Eggcellent852 – 小食/零食吧

之前已經食過好多次，有試過原味麻薯雞蛋仔，抹茶麻薯雞蛋仔，朱古力麻薯雞蛋仔，豬柳蛋雞蛋仔，肉桂蘋果夾心雞蛋仔，每次都好好食又脆，最鍾意麻薯雞蛋仔每一粒入邊都有麻糬，而且味道好好。但係今次試咗新款士多啤梨麻糬雞蛋仔就好失望，一拎到手已經即刻食，聞落幾香士多啤梨味又熱，但係成底雞蛋仔係淋既一啲都唔脆，中間層麻薯係一Pat 唔似平時咁一粒粒係雞蛋仔入面，成件事唔知食緊乜嘢。問返職員佢話麻糬雞蛋仔係淋啲唔會脆，我同佢反映返我每一次食麻糬雞蛋仔都係脆嘅，佢又再賴落去係因為個士多啤梨漿所以係淋啲，唔會似係平時食個啲咁。其實你講到個成品原本就係咁，只係個客人自己唔知原來士多啤梨麻糬雞蛋仔就係淋，作為顧客仲可以講啲乜。。只可以失望而回，最後都係食淨一半太難食又浪費quota 希望你哋可以聽返意見，認真試下自己既岀品先推出，同埋確保最後個成品係正常，好老實30幾40蚊一底雞蛋仔唔係平，希望下次食返可以保持水準

前身沙田(潮食）得之再開過來幫襯 以前食過豬柳蛋,好食,跟麥記差不多 今次試🍎玉桂味也不錯, 可再試其它口味

招牌"pizza 雞蛋仔"$42, 好好味! 皮脆入面軟, 餡都好味, 等咗10分鐘左右係值嘅! 芝士豬柳蛋格仔餅$42，似"脆面版"熱香餅豬柳蛋漢堡，好味！ 佢有手製蛋卷. 試咗少少, 係鬆化嘅, 值唔值就見人見智.

成日見好多人介紹開心果雞蛋仔，所以專登去試，平日下午無人排，熱辣辣即製雞蛋仔，見到好多醬，但同平時雞蛋仔唔同，係得一半，同埋醬好漿口，食到好口乾，有開心果味，但有啲苦苦地 唔岩我口味，價錢略貴，試一次就算

原味鮮奶麻糬雞蛋仔$28 食落都脆，雞蛋仔未至於好飽滿，唔係粒粒都有鮮奶麻糬餡，小小失望。