Hummus 享廚館 – 中東餐廳

之前喺安寧路舊舖食過一次lunch覺得佢嘅pizza好味, 想encore時已摺咗. 早前有谷友話佢喺元朗圖書館對面開返, 今日即刻去食返個lunch! 新依個位大好多, 坐得舒服d. 老闆娘話lunch menu 同tea menu上面嘅餐都可以order, 都係$55包飲品. Masala tea加$5, 香料味夠, 唔太甜, 幾好. 今次都係叫返pizza. 都係揀返上次食嘅chicken lovers pizza, 佢用chicken tikka去做, 好味, 但今次略嫌批底唔夠脆. 再烤耐D會好D 再試咗mutton curry (羊肉咖喱)配naan, naan熱辣辣, 咖喱汁已經有羊味, 所以食晒羊肉同naan後, 連剩低嘅汁都俾我食埋. 然後有枱熟客話 chicken quesadilla (雞肉芝士軟烤餅)好味, 就同隔離枱夫婦share咗一份嚟試 (唔好意思影相), 有3隻醬去點, 唔錯! 發覺今日好多客都係舊舖熟客, 包括同我哋share雞肉烤餅嘅夫婦, 仲同佢哋傾咗好耐計, 希望無阻住店主啦... 依間會encore, 仲有好多樣嘢想試!

原鋪已轉手 越南菜式-味道一般、份量不錯，上菜快，服務不錯，lunch 價格合理。 越南椰子咖啡冇乜咖啡味，可以飲其他 A place for quick lunch , serving fast and nice potion, fair food

吃完才記起沒影相，食物可以呀！要收「加一」服務費的！地方有異國風情！ 但結賬時卻說下星期結束營業！

2025年1月 自從食過尖沙咀某間鋪既hummus 我完完全全愛上左hummus既味道 after taste同質地 係元朗搵到呢間 仲有好特別既麵包籃 所以1月1日揀左佢做晚餐 不過7點幾 麵包籃既包款已賣哂 全部都係簿餅（仲要唔通知一聲） 4款唔同既醬料 各有特色 鷹嘴豆泥同中東芝麻醬差唔多味 一個稀啲 一個濃啲 根據Google話 中東芝麻醬係聿鷹嘴豆泥再加料而成 紅椒合桃醬 紅椒味好濃 無咩合桃味 但係幾開胃 因為辣辣地 中東茄子醬 想搵茄子但係搵唔到 佢係四款醬入面最酸最fresh既一款醬 我個人好喜歡 而且佢放左幾粒石榴落去 更豐富左口感 另外我地叫左個炸雞kebab 正常發揮 整體唔錯 會為左hummus再來食 希望下次有麵包籃

嘢食其實唔差，可惜中東男人嘅服務係地獄級。晚市多人等，想多啲翻枱可以理解，但唔係咁樣係咁喺你面前催人走。又催又趕，結果執到成把刀跌落我隻手，道歉都無句都算，為咗趕住收隻杯，直頭喺後面撞我背脊搶隻杯。為咗逼人埋單走，無所不用其極，但事實我用餐時間只係唔夠一個鐘。 女士們招呼其實還好，仲請我食咗甜品，可惜因為中東男，當堂覺得貼錢買難受，永遠唔想再去，免費請、有嘢送都唔會有下次。 你係佢哋熟客，接受到嘅，咪繼續支持。但如果係生客想試，絕不建議。