LE BAR – 酒吧

我哋今日食咗一個魚（Snapper), 蝦炒米粉及海南雞，頭兩樣都好好食，最想讚賞的是服務，今時今日香港好多餐廳都服務好差，但係呢度嘅職員有禮，價錢又非常合理，環境寧靜，舒服。 我見到隔籬枱個伯伯食得好開心，係咁讚，仲俾貼士個職員(Alan Chan, 但係他拒絕收貼士, 說服務客人這是他的工作），絕對值得嘉許。 我自己最段加咗甘筍蘋果汁，原因係我喺屋企榨，用太多時間，問職員為什麼他們榨得這麼快，Alan + Herry也很有耐性答覆，這個餐廳給人的服務很親切，絕對有下次！

LE BAR (上環) 📍 上環德輔道西28號宜必思香港中上環酒店5樓 早前搶到政府「賞你住」優惠，可直接向酒店預訂酒店套票以扣減五百元正。今次就豪一次升級至海景客房，飽覽維港景色同時可在其酒店餐廳享用早餐和晚餐🥣。（早餐或晚餐🥣都可以選擇在樓下五樓的LE BAR或房內享用）。 ——————————————————————— 晚餐🥣決定在餐廳🍴內享用，進入餐廳前必須量度體溫，職員有禮地立刻詢問房間號碼。 餐廳簡單設計而且十分舒適，枱與枱之間有適當嘅距離，坐得鬆動。 頭盤可簡餐湯或雜菜沙律🥗： 是日餐湯：雜菌忌廉湯，熱辣辣，味道不錯，充滿雜菌香氣，唯菌打得吾夠碎，飲落比較多顆粒感。 沙律：新鮮沙律菜配蕃茄仔同粟米粒，仲有胡麻醬係面，夠曬味。 主菜五選一： 揀咗印式咖喱雞配絲苗白飯，擺盤有心思，碗碟子都係熱辣辣，好似消毒過咁❤️咖喱汁偏辣，好夠香，白飯比較乾身，用汁撈飯一流，雞件薯仔🥔份量多，唯吾算滑溜，薯仔🥔過冷河過得夠，食落容易脫皮。 ——————————————————————— 早餐提供四款選擇，有中式早餐、美式早餐、歐陸式早餐同三文治早餐、供應時間由早上06:30至到下午12點，瞓得晏嘅都可以食到早餐🥣。 我地早早前一晚打電話去餐廳🍴要求翌日10:00正送上房間享用。 中式早餐🥣：南瓜粥煲得好綿滑，配花生🥜脆片、香蔥，吾錯，仲好熱辣辣。銀針粉配燒賣，銀針粉炒得好鑊氣！惹味。 美式早餐🥓：基本上是All day breakfast.，好豐富，煙肉比較油，用紙巾索下油。炒蛋吾夠話，仲食到蛋殼茄汁焗豆正常貨，炸薯餅好香口脆身，蕃茄有煎香過，多士配果醬給牛油🧈仲有雀巢菠蘿味乳酪🧀️ 總結： 整體食物質素不錯 服務態度良好 #上環#上環宜必思酒店🏨#宅渡假#套票#賞你住#包早餐晚餐#LEBAR#有質素

(ibis 酒店餐廳晚餐、早餐篇) 宜必思香港中上環 (Ibis Hong Kong Central & Sheung Wan Hotel) 德輔道西28號, 中環, 香港 今次買的ibis宜必思package， [ 海景雙人床房 + 連早餐、晚餐 + 免費房內迷你吧 + 24小時住宿 ]，性價比十分高！🥰 首先一打開門，L型的海景已令人心心眼！🌊 仲要係24小時住宿真係不得了～ 好啦～講下入住當日的酒店餐廳 (LE BAR) 晚餐 + 第二朝早餐～！ 餐廳在5/F，同辦理入住、退房counter同一層～ 🍽 晚餐 🍽 沙律/ 餐湯 甘荀湯 ： 幾濃甘荀味，適中的濃稠度，味道同質感唔稀、唔淡口！ 主菜 🥩 香煎肉眼牛扒配燒雜菜 唔算好韌，口感偏向超級市場自家品牌的肉眼牛扒質素～ 燒汁正常～ 🐟 香煎鯛魚柳配蕃茄汁 魚柳大塊，煎得香口，蕃茄汁其實是由天然蕃茄打成的茄蓉，所以味道比較偏澀 冷/熱餐茶 1杯 檸檬茶有紅茶味 🍽 早餐 🍽 美式早餐 炒蛋香滑度適中 煎蕃茄無過燶 薯餅剛炸起，十分香脆！ 中式早餐 牛肉碎粥 (是日粥品) 牛肉碎多，但無乜味，落左附上的蔥+ 薄脆 + 鹽花生，會好味d～ 好難得有薄脆送粥！兒時回憶！依家已經好少見薄脆配粥啦！ 炒銀針粉 (是日炒粉麵) 好大碟，夠味，唔算好淡～ 冷/熱餐茶 1杯 橙汁 以餐廳食物質素來講，味道同一般坊間的酒店食堂 / 日常西餐差不多，正常、唔難食～ 而且早、晚餐份量都大碟！ 俾Like 評分： 7/10 再嚟食指數： 7/10 服務評分： 8/10 ___________________ LE BAR (上環) 上環德輔道西28號宜必思香港中上環酒店5樓 ___________________

🍽٩(๑❛ᴗ❛๑)۶ 平價Staycation之選@LE BAR🍽 🌃晚餐 可以喺餐廳食，不過為左快啲番房舒服睇奧運📺(可想而知隔左幾耐先包膠)，所以都係外賣自取。等左大約15分鐘就拎得。順便叫埋第二日早餐，唔洗到時再叫。 呢間酒店幾強調環保，所以外賣盒包裝都係好環保，但好有質感，拎到番房影完一輪相都仲熱！值得一讚！ 🔅香煎肉眼牛扒配雜菜 落order時無問幾多成熟，大約五成左右啱啱好，唔un但都唔鞋口。雖然賣相普通，但意外地相當唔錯。牛扒set亦配有薯蓉，唔怕唔夠飽！ 🔅印式咖哩雞配絲苗白飯 呢個咖哩都出乎意料好食！以為係普通咖哩但係好香濃印度香料味，少少辣，雞肉又幾滑，份量都唔少，亦都唔會淨係得啲骨，吸晒咖哩汁好正！最後個飯撈埋咖哩汁竟然可以食晒！ 🌅早餐 2個人都叫左美式早餐，遲左少少送黎🛎，不過野食都係仲熱辣辣。煙肉🥓同薯餅都煎到好脆好香，蛋🍳亦都炒得好滑好嫩！腸仔就比較普通，兩條腸就唔太食得出有分別，應該有一條係有黑椒，一條無🤣。茄汁豆都係正常無乜特別。 💬呢次staycation對LE BAR整體評分都好高，值得encore！打緊食評諗番起個咖哩都流晒口水，有機會會再住過食番個咖哩🤤🤤🤤！ 🥢LE BAR 📍上環德輔道西28號宜必思香港中上環酒店5樓 ☎️2252 2938 ⏰星期一至日 12:00-21:30

在附近工作, 不時都會去吃個午餐. 水準一向不錯, 有扒有意粉有飯, 隨餐送沙律或湯及餐茶, 價錢由80元至百多元他們曾經有乾炒牛河, 鑊氣夠, 80玩一碟也很值. 不過, 大概一年前有段時間, 不知道是換了廚師還是什麼, 用料差很多, 味道不夠, 份量少了, 印象大打折扣. 最近決定再給他次機會, 點了個香煎魚柳, 還有咸豬手, 味道回復正常, 份量也很足, 價錢也合理, 似乎問題已經解決了, 以後心情好又可以再來慰勞一下自己.