one & a half – 咖啡店

今日難得放一日假，起身都唔係太晏可以食一個午餐，所以今日嚟咗食一間餐廳叫做（one & a half） 我用咗唔同嘅角度去分析一下今次嘅餐飲體驗。 羽衣甘藍雜菜沙律 份量如圖所示，有羽衣甘藍，亦有蕃茄仔，混合胡麻醬，味道正常合理。蔬菜尚算新鮮。 是日餐湯係日式味噌湯 相當鹹，飲咗一啖之後就冇飲啦。 吉列廣島蠔 總共有三隻炸蠔，賣相唔錯，新鮮炸出嚟，所以相當熱。廣島蠔很有蠔味，味道中上。亦配上了沙律醬，和少量沙律菜，整體上唔算太油。 日本味噌燴牛肉 味道還可以，牛肉亦很腍很有牛味，加上了少許蔥花，令到味道更多層次。份量足夠，加上白飯很搭配。 冷凍玄米茶 味道正常冇特別。 特濃牛乳雪糕脆筒 味道係人造嘅牛奶味，食咗兩三啖就冇食啦。 上餐速度：如果你趕時間嘅話，你係會等到有啲情緒嘅。 店員態度：正常 店內環境：枱與枱之間相當接近 交通地理：位於YOHO MALL內 付款方法：信用卡或現金 人均消費：$100以上 Wifi：沒有 改善方案：可改善特濃牛乳雪糕和味噌湯的味道

第一次到訪，下午茶時刻，點左甜品。 幾有驚喜。食物環境都不錯， 凍朱古力好好飲好濃郁

今天來試試他們的自選晚餐，包括了沙律、前菜、湯品、茶碗蒸、主食、飯或麵、甜品、飲品，算是一個非常完整的餐。 前菜點了日式龍蝦沙律，初初怕會跟跟餐的沙律差不多，不過最後是完全不一樣的東西，滿好吃的。主菜點了日式燴牛肉及白飯，味道不錯。 甜品有好多選擇，大部份都係店家既雪糕，佢地既雪糕係真係好食！ 價錢是yoho 晚飯價錢，在這裏來說己不算貴，因為其他餐廳都是差不多這個價錢。 不過有兩樣野我覺得可以改善下，我地坐係店入面轉角既位，入面其實都有兩三枱客，但成日都唔會有店員主動走過黎睇下有無人有需要幫手，雖然店家係電子落單，店員唔需要過黎落單，但食曬野想上甜品時等左好耐都無人過黎睇睇有無人需要幫手，要特登走出去叫人，就覺得差D咁。 另外行入店裏面時會經過店鋪廚房，見到佢地將D煮好左既野食就咁放係大家都經過既櫃枱，感覺有D唔多好，雖然我都知燴肉呢D係煮好再番熱既食物，但見到一盤盤凍曬既燴肉就咁放係到，感覺好食程序好似下降左咁，同埋都會擔心衛生既問題。

收工個陣有股想食日式西餐既衝動，睇下附近有咩選擇，見到One & A Half新開張無耐，決定試下味道如何。 閒日有weekday套餐，我同老婆一人叫左個，老婆叫左Weekday Dinner Set Menu，有日式前菜，沙律，味噌湯，茶碗蒸，主菜係博多明太子忌廉扁意粉配軟殼蟹天婦羅。配菜款式多多，睇到人眼花撩亂，明太子意粉滿滿忌廉同明太子，口感creamy，軟殼蟹原隻奉上，份量十足。 我叫左Weekday Dinner Bento Menu，有前菜，沙律，味噌湯，茶碗蒸，日式燴牛肉配白飯。前菜都有八款可供選擇，我揀左月見燒雞肉棒，雞肉棒沾上蛋黃混合甜醬油來食，燴牛肉口感唔會柴口，調味十足，配白飯食剛剛好。

環境OK,有設户外座位，相隔都有d距離傾偈幾好，星期日都可點平日午市套餐，包沙律，湯，熱飲和甜品，$98抵食.至於味道就中規中矩啦，有好多都係預製品啦. 味道 ⭐️⭐️⭐️ 環境 ⭐️⭐️⭐️⭐️ 服務 ⭐️⭐️⭐️⭐️