Days in the Sun Cafe – 咖啡店

今日入大西北，朋友話帶我去佢屋企附近嘅cafe chill下！估唔到喺元朗鬧市中，都有咁放鬆休閒感覺嘅coffee shop🥰🥰🥰！餐廳環境以潔白裝修為主，配有鮮花💐好有文青嘅感覺之餘，亦好有度假feel🤣！而且室內冷氣十足，實在好適合喺炎熱嘅夏日入去坐吓嘆杯咖啡！ ▫️ 家常手作餃子套餐 可以揀兩種口味嘅餃子，共8隻，我哋揀咗白菜豬肉+三重芝士黑松露餃子係餐廳嘅手作餃子，三重芝士黑松露餃子嘅黑松露好香，未食都聞到陣陣香味，增加胃口🥰！而白菜豬肉比例好均勻，肉質充滿肉汁，好滋味！配碟仲有日式芝麻沙律汁沙律+兩個小蛋糕。蛋糕好鬆軟，沙律好清新，呢套餐食到好飽，好滿足。 ▫️All Day Breakfast 朋友就叫咗全日早餐，分別有煙三文魚、黑松露炒蛋、烤豬肉腸、熱香餅多士、烤蕃茄串、烤大啡菇、沙律及新鮮水果，配料好多，好豐富！個人最鍾意熱香餅多士，面頭有蜜糖醬，再配有香蕉，藍莓及士多啤梨，食落好鬆軟，唔會覺得好厚粉，好好食！黑松露炒蛋，蛋香滿溢，有少少流心效果，好滋味！ ▫️Ice Americano 喺coffee shop梗係要飲咖啡啦🥰咖啡味香濃。 ▫️Hot chocolate 估唔到熱朱古力有得拉花🤩拉得超靚，有兩個心心！好適合打卡！飲落去朱古力味極度香濃，啱晒我呢啲飲開較濃朱古力嘅 特別欣賞餐廳喺飲品上面配置心意卡，未飲時見到已經心情好靚，可以增加愉悅感🥰有更靚嘅心情享受美食！

店內睇得出好有心思佈置 有布天幕，有花，有d似婚禮場地。 不過，食野都好重要的 ✨All Day Breakfast 一來到見到好豐富，好精緻，所有食物都有心思烹調過，大至黑松露炒蛋大大份蛋又滑，小至一粒香蕉、蕃茄仔都有燒過。仲有燒粟米、超級juicy 大啡菇、煙三文魚、沙律、煎德國腸、水果pancake, 個pancake好好食，食得出唔係用cheap cheap 麵粉，成個早餐鹹甜都做得好出色👍🏻 ✨精品手作餃子套餐 首先，好少可cafe有餃子食，幾新鮮。 口味都算多，咁食餃子當然要食下家常口味先知好唔好食架麻，所以最後揀左粟米豬肉 & 香菇木耳豬肉。 一上碟發現每隻餃子都大大隻肥嘟嘟，而且餡料脹爆，皮夠薄，少女們一啖係食唔晒一隻餃架 隨餐仲有沙律，兩件迷你madeleine，好可愛，而且好好味。 店內有蛋糕櫃，可以揀選是日蛋糕 ✨我地揀左香蕉蛋糕 份量十足，香味濃郁，上碟時焗番熱，暖暖地的香蕉蛋糕係最好食的，被火速掃晒了～ ✨叫左熱mocha & 抹茶latte 兩杯都好濃郁好味 重點是手寫卡片！好欣賞張張都唔同樣，仲要畫得好靚！ 現場都坐得好舒服坐坐下食食下傾傾下就過左兩小時，決定下次會再來的

🌞 DAYS IN THE SUN 🌞
📍地址：元朗鳳攸北街9A昌威大廈地下28號舖 1️⃣ All Day Breakfast 🍳🥗 份量十足嘅全日早餐，擺盤精緻又好睇！煙三文魚🐟鹹香滑嫩，配沙律汁好開胃；香腸🌭爆汁彈牙；大啡菇🍄厚身多汁，焗得啱啱好；黑松露炒蛋🍳松露香超濃，蛋嫩滑到震！Pancake toast🍞外脆內軟，淋咗糖漿好邪惡；粟米🌽同車厘茄🍅鮮甜解膩；雜菜沙律🥬新鮮爽脆，日式芝麻醬酸甜醒神。仲有水果🍓🍊點綴，成個set豐富到不得了 2️⃣ 繁花精品手作餃子套餐 🥟✨ 餃子皮薄餡靚，六款口味各有特色： ▪️黑松露三重芝士 🧀💥松露味超濃郁，芝士拉絲邪惡到暈 ▪️三鮮豬肉（鮮蝦、韮黃、蛋花） 🦐🌼蝦肉爽甜，蛋花同韮黃加添層次 ▪️白菜豬肉 🥬🐖清甜多汁，經典之選 ▪️粟米豬肉 🌽🐷粟米爆甜，豬肉餡嫩滑 ▪️香菇木耳豬肉 🍄🌿菇香濃郁，木耳脆卜卜 ▪️韮菜豬肉 🌱🐖韮菜香氣撲鼻，食落夠哂惹味！
▪️加配嘅家常餃🥟同樣皮薄餡滿，點意大利香醋更提鮮～仲附送爽脆沙律菜🥗同兩款迷你瑪德蓮，奶油味道極厚重，食落鬆軟又綿密 🍰 3️⃣ 1+1 COFFEE COMBO 意式組合 ☕️🔥 Single espresso 濃郁甘香，酸苦平衡，飲完精神為之一振！Piccolo Latte (熱) 🥛💕奶泡綿密，咖啡同奶比例啱啱好，細細杯但風味濃縮，回甘悠長～ 4️⃣ Cafe Latte 拿鐵 (升級SOE FIVE ELEPHANT) ☕️🌟 加$10升級單一產區豆，果然值回票價！入口有明顯嘅花果香🌺🍊中段帶朱古力🍫同焦糖甜，尾韻乾淨。奶泡打得滑溜，咖啡同奶融合得超順喉，飲完仲有餘香～ 總評💝 環境舒服，食物高質又打卡able📸，咖啡有驚喜！會再encore💯 #元朗美食 #全日早餐 #手作餃子 #精品咖啡

初次到訪當然貪心一點試了繁花精品餃子ꜱᴇᴛ，一次過可以品嘗到六款口味，包括黑松露三重芝士、三鮮豬肉、白菜豬肉、粟米豬肉、香菇木耳豬肉、韮菜豬肉，餃子自家包製餡料新鮮，餃子上半部份保留了像蒸的口感，底部則煎得香脆，套餐還有沙律及迷你ᴍᴀᴅᴇʟᴇɪɴᴇ！ᴀʟʟ ᴅᴀʏ ʙʀᴇᴀᴋꜰᴀꜱᴛ特別配了厚ᴘᴀɴᴄᴀᴋᴇ，加上楓糖漿甜甜的，很有誠意！ʀᴇᴅ ᴠᴇʟᴠᴇᴛ ᴄʜᴏᴄᴏʟᴀᴛᴇ聽起來挺特別，喝起來跟平時的熱朱古力差唔多，濃厚不會太甜！

💖元朗有間裝修靚嘅陽光玻璃房☀️造型cafe，招牌係latte art、各種甜品同餃子，今日趁佢一開門未排隊就黎食早餐！ 1️⃣All day breakfast🍳 💖擺盤精緻，最鍾意香濃又滑嘅黑松露滑蛋，黑松露份量足！另外有雜莓pancake、煙三文魚、清新沙律菜、栗米、軟嫩多汁大啡菇同黑椒腸仔，食落飽肚！ 2️⃣繁花精品餃子set🥟 💖佢地嘅招牌餃子套餐，有齊六款餃子，包括精品口味嘅黑松露三重芝士豬肉🐷同三鮮豬肉（鮮蝦、韮黃、蛋花），同埋家常口味嘅大白菜豬肉、粟米豬肉、香菇木耳豬肉同韭菜豬肉。每件都餡多皮薄，最鍾意黑松露三重芝士豬肉，松露同芝士味道濃郁，三鮮口味味道多層次，經典嘅大白菜豬肉同粟米豬肉口感更添爽脆。套餐仲包括兩件madeleine，咬落濃稠香厚，同埋清新嘅沙律。 3️⃣Latte☕️ 💖因為呢度嘅latte art攞過獎所以必點嘅latte❗️超可愛嘅小狗🐶拉花，仲有手寫卡片，好有心！ 4️⃣Hand drip💧 💖有幾款豆可選，要左colombia嘅厭氧日曬處理豆，飲落先係熱帶水果嘅酸香，再係清新淡雅嘅花香，輕薄清爽嘅一款～ 💖裝修靚、坐得舒服，仲有兒童煮飯仔區，小朋友大朋友玩都得！