Jollibean – 小食/零食吧

🫘 元朗石磨樂豆 Jollibean主打豆乳同糖水系列，啱晒鍾意健康又唔太甜嘅朋友～今次試咗以下幾款： 🍡 拉絲麻糬面煎糕（加茶記菠蘿脆）+ 微甜濃豆乳 SET 麻糬面煎糕入面好煙韌，咬落去仲有拉絲麻糬嘅口感，幾有趣！加埋茶記菠蘿脆，甜甜地又有層次～配埋微甜濃豆乳，豆香濃郁但唔會膩 🥭 香芒金露 芒果味超清爽，甜度啱啱好，唔會太膩。西米煮得啱啱好，煙煙韌韌，成個口感好滑～夏天飲一杯真係透心涼☀️ 🌿 燒仙草茉莉花茶豆乳 燒仙草加茉莉花茶豆乳，豆乳香濃之餘又有花茶清香，燒仙草口感滑溜 💡 其他系列都唔可以錯過： 🌸 山藥百合系列 例如准山百白豆腐花、西米露等，糖水唔會太甜，啱晒想養顏又唔想食得太heavy嘅人。 🍚 紫米露系列 紫米露、紫米豆腐花、紫米西米露都好有港式糖水嘅味道～

豆品非常多元化，而且好有創意，足料又大碗。用料好新鮮，豆味好濃。 ✨紫米豆腐花✨ 最新推出嘅甜品之一，豆腐花質感細膩滑順，配搭香氣十足嘅紫米，口感層次豐富又滿足，份量亦相當足夠！ ✨三色芋圓布甸✨ 顏色繽紛嘅三色芋圓睇落就令人心情大好，芋圓口感煙韌有彈性，味道柔和唔膩。 ✨沙嗲牛肉吐司✨ 鹹點來講，呢款沙嗲牛肉吐司真係驚喜滿分！沙嗲醬汁香濃惹味，牛肉軟嫩多汁，配上外脆內軟嘅吐司，無論早餐定下午茶嚟一客都超級啱胃口。 ✨樽裝布甸珍珠豆乳茶✨ 豆乳茶濃滑醇厚，加入咗Q彈珍珠同滑順布甸，三種口感一次過滿足你嘅味蕾。 ✨樽裝9度微甜濃豆乳✨ 豆香濃郁但又帶住輕微甜味，好清新提神。 #big_big_foodie #big_big_foodie食勻元朗 #big_big_foodie食勻香港

新加坡過江龍既石磨樂豆既豆乳製品❤️ ⭐️三色芋圓布甸 一打開蓋有超多三色芋圓～粒粒芋圓都煙韌彈牙，好好味，好好咬口！豆乳布甸都超美味，香濃的豆乳味，好似食緊挺身一點既豆腐花～正呀！甜度適中！豆乳布甸跟芋圓又好夾，非常美味！ ⭐️黑白芝麻奶蓋 芝麻味又香又濃郁，配埋奶蓋來飲，飲起來好有質感！又好有層次！喜歡芝麻的朋友都不要錯過！超香濃美味！ ⭐️樽裝布甸珍珠豆乳茶 豆乳味又香又濃、配埋布甸及珍珠，飲起來很有層次，布甸滑滑的，珍珠又彈牙又好咬口，口感豐富！ ⭐️世一冰豆花 打開蓋時看到滿滿的豆花，下層仲有黃糖沙冰的，所以飲起來好像在嘢豆腐花一樣，而且又有沙冰的口感，非常之特別！飲得到的豆腐花，而且又滑又香豆味！！ 除了恆常的餐牌外，間中仲會有推出特別口味！豆花黃糖冰是新出的口味，非常特別！ 呢度仲有吐司的，吐司仲可以升級香脆豬仔包或牛角酥！下次可以一試！有時買野仲可以有優惠價加配甜品或飲品！

趕時間嘅日子，我成日都會喺呢度買個吐司加豆漿邊行邊食，今日發現佢哋嘅吐司可以免費升級香脆豬仔包，加$5仲可以轉7吋牛角酥，下次我一定要試吓！ 可能因為天氣熱咗，佢哋都推出左新嘢，其中最吸引嘅一定係豆花黃糖冰，啱晒而家咁熱嘅天氣！而家仲做緊優惠，每買一杯豆花黃糖冰，就可以半價加購吐司一份～ 今次過嚟就同朋友揀咗幾杯飲品/甜品，分別有桃膠（琥珀）豆花冰🟠 $34、芋泥豆乳豆冰樂🍠 $35、朱古力碎豆乳豆冰樂🍫 $41、椰乳仙草西米露 $39，其中最有驚喜嘅就係係桃膠豆花冰，入面有齊豆腐花、桃膠、沙冰，有滿滿嘅豆香味，而且口感仲好好添，一杯$34同冇益嘅手搖差唔多，但係呢個選擇就好味得來又健康，好值得大家試吓！ 另外，我仲發現唔同嘅分店會不定期推出甜品/飲品加購優惠，大家買嘢嘅時候記住留意吓有咩抵買！

佢哋主打石磨豆乳同傳統糖水，今次試咗幾款甜品同飲品，真係冰涼透心! 推介: 流心花生醬面煎糕、9°微甜濃豆乳、香芒金露、茉莉花茶豆乳、蜜瓜豆乳雪葩、山藥百合系列、紫米露系列都超讚!