一碗，顏色好豐富！食落都好有驚喜，估唔到咁好食！三文魚肥美，加入了蟹子卜卜脆。木魚絲蛋絲和牛油果，每樣都好夾，沙律菜和糙米的份量亦多，醬汁亦好夾，成碗都好好食！ 南瓜湯夠濃，亦夠香甜，無油低鹽，又多蔬菜，成件事都好健康！ 同事的Salmon The Classic有三文魚、牛油果，青瓜、蔥花，檸檬和芝麻，配料比較簡單，選了壽司飯，配自製醬油。他一口氣食左大半！他還加配了椰子蜆湯，飲落鮮甜。 同事說這間是他減肥以來的愛店，因為又好食又健康又飽肚，我食完都絕對贊同，呢間真係好推介，啱晒忙碌又想食得健康的打工人!!!!

前兩日打完邊爐，今晚要食得健康啲.揀咗色彩繽紛Poke bowl I am Greedy 三文魚，吞拿魚超新鮮，滿滿的優質蛋白質，搭配蟹柳沙律、蟹籽、鮮蝦和蛋絲，口感超豐富！青瓜和枝豆增加清爽脆度，壽司飯和沙律菜讓整體更飽足，營養均衡又不膩口。 Nutty Shanghai Chicken 慢煮手撕雞胸和煎雞扒超嫩，搭配甘筍絲和青瓜，清爽又解膩。蕎麥面低GI又高纖 這兩款都是高蛋白、多蔬菜、少精緻澱粉的組合，啱曬我想吃得健康又不想餓肚子的人，美味和營養一次搞定！ 真菠蘿水果茶，好好飲天然果味冇假甜，特別鐘意佢用咖啡渣整成可分解飲筒，唔使再用紙飲筒 朋友仔都贊今次揀得好，哈哈

今日嚟咗Poking食個healthy lunch! 💪🏻🥑 成間舖頭都好清新，感覺好舒服，有好歌聽！裝修簡約，加上柔和嘅燈光💡，令人好放鬆。店員都好friendly，好有禮貌，而且效率好高，唔使等好耐就有得食！ Poking嘅食物新鮮，選擇多，啱晒注重健康同追求均衡飲食嘅朋友！ 我叫咗個"Refresh Your Mind"，材料豐富，有齊三文魚、吞拿魚、牛油果🥑等等，全部都係superfood🤩！醬汁酸酸甜甜，好開胃！而且protein豐富，啱晒做完gym或者想增肌嘅朋友！🤤 "Salmon the Classic"就比較傳統啲，主要係三文魚🐟，都係一個高蛋白質嘅好選擇！👍🏻 想再加強蛋白質，可以加隻溫泉蛋🥚或者雞胸肉🐔！ 火龍果乳酪特飲顏色好靚💗，味道甜甜地，好fresh！仲可以加啲chia seeds，增加纖維攝取量！ 蜂蜜枸杞玫瑰花茶就比較養生，味道清甜，飲完個人都精神啲！✨ 玫瑰花🌹仲可以幫助舒緩壓力添！ l

餐廳位於上環蘇杭街，主打夏威夷蓋飯，減肥或者胃口細既人都適合。店內裝修別緻，可以享受一個寫意的用餐環境。 I am Greedy Signature Menu既預設套餐，配料有三文魚、吞拿魚、鮮蝦、蟹柳沙律、蟹籽、雞蛋絲、青瓜、枝豆和芝麻，加上配搭上自製醬油。 三文魚應該有腩部，甘甜肥美。吞拿魚切成粒，容易拌勻之餘，又容易放落口。蟹柳沙律及蟹籽一同食用，加倍味美。自選飯底壽司飯，酸酸的飯特別開胃。 自選餐單可以自由配搭，由飯底，蛋白質（又稱主菜），配料，特色醬及脆脆配料都可以揀，可以自行設計一個貼心的飯盒。 我揀左糙米飯配沙律菜，可以食少啲飯，糙米飯的膳食纖維更高，對減肥有幫助。八爪魚好有咬口，只有新鮮八爪魚先做到。蟹柳沙律，雜錦香菇即使是涼品都香噴噴，芫荽莎莎有好多粒粒，味道酸爽。最後加埋油醋汁及紫菜絲。

天氣回暖，總想食一點豐富又清淡嘅美食💁‍♀️ 多款自選及餐廳特定 poke bowl ，幫你選好最佳配搭 。 有食開poke bowl ，都離不開我最愛嘅三文魚及牛油果🥑 ‼️Salmon The Classic 有齊三文魚，牛油果，三文魚腩肥美新鮮，份量頗多👍🏻 配上青瓜及自製醬油，好清新開胃💕加上蔥花、芝麻，口味偏向日式 。仲可以揀沙律菜底，壽司醋飯或雙拼選擇 。 $118 ‼️Moo-moo Onsen Bowl 有牛腱肉，啱晒男人胃口 。牛肉入味，唔會太韌 。蕃茄洋蔥莎莎，新鮮芒果，清甜配搭！加多隻中國溫泉蛋，係夏天佳品 $108 ‼️紅火龍果希臘乳酪特飲 $48 無糖希臘乳酪做嘅特飲非常健康，用上原形生果製作，飽肚又好飲 。