Kesar Indian Fusion Bar & Grill – 印度餐廳

早排Google到喺中港城有呢間印度餐廳，覺得小見因為嗰頭唔係食印度嘢嘅熱點，但既然揾到就不訪嚟試吓。 呢度地方都算幾大，連埋露天坐位可以坐到50人左右，地方整潔舒適。主打以旁遮普菜為主嘅北印度菜式，而每星期有兩個weekday有lunch buffet供應，價錢仲幾廉宜，咁就一於試吓個buffet睇下呢度啲印度嘢食得唔得： 個lunch buffet係唔包飲品，而食嘅選擇亦唔多，仲要係好基本嘅嗰種，例如冇Pulao Rice/ Biryani，只有淨白飯；甜品水果亦欠奉，真係淨係嚟食lunch，難怪幫襯嘅絕大部份都係鄰近嘅office白領。點都好，逐個item試真啲： Murgh Shorba 香雞濃湯 - 帶有少少香料嘅半忌廉雞湯，味道唔太出，口感算唔錯，okay。 Vegetarian Samosa 咖喱角 - 較為細隻，外皮幾酥脆，入面嘅香料薯仔餡味道充足，發揮正常，okay。 Samosa Deconstructed 香料蔬菜咖喱角 - 我好肯定呢個Chaat係咖喱角而唔係Aloo Tikki因為佢冇後者嘅煎香味。打碎咗嘅咖喱角撈埋啲乳酪同香料凍食，實在冇咁好味。 Plain Naan 原味印度烤餅 - 飽身感覺厚咗啲，唔係新鮮熱辣上又冇搽酥油，乾啃feel認真麻麻。🤨👎 Steam Rice 白飯 - 唔係Basmati米而係茉莉香米，水唔夠煮得較硬身，麻麻地。☹️👎 Chicken Tikka 香料烤雞咖喱 - 雞件雖然較細件，但乳酪香料腌醬係傳統旁遮普式嘅濃味而且仲相當入味，enjoyable。👍👍 Fish & Chips 炸魚薯條 - 冇諗過嚟食印度嘢居然都有呢嗰英式口味，但效果係強差人意：薯條又淋又凍，而炸魚柳外皮雖然脆但啲魚喺全冇調味，差。🤨👎👎 Vegetable Jalfrezi 印式綜合蔬菜咖喱 - 材料唔算特別豐富，只係有椰菜花，紅蘿蔔同豆角；而個蕃茄芡汁偏甜，無乜香料嘅特色，一般。🫳 Village Dal Tadka 辣扁豆咖喱 - 扁豆蓉質感好浠，調味亦唔算豐富，口感麻麻。🫳 Chicken Tikka Masala 香料辣烤雞咖喱 - 除咗咖喱角係一角兩味外，連啲烤雞都係咁。用嚟煮Chicken Tikka嘅sauce口感簿，蕃茄味唔夠濃，效果麻麻。‍💫🫳 Goan Fish Curry 果阿咖喱魚 - 炸過嘅魚件薄同削，但個咖喱汁夠濃又有椰漿味，撈飯或點Naan食一流。🤔 總括嚟講，呢度嘅印度lunch buffet雖然平，但質素麻麻，選擇同味道都幾dire；即使係咁，裡面有部份餸菜好似Chicken Tikka同Goan Curry質素唔錯，食a la carte應該係可取嘅。但呢個lunch buffet就真係冇下次。‍💫👎

星期二和五中午90元自助餐需加一服務費， 建議預先訂座。 如沒有訂座位。 每次只安排一枱人客入內，先掃安心出行及付款後·才能安排到下枱客人入內。 入座安排混亂及慢， 多盤食物只餘下咖哩汁，餸菜早沽空，。 餸菜補给慢，只要一出補给客人即出搶空。 整體食物質量不錯。

這裡星期二、三、五、六、日中午12點至3點都有自助餐個半小時一段,星期二、三、五價錢$100一位,自助餐食物選擇不多;價錢合理,不是港式咖哩;是印度式咖哩,別有一番風味~

食物價格偏貴，款式較小，沒有牛肉豬肉供應，位置偏遠，不會專程光顧。

在香港吃印度菜很不錯。咖哩不太辣，可能是為了迎合香港人的口味。 羊肉鮮嫩可口。湯也不錯。熱騰騰的，香料味十足，適合寒冷的冬天。我很喜歡水果優格醬。 他們也提供自助餐，但我選擇了單點菜單。