Oyster Station – 生蠔吧餐廳

生日就梗係要請食餐好，今次就揀去蠔站平平嘆堂食優惠$10靚生蠔🦪 精選生蠔 │ $10/隻 初時見平平地都無抱太大期望，反而意外地覺得有驚喜，肉質鮮甜肥美 香辣炸雞翼 │ $98 雞翼熱辣辣炸起就係無得輸，未上枱都已經聞到好香，醃得好入味，而且真正做到外脆內Juicy，真係會食到停唔到口 四重芝士薄餅 │ $168 餅底唔算香脆，但係有滿滿芝士佈滿整個Pizza，芝士味道層次豐富，仲有令人無法抗拒的拉絲效果 炭燒美國頂級肉眼(12安士) │ $488 5成熟的肉眼扒，配有原粒焗蒜、薯蓉同少量蔬菜，牛扒熟度剛好剛好，肉質鮮嫩多汁，邊位脂肪帶微微焦香，仲要又厚又大塊

尖沙咀🚇諾士佛臺酒吧街開業多年嘅🦪蠔站絕對係蠔迷基地，除咗有多款高質生蠔供應之外仲有勁抵食嘅精選十蚊隻🤩生蠔添！ 今晚嘅💰抵食十蚊生蠔係 Pacific Rock，🦪蠔身雖然唔算巨無霸，但入口新鮮🥰爽口又甘甜，加上海水🌊味濃又帶微微果仁香，配埋檸檬汁🍋同雞尾酒醬一齊食超爽呀！ 香辣炸雞翼🐓外殼好香脆，咬開肉汁bi晒出嚟💦，加上係單骨雞翼，🤤易食又好味。 冬陰公海鮮扁意粉🍝係惹味之選，泰意crossover好過癮🇹🇭。酸辣醬料掛滿每條扁意粉，入面仲有🦐大蝦、青口同埋魷魚🦑，真係幾滋味。 蜜糖🍯柚子香煎比目魚口味幾特別，🐟魚皮煎到金黃脆卜卜，柚子蜜糖醬甜甜酸酸幾解膩，魚肉十分鮮嫩，配上🧀芝味椰菜花飯，🥦健康又好食。 飲品方面呢度有唔少款式嘅🍺酒類飲品，不過我哋就揀咗🍇巨峰提子梳打同埋白桃乳酸梳打🍑，兩杯都靚到唔捨得飲！🍹巨峰味爆甜似食緊真提子，白桃乳酸仲有果肉沉底，☺️望落去好有層次又好飲。

尖沙咀諾士佛台樓上酒吧餐廳「蠔站」竟然推出 $10 一隻生蠔，蠔迷聽到即刻雙眼發光！✨🍽️ 餐廳環境走工業風，燈光昏暗有情調🌙，枱與枱之間唔逼，啱晒約班 friend 嚟狂隊生蠔兼啤一啤🍻，或者兩個人撐枱腳都 OK！❤️餐廳出名食生蠔之外，其實都有提供 Pasta、Pizza Main course & Snack 等等，今次就點左份 黑松露野菌配大啡菇意大利飯🍄、炭燒美國頂級肉眼（12安士）🥩及 脆炸啤酒味薯條🍟，當然唔少得點反一打 $10 隻生蠔🦪，配得生蠔又點少得要杯白葡萄酒🍾🍷！

西餐廳想食生蠔，第一時間諗到蠔站 ~生蠔平靚正~ 而且經常性有唔同嘅推廣！今次主要係為咗$10生蠔入嚟🤣🤣🤣 精選生蠔12隻 $120 韓國Tong Yeong 🦪size都唔算細，肉身飽滿，口感爽滑，蠔味突出。堂食$🔟蚊隻勁低！！！！ 黑松露大啡菇意大利飯$148 飯粒煮得剛好，吸收咗豐富嘅高湯，口感滑溜。大啡菇嘅香氣濃郁，搭配黑松露嘅獨特風味，整體味道層次分明。 炭燒美國頂級 西冷(10安士) $398 西冷排🥩份量十足，表面燒得焦香🔥，5成熟成度啱啱好，邊位連筋部份更香，蘸上海鹽更加鮮味。配菜同樣烤得香口，加上香滑嘅紫薯蓉。味道更加豐富。 香辣炸雞翼 $98 係單骨雞翼！炸到脆卜卜，雞肉好嫩，雞肉汁爆滿！ 巨峰提子梳打$48 白桃乳酸梳打$48 巨峰提子梳打充滿住新鮮提子嘅香甜，白桃乳酸梳打就有淡淡嘅白桃香同乳酸味，兩款都好清新解膩

Oyster Station 蠔站 真係由我細細個開始已經成日去嘅餐廳 早兩日突然間想食生蠔就諗起 佢哋超抵食$10隻生蠔 最近都仲推出咗一個八國生蠔拼盤 只係需要HKD$199 仲要包紅白酒 其他菜式都好好食，性價比超高