EXP – 西餐廳

今次專登黎到主因係為左試佢同日本新世代咖喱Crafted Curry Brothers聯乘的新Menu。之前曾經係日本涉谷試過Crafted Curry Brother的咖喱，味道係好特別，有難忘的體驗。 Crafted Curry Brothers處理上與眾不同，經過1,000次試驗同改良，著重健康同埋味道的提升，除左咖喱所有材料係天然成份外，其中有超過一半蔬果，仲加左香蕉同埋芒果，最特別係將焦糖洋蔥由100公斤煮到10公斤，所以味道方面好複雜，食落去好似有威士忌煙燻的味道，同時帶有蔬果的鮮甜味，後勁即有少少辛辣，餘韻細長。 推介[慢煮美國牛柳日本溫泉蛋、焦糖洋蔥咖喱香菇飯]、仲有香港先有的[吉列橄欖油飼豬扒、焦糖洋蔥咖喱蛋包香菇飯]、[濃香番茄咖喱肉醬薄餅]。

一D都唔好食 軟殼炒蟹意粉，話需要20分鐘，五分鐘都冇就已經上菜，意粉口感唔好又硬，醬汁過濃太重手，放勁多汁，甜到冇朋友，軟殼蟹油膩！ 照燒牛扒洞庭烏冬，外表平平無奇，烏冬冇味，七成牛扒會變成全熟，但牛扒味道還是可以的，不過係唯一一道正正常常嘅食物！ 松露薯條，薯條翻炸口感超級差，而且並不是新鮮熱辣！ 咁大間餐廳居然冇bb櫈，冇bb餐具 十幾年前已經blacklist咗佢，唔係因為阿仔鍾意望溜冰場，我哋都唔會入嚟再試一試，真係冇下次！

喇沙一半份量, 沒有味道, 2片魚蛋沒有味,蛋没有味, 麵條還有點硬, 自己屋企煮新 加坡喇沙好味過佢十倍, 差

又一城好多好餐廳，小朋友想一邊欣賞哥哥姐姐溜冰，一邊食午飯，所以揀咗EXP EXP店舖面積大，座位大多數都幾闊落，所以小朋友坐得舒服 呢到有好多食物選擇，意粉、飯、pizza、沙律、炸物等都有 Zaza今次order咗三文魚香草pizza、海鮮炒飯、千層麵、炸薯條、卡邦尼闊條麵 三文魚香草pizza嘅餅底好好食，好鬆脆；煙燻三文魚都好出色； 海鮮炒飯嘅材料好多，每啖飯都食海鮮感覺；翠玉瓜粒就增強咗炒飯嘅口感 千層麵焗得好香，同埋熱辣辣上枱好吸引； 炸薯條炸得好香口，不過又唔會太熱氣； 卡邦尼闊條麵整體唔乾身，每啖都沾上卡邦尼汁，闊條麵彈牙

這家餐廳的意粉則稍顯平庸，醬汁缺乏層次感，麵條煮得略軟，口感不夠彈牙，未能達到預期。沙律份量偏少，仅以簡單生菜和番茄為主，醬料普通，價格卻偏高，性價比不高，讓人感到稍為失望。座位設計是另一缺點，椅子偏硬且空間狹窄，特別是大檯設計像快餐店，缺乏舒適感，長時間用餐稍感不適。環境方面，餐廳在繁忙時段格外嘈雜，顧客談話聲和背景噪音交雜，難以輕鬆用餐，影響整體體驗。反觀薄餅表現出色，餅底烤得香脆，芝士濃郁拉絲，配料新鮮，尤其是香腸與蘑菇的搭配，味道和諧，令人回味無窮。建議餐廳改善座位舒適度，重新設計大檯佈局以提升格調，增加沙律份量或調整價格，並精進意粉的烹調技巧和醬汁層次。總體而言，薄餅是亮點，但沙律、座位和嘈雜環境仍有進步空間。