Pentola – 西餐廳

環境同氣氛都唔錯，餐廳full house,職員都不忘斟水。食物味道普通，有改善空間。 pizza側邊燶了👀pizza很大個，建議4人叫半份好了

環境可算是大埔市內最好的，人流不多，相信跟價錢也有關係，一份意粉180元左右，牛扒220元，咖啡加奶要加錢，吃完可以藝術中心其他地方遊逛，旁邊有一間解憂書店

呢一日去完慈山寺參加森林浴之後，喺大埔太和附近上網搵食嘢，搵到一間位於大埔藝術中心入面嘅意大利餐廳。中間發生咗一個好笑嘅小插曲，我初頭以為係藝術中心門口嘅餐廳，入咗去坐低望一望個餐牌，先知道自己去錯咗，真係搞笑！原來我想去嘅餐廳真係要入去藝術中心裡面。 當日我冇訂位，所以要等standby位，最後等咗唔使十分鐘就有得食。點咗個二人餐，唔使400蚊，算係幾抵。入面有一人一杯飲品，兩個意粉，仲有湯、麵包同兩個前菜，真係幾抵食。 我幾鍾意佢嘅薯仔麵團，整得好好味，配返蕃茄醬，覺得好襯，好夾好好味。至於個青醬寬條麵，我就覺得味道唔夠濃，如果青醬入面有多啲芝士就會好味啲。 另外，我想講講個餐湯，佢加咗一啲麵包，唔知點解，覺得有少少似中式湯入面嗰啲花膠，滑滑地好好味。 最後加咗錢要咗個tiramisu，整得幾好食。呢間餐廳最緊要係一啲都唔貴，不過我覺得啲夥記嘅服務態度就唔係太好。

大埔隱世打卡📸 手工意粉🍝 Cafe 突然想食意大利🇮🇹菜，想起大埔藝術中心內的西餐廳 「Pentola」，尼間Cafe以工業風紅磚設計，走復古風格，好啱打卡，同埋尼度空間感十足，座位夠哂闊落，Cafe 主打菜式係手工意粉🍝。 平日一至五有Lunch Set 有意粉，飯，漢堡包同多士多款選擇，Lunch Set 包主菜，飲品，餐湯或沙律🥗，如果我想兩樣都要加多 $38 就有齊四款。 主菜我揀了蒜香辣椒橄欖油煙肉闊扁麵，加餐湯同沙律🥗。 Order 後，店員先送上香草麵包配橄欖油同黑醋，塊麵包真係香香草味道。 🍴 廚師精選餐湯 當日餐湯係雜菜忌廉湯配蒜蓉多士，首先講個雜菜忌廉湯，不是平時好creamy 忌廉湯反而我喜歡，湯內有蘑菇，蔬菜等等，味道幾清新，塊蒜蓉多士焗到好香脆又勁香蒜香味，無論單吃定點湯一齊食都好掂。 🍴沙律 🥗 - 煙三文魚乳酪沙律 入面的青瓜🥒又清甜又爽脆，加埋沙律菜同乳酪醬mix 埋一齊食唔錯。 蒜香辣椒橄欖油煙肉闊扁麵 上枱已經聞到勁香蒜香味道，手工闊扁麵比較粗身，軟硬度適中幾煙韌彈牙同有蛋香味道， 每條闊扁麵沾滿了蒜香辣椒味道，不過個人認為煙肉粒粒略肥膩，因為有3 分1 都係肥膏粒粒。 Ice house blend tea with lemon 檸檬茶茶底有淡淡花香味，加埋蜂蜜同檸檬🍋mix 埋酸酸甜甜幾清新。 埋單連加一 $172 ，食咗個好滿足Lunch 。

平安夜果陣去咗大埔藝術中心搵朋友食lunch，之前食過另一間餐廳，今次就試埋呢間餐廳啦！ 白鯷魚茄子蓉多士 $98 我係為咗依個小食而嚟，白鯷魚同茄子蓉放喺充滿橄欖油香嘅法式麵包上，好滋味，有啲人可能會覺得白鯷魚有啲腥，但我就係鍾意依種味道 意式巴馬火腿雞肉雜菌意大利飯 $168 +$18 宇治抹茶牛奶 我哋叫咗依個lunch set, 配有羅宋湯，意大利巴馬火腿雞胸係一道意式家常菜，就係一塊雞胸先擰去炸，然後配上Sage 鼠尾草、芝士、巴馬火腿再擰去焗，第一次試，感覺好特別 宇治抹茶牛奶有好靚嘅天鵝拉花圖案飲得特別開心！ 評分：最高為5分 治癒度：👩‍⚕️👩‍⚕️👩‍⚕️👩‍⚕️👩‍⚕️ 抵食度：💉💉💉💉 翻兜指數：🩺🩺🩺🩺 Pentola (大埔藝術中心) 安邦路12號大埔藝術中心地下G01-02號舖 📍大埔墟港鐵站A出口15分鐘路程 #healingbobo #foodie #hkfoodie #foodiehk #香港 #美食 #TPAC #大埔藝術中心 #TaiPo #大埔 #Pentola