L’Eau Restaurant 濠餐廳 – 自助餐餐廳

【半價大吃酒店自助餐】 早排有親戚係外國返嚟，決定一行8人去酒店食自助餐，左揾右揾發現有酒店做緊買一送一優惠，星期日晚除返開每位只係$351/位，相當抵食！ 自助餐由6點開始，入去當然先去凍海鮮sector，而最受歡迎係放係中間的蟹腳！條條腿都富有海水味，而我好滿意酒店補充得好快，食得7788會再添加，次次行出去都見到有蟹腳拎。 此外，酒店的刺身竟然有呑拿魚供應！三文魚肥嘟嘟，而且每切都厚厚的，我都忍唔住食了兩轉！ 自助餐最重要就係選擇多！餐廳只係凍切及沙律，就已經有好多的選擇，除了有不同款式的火腿，仲有大大盤的煙三文魚。 熟食的選擇都有唔少，而且食物不時會轉新款。而我最鍾意就係燒羊架！羊架唔只唔會過肥，而且燒得啱啱好，肉質嫩滑不會鞋口。 食肉獸的我，當然唔會錯每塊肉肉！燒牛即叫即切，佢唔只唔會太肥，而且牛肉味濃厚，配埋gravy就啱啱好。 此外，餐廳仲有不少熟海鮮可以選擇，除了好多人食的蒸魚，仲有冬陰功海鮮可以食。 餐廳仲有一般酒店自助餐無的火鍋放題！湯底有藥膳雞，及清湯湯兩款可供選擇，等一家人一齊烚下烚下，樂也融融。基本火鍋配料都齊全，只係欠缺海鮮，不過我都放咗幾條蟹腳落去。 甜品係用另一個胃消化，當然唔好餓親佢啦。餐廳除了有不少美美的小蛋糕，仲有熱食的麵包布甸、中式豆花、紫米露、葡撻等，仲有MÖVENPICK雪糕杯，一定可以滿足一家大細的味蕾。 餐廳的食物選擇多，而且環境大，適合周末跟家人來吃完自助餐，再到沙田逛逛。

當化妝師的福氣, 就係今晚新人請客, 到沙田麗豪酒店食自助餐， 入到去環境唔錯, 有一邊位置望到河畔, 座位同埋自助區都一樣寬躺。 先講自助區: 海鮮有蝦、長腳蟹腳、蜆、螺、青口, 味道新鮮, 蝦肉夠實夠爽, 蟹腳就較為鹹。 刺身有三文魚、吞拿魚、甜蝦、希靈魚、鯛魚。仲有各款特色壽司。 還有其他冷盤小食、熱食、點心等⋯包羅萬有。 熱食當中薑蔥龍蝦鉗啖啖肉非常惹味, 我encore咗好多round！ 店員搖鐘提示芝士焗龍蝦出爐, 廚師拎住成盤龍蝦出嚟, 熱辣辣有芝士香味，睇見都流口水。 我哋每人要咗一份龍蝦, 趁熱食芝士仲有少少拉絲嘅效果, 龍蝦肉肉質鮮甜好新鮮, 也算是酒店主打之一。 芝士焗蠔(雙味)、韓式炸雞、燒羊架、美國USDA特級西冷等 突然一群人洶湧而上，原來是酒店主打之一既火焰雪山蛋糕，廚師即場點火把火焰雪山蛋糕整個燃燒着，完成後，職員有秩序地安排客人每人領取一份。海綿蛋糕夾住中間係雲呢拿雪糕，配搭得天衣無縫，沒有飽膩感，仲想再食多件。 甜品非常精緻好靚，款式多！ 酒店自助餐有多款口味 CoCo Berry 雪糕, 當然唔少得仲有MÖVENPICK雪糕喇。

相信大家都認識富豪酒店集團，佢地旗下嘅麗豪酒店我個人系比較中意，好耐之前已經食過一次佢地既buffet，今次再訪質素依然不變最近做緊卡通主題，相信更能吸引吾少家庭前來👦🏻👧🏻 ✿ 刺身 刺身我揀咗三文魚同拖羅，三文魚十分新鮮！🐟質感偏向軟稔，拖羅口感較實在。 ✿ 海鮮冷盤 海鮮冷盤有青口、大蝦、蟹腳、蜆肉，其中大蝦、蟹腳、蜆肉同樣高質👍🏼大蝦啖啖肉，蟹腳新鮮🦀蜆肉意想不到地清甜 ✿ 冷麵 冷麵我覺得亦值得一提，餐廳有菠菜麵同蕎麥麵，我個人偏好蕎麥麵🤎旁邊有專用冷麵汁可自行調節用量，冷麵有嚼勁，沾上冷麵汁好有日式風味🇯🇵 ✿ 火焰雪山 到某個時候，職員就會推車仔出黎🛒原來系火焰雪山🔥跟住更會搖鈴發出聲響🔔提醒大家可以拎咯～成件事好觸目🤭黎吾切影火焰效果🫠蛋糕蛋白味突出🤍亦嚐到白蘭地味道🥂色香味俱全👍🏼 ✿ 南瓜湯 南瓜湯🎃令人聯想到快將萬聖節了👻濃湯質感稠身，味道香甜濃郁，呢個真系必飲🧡 ✿ 熱盤 熱盤方面就以多國菜為主題，比較適合本土嘅菜式有豉椒炒蜆、叉燒、香煎雞中翼，豉椒炒蜆味道香辣，還原大排檔風味叉燒口感偏瘦，食到佢最純粹嘅燒味風味🐷 ✿ 自選烏冬 Buffet當中自選烏冬好深得我心吾洗選擇可以全都要🤭材料我揀咗鳴門卷、芝士腸、肥牛、牛丸，湯底可以選擇清雞湯或者藥膳湯，我就揀咗清雞湯🐔拎曬所有材料後職員就會幫自己用個小鍋加湯一路熱住個烏冬🔥好豐富飽肚🤰🏻 ✿ 甜品 食咗咁多野終於出動第2個胃🤣中式糖水方面有豆腐花同芋頭紫米露💜紫米露甜度恰好。西式甜品款式頗多，其中令人印象深刻嘅有迷你葡撻同Brownie，迷你葡撻酥脆，牛油同蛋味濃郁🥚🧈Brownie朱古力味不俗🍫

濠餐廳既自助餐今次安排左泳池邊既位置，安靜得黎好舒服 野食方面有冷盤海鮮、刺身壽司、沙律、熟食燒物、火鍋米線、甜品雪糕 今日屬於平日，海鮮有4款，分別係熟蝦、長腳蟹腳、蜆同青口。刺身方面有三文魚、吞拿魚、鯛魚。 好多自助餐多數只包一杯餐飲，但黎度除左有餐茶果汁之外，仲有好多款包裝罐裝飲品任飲 期間限定有火焰雪山蛋糕，係特定時間推出，餐廳會先調暗D燈，之後就會有職員敲鐘 (初初我仲以為有人生日，點知原來係推出火焰雪山蛋糕)，廚師即場點火燃燒整個火焰雪山蛋糕 📍L'Eau Restaurant 濠餐廳 沙田大涌橋路34-36號麗豪酒店3樓 #香港美食 #沙田美食 #RegalRiversideHotel #沙田酒店 #沙田好去處 #酒店Staycation #Shatin #ShatinHotel #buffet #buffethk #香港麗豪酒店 #麗豪酒店 #自助餐 #dessert #濠餐廳 #澳葡美食 #澳門馳名咖哩 #葡式烤焗乳豬

真係好耐🈚️食buffet啦，依家仔仔大少少🤏🏻就帶埋佢去體驗下，知道可以自己喺出邊攞食物，仲可以動手裝飾cupcake🧁佢超期待又興奮 今次我哋去咗沙田麗豪酒店嘅濠餐廳試下8-9月以東南亞海鮮燒烤美饌為主題嘅自助晚餐🍽 一坐低就為每位送上迷你佛跳牆一盅 自助餐必食海鮮冷盤‼️當中🈶️阿拉斯加蟹腳、波士頓龍蝦、藍青口、翡翠螺等多款海鮮，啱曬鍾意食海鮮嘅我 既然係星馬泰味力之旅，點少得星馬泰菜‼️前菜🈶️多款清新開胃嘅泰式沙律輪流供應，當日係我好鍾意食嘅泰式酸辣鳳爪 熱葷方面就有香辣惹味泰式紅咖哩、青咖哩、泰式魚餅、海南雞飯、香脆咖哩角等。想要飽肚啲，就可以食即叫即煮的新加坡叻沙同泰式船麵🍜 天氣咁熱一定要飲返啲透心涼嘅飲品先得🥤就好似芒果沙冰、七彩椰汁冰、班蘭龍眼冰等～之後再食埋甜品就Perfect啦小風神食咗大半杯雪糕🍦一杯啫喱再加一件雞蛋仔，真係好誇張🤣 當日仲有一個打卡項目，就係睇師傅點著火焰雪山🔥入邊嘅雲呢拿雪糕真係幾好味🤤