FRITES – 比利時餐廳

第二次幫襯，同朋友慶祝生日，我哋覺得食物質素一般。不過最後食甜品時職員一齊唱生日歌同朋友慶祝，係開心同有氣氛嘅👍🏻

大角咀FRITES 環境、服務、食物都好好， 青口同牛排特別推薦 侍應以外籍員工為主， 如有需要可要求提供中文餐牌 為囝囝慶祝生日🎂 侍應們一路響起生日音樂 一路唱著生日歌送 Waffle Bomb Alaska 過嚟，為壽星仔慶祝生日，氣氛超級超級好！！！ （🤣 不過... 太 surprise又有點尷尬， 結果變成咗囝囝嘅社死現場 🤣） 但 家中長者覺得好開心，講明下次佢生日時要嚟慶祝

家人訂了大角咀FRITES，與二姐夫慶祝生日，坐下後，侍應們很主動的幫忙斟水，也很主動埋檯問是否需要Order？這餐廳的環境、服務、食物都很好。 吃到尾聲時，甜品上檯前，生日音樂響起，幾位侍應生一邊唱著生日歌行過來，替壽星慶祝生日，氣氛超好！ 最搞笑的是，今晚聽到五至六張檯都有唱生日歌，我當時在猜想，這兒的工作人員生日時，會否很怕聽到生日歌呢？？🤣 在這兒晚餐，再Order一份Waffle Bomb Alaska，與壽星慶祝生日，真的不會令您失望。 我們一行八人，折扣後，埋單＄3050.3，平均每位＄381.3，很值，也吃得很開心。

一個月前喺官網訂左枱，估唔到咁啱撞正大角咀分店七月份主餐牌75折呢個優惠。每個星期除左星期五同日無優惠外，每日都有唔同優惠，當晚星期二係海陸優惠，以$355試到原隻加拿大龍蝦同USDA黑安格斯牛扒。見到食客D相影得好靚，加上佢咁多分店都好評如潮，所以決定阿妹生日喺度慶祝 Margherita Pizza 12” $160 第一樣上枱嘅係呢個PIZZA，SIZE唔算大；麵糰唔係意大利煙韌口感，餅底有少少厚度，最特別係批邊硬脆到好似食緊餅咁，可惜我偏向中意軟糯PIZZA口感，例如中環Fiata Pizza。 由於PIZZA有少少厚度，所以顯得茄醬薄左D，茄味唔夠出，相反拉絲芝士有淡淡嘅芝香。 USDA Baby Pork Ribs $295 半份大概有7-8條；肥膏位有入口即溶嘅感覺，而豬肉就好輕易地骨肉分離，配埋焦焦地嘅BBQ醬一齊食，味道唔錯。 隔離個即炸蕃薯條香甜、蕃薯味濃，略嫌太幼；不過我個人最中意係隔離看似平平無奇嘅沙律。 原隻加拿大龍蝦同USDA黑安格斯牛扒$355 最後輪到今晚嘅主角上枱，老實講龍蝦SIZE真係有點細，而且外貎麻麻。可能最近自己喺屋企焗完龍蝦，反觀呢隻龍蝦無論肉質定調味都無自己整嘅好食。 我地叫左兩份，牛扒兩個都點左五成，可惜兩個都煎得過熟，已經達七成。牛味好香，但肉質好鞋、有點韌，浪費左塊牛扒。 整體我地一致認為全餐最好味嘅係個粗薯條，熱辣辣、重薯味、外脆內軟糯；第二好味嘅係個蕃薯條，又係夠熱、夠薯香；其他食物記憶點唔深之餘，仲令人有少少失望。 以上四款食物，折後$1,156，人均$290；喺大角咀我覺得有更好嘅選擇。

這間餐廳的食物其實都不用多介紹，每個顧客總會叫一份青口薯條、或者一份牛扒薯條。現在每日都有優惠菜單，我今天有豬肋骨做優惠。睡眠味道不算太出色，但是半價可享用也算是抵食。 啤酒的happy hour去到8點，放工後去食一頓晚餐加幾杯啤酒真是賞心樂事。 加上氣氛和職員的服務態度，令你會再回頭幫襯。