OMG Mamaday Cafe – 西餐廳

🗽Good day Bad day Mama day💈 一間滿足晒所有視覺享受的西餐廳 🎡原來喺尖沙咀加連威老道29號隱藏住一間 充滿藝術氣息嘅餐廳！🗺️ 門口比較低調⛩️～原來入到去係咁大間💡 我一入到去就參觀晒成間兩層既餐廳 上一層唔單止超級多座位，而且仲有live Band位置～再入啲有個小包廂🏟️真係開party都仲得🎪 成間舖都比唔同特色嘅小擺設吸引住 無論係樓梯嘅路牌，設計嘅霓虹燈，牆壁上的畫 都令呢度所有嘅乘客目不暇給🏵️ 甚至連廁所都會有好多唔同嘅驚喜🤹🏻‍♀️ (記得參觀吓個廁所） 好啦～叫嘢食我一定係會要芝士火鍋🧀 不過可惜我朋友唔食牛，所以我哋就叫咗海鮮芝士火鍋☄️有龍蝦🦞帆立貝🦪蝦🍤西蘭花🥦麵包🥯等等俾你做材料～重點係啲芝士真係好好食✨ 另外再叫咗一個：🍖肉桂士多啤梨黑毛豬肋骨🥓 有少少甜酸汁喺上面，而且燒得好好食🔥勁香口💫最重要最重要！我最鍾意肥瘦適中嘅豬肋骨🐷係有少少脂肪喺入邊先好食㗎🐒 再叫多一個鹹蛋黃蟹肉pizza🍕一咬落口嗰下，嗰陣濃郁嘅鹹蛋黃嘅味已經滲晒出嚟邪惡指數已高達99分，最後仲要叫多一個芝士蛋糕，呢度都有好多唔同種類嘅芝士蛋糕㗎！🍰今餐係非常邪惡的晚餐🫕 🎂個人極度推介男士約會女仔一定要嚟呢間🤗 包你令對方留下深刻嘅記憶💡

由香港歷史博物館行去，經過天橋行幾分鐘就到喇，方便。店內擺設好有特色， 職員講解餐單清楚， 上菜速度也快， 食物美味， 環境氣氛好， 有機會會叫朋友一齊嚟。

MAMADAY絕對係一個驚喜連連創意十足嘅Cafe，不論試邊款嘅菜式名、食材配搭同烹調手法都好gag 做到同出邊唔同🤣 去試吓佢哋嘅招牌菜式，特別得來賣相都好適合打卡。 ⭐️ 有蟹Go又有蟹肉的蟹蟹蟹意大利扁麵 ($138) 睇相已經口水直流🤤 佢不但有蟹，仲加埋滿滿嘅蟹籽，而且非常creamy 呢個絕對係最人氣唔可錯過嘅單點。 ⭐️ 求其是旦乜都炸啲啦 ($102) 呢個都呢度呢名物🤣 入面有炸蝦、炸芝士、炸薯條、炸生蠔。炸物嚟講都唔錯，非常香脆，好適合share ⭐️ 點解個個都叫軟殼蟹比薩架（仲要有菠蘿) ($145) 呢個pizza又真係for香港人食嘅，將炸得好香脆嘅軟殼蟹同菠蘿嘅鮮甜配搭埋一齊，口感好特別💕 而且芝士真係可以拉到好長🤣 💰HKD 200 p.p for Dinner

蜜汁香茅豬頸肉 $142 個豬頸肉烤得啱啱好，食落好濃嘅蜜汁味，肉質好彈牙嫩滑咬落好juicy，就算唔洗點醬汁都好好食，而旁邊仲有沙律、柴魚冷烏冬、好大塊嘅炸蝦餅，份量好多好抵食。👍🏻 海龍皇比薩 $268 好大個龍蝦頭放係正中間位置好吸睛，Pizza個餅底係用左薄批，醬汁用左千島醬再配埋海鮮一齊食味道相當夾，pizza餡料好豐富有龍蝦肉、帶子、青口，pizza剛剛焗起熱辣辣，芝士可以拉到絲好邪惡，值得一試！ 有蟹Go又有蟹肉的蟹蟹蟹意大利扁麵 $145 個意粉有驚喜一嚟到見到好多蟹籽、蟹柳同埋蟹肉，意粉好彈牙，食落好濃郁嘅蟹膏味，撈埋同意粉一齊食味道好夾，鍾意食蟹肉可以試吓。 綠光蓋頂的八爪魚先生 $72 呢個冷盤青醬八爪魚好fresh ，八爪魚一片片食落爽口彈牙，再配埋個海葡萄同火箭菜食好清新健康。 飲品方面叫左我黑芝麻你個牛奶 $48 黑芝麻味濃，飲落唔會太甜，有啲沙冰嘅感覺，啱晒宜家咁熱嘅天氣飲。 天然紫薯唔太甜 $48 紫薯味唔算太突出，味道唔會過甜。

佢啱啱開嘅時候去過銅鑼灣店 ,執咗之後原來而家喺尖沙咀開咗間新嘅。 海龍皇𝗣𝗶𝘇𝘇𝗮 口感超薄脆，食落鹹香惹味，海鮮大粒又唔死實，應該有原隻龍蝦嘅份量，好食！ 炸物拼盤內有薯條、炸芝士粒、炸蝦同炸蠔，每樣都炸得好香脆。 . 甜品2款都只係一般，窩夫外層香脆不過中間唔夠濕潤 ，整體感覺單調咗啲。蛋糕𝗖𝗿𝗲𝗮𝗺𝘆但芝士味唔夠香。 . 2杯飲品都好打卡，唔會好甜