CURATOR Dining is a top-notch fine dining experience dedicated to bringing our guests the best and most unique culinary experiences. We strive to provide our customers with more than just a meal, but an unforgettable experience.
{“星期二”: “10:30-21:30”, “星期三”: “10:30-21:30”, “星期四”: “10:30-21:30”, “星期五”: “10:30-21:30”, “星期六”: “10:30-21:30”, “星期日”: “10:30-21:30”, “星期一”: “10:30-21:30”}
填寫評論
Read More Reviews
Tang Cynthia
2 年前🍕意式火腿配水牛芝士薄餅 批底薄脆可口，輕盈鬆化脆卜卜。ᴘʀᴏꜱᴄɪᴜᴛᴛᴏ嘅份量都好足夠，仲有滿滿嘅火箭菜鋪面，令人回味。 重點登場👑 🌸花漾田園盛宴下午茶套餐$398/兩位 ▫️藜麥烤蔬菜花卉杯 ▫️美國安格斯小漢堡 ▫️挪威三文魚牛油果醬墨西哥脆片 ▫️烤八爪魚莎莎醬墨西哥脆片 ▫️鮮雜梅法國忌廉奶凍 ▫️心太軟配ᴍᴏᴠᴇɴᴘɪᴄᴋ雪糕 ☕️藝術打印咖啡/朱古力（凍） 用料中等，款式設計唔算太特別。但我欣賞嘅係咸點同甜點嘅比例，可以平衡返口味，唔會太甜/太咸。加上打印咖啡賣相別緻，係梵高嘅《星夜》同彩色村上隆花花，打卡一流。（仲可以打印自己提供嘅照片㗎！）飲落味道奶泡感都好厚重，夠creamy。 推薦程度：❤️❤️❤️❤️
Sumbafoodieshk Sumbaholic
2 年前喺K11 Musea嘅CURATOR Art & Cafe，環境非常有藝術氣息，裝潢、音樂、燈光都非常舒適，充滿現代感。今次點咗糯米雞翼、炸魷魚圈同安格斯牛扒。 🔘糯米雞翼 $88 評分：🌕🌕🌕🌕🌑 評語：係呢度嘅招牌菜之一，係用雞翼包住d糯米。糯米糊糊嘅，加埋有好多汁嘅雞肉，每一啖咬落去都充滿咗糯米同雞肉嘅香氣，糯米嘅口感亦非常之好，好綿密。 炸魷魚圈 $88 評分：🌕🌕🌕🌕🌗 評語：非常好味，外皮炸咗酥脆，裡面嘅魷魚肉質鮮嫩，醒胃一流！ 安格斯牛扒配烤薯仔 $238 評分：🌕🌕🌕🌕🌑 評語：牛扒煎得啱啱好，肉質好滑嫩，充滿咗肉汁同鮮味，個汁甜甜地，點埋落塊牛扒到更加出色。上面既蒜頭更加係食到停唔到手，一定要試一試！ 藝術咖啡 $48 （套餐加$48） 評分：🌕🌕🌕🌕🌕 評語：店家提供印上自己鍾意嘅圖案嘅服務，我揀咗我主子Sumba，最後出嚟嘅咖啡圖案令我好滿意。 Tiramisu $68 評分：🌕🌕🌕🌕🌗 評語：叫咗店家嘅招牌甜品，整個甜品好濃郁嘅奶香味，仲有淡淡嘅咖啡香氣，食落非常滑順、柔軟，每一口都好滿足。 🔻總結嚟講，呢度嘅菜式種類多，裝潢好舒服，同fd嚟食住嘢傾計就最啱！
草根姐妹Grassrootseaters
4 年前《Lex art cafe 外賣比堂食平一半🤑》 之前喺呢間Cafe食過晚餐，感覺好唔錯，食物出品賣相靚之餘味道都仲要好好，最近好想回味下可惜晚市又冇得堂食唯有外賣返屋企。 . 轉咗做外賣之後，部份餐廳原有嘅款式都更改左，感覺好似少咗啲款式，不過價錢就平咗一半。 . 📍田園日本南瓜忌廉湯配高級脆皮法包 ($38) Pumpkin Cream Soup 南瓜味唔強🎃，質感比較稀，草根覺得creamy啲更好，另外佢有1塊硬身法包🥖，配埋湯食都幾好。 . 📍 日風湯咖喱牛肉烏冬配秋葵 ($68) Japanese Curry Soup Beef Udon with Okra 日式咖喱牛肉烏冬🍲，咖喱味都幾濃不過唔辣🍛，個汁幾多可以用來配晒成個烏冬，不過烏冬腍得滯，呢點扣咗少少分。 . 📍 焗意式肉醬長通粉 ($68) Baked Penne Bolognese 肉醬蕃茄味濃郁🍅，味道酸酸甜甜加上芝士🧀非常惹味，長通粉煙韌有咬口，份量比較少，但味道唔錯！ . 📍 蘋果金寶蛋糕 ($42) Apple Crumble 呢度嘅甜品一向好食手，呢個蘋果金寶蛋糕都幾特別🍰，充滿玉桂味，口感軟滑，仲食到粒粒蘋果肉🍎，唔錯㗎。 . 📍Green Tea Latte ($43/Hot) 綠茶鮮奶咖啡奶味比較突出🍵，口感順滑，味道溫和， 飲落十分舒服。 —————-—————-—————-—————-—————- 📍波士頓龍蝦湯配高級脆皮法包 ($48) Lobster Soup 龍蝦湯有新鮮蝦肉，味道非常濃郁🦞，不過鹹咗啲，加埋法包一齊食都不錯👍🏻！ . 📍巴馬臣芝士凱撒沙律配烤雞胸 ($68) Caesar Salad with Chicken Breast 沙律菜新鮮爽脆🥗，但雞胸略乾👉🏻👈🏻，配上微酸嘅醬汁感覺清新🌿。 . 📍 酥脆雞鎚配水牛芝士醬 （$58) Chicken Lollipops （Buffalo Cheese Chicken) 炸雞Lollipops一客3件🍗，份量唔多。雞肉軟滑，炸皮落咗辣粉，雖然炸得唔夠脆，但味道唔錯。 . 📍招牌芝士牛肉漢堡配薯條 ($82) Curator Cheese Beef Burger 漢堡包鬆軟🍔，中間夾有牛肉扒、蕃茄、生菜、青瓜同芝士，漢堡扒好軟身，唔算非常Juicy，但食落味道都OK👌🏻。旁邊薯條份量唔多🍟，炸得唔夠脆需要改善。 . 📍Venchi Chocolate ($43/Hot) 呢杯絕對係Cafe Signature Drink🍫，甜度自然，口感順滑，飲落非常舒服。 . 今次食完外賣覺得堂食質素始終高啲，擺盤賣相同味道都係堂食會比較出色，希望疫情快啲過大家可以去番堂食啦❤️。 . CURATOR BY LEX ART CAFÉ (尖沙咀) 尖沙咀梳士巴利道18號Victoria Dockside K11 Musea B1樓B113C號舖
Mo Patrick
2 年前一杯咖啡，不只單純味覺享受，一個靚拉花都是一個藝術品。位於K11 Musea 的CURATOR，將藝術與品味送到你的餐桌上，讓藝術融入生活 ▶️ARTSY PRINT COFFEE - 別以為只是一杯拿鐵，最特別係可以將喜歡的圖畫放進咖啡裏，我就選了梵高嘅其中一幅名畫 Café Terrace at Night ▶️自家制意式肉丸配芝士 - 肉丸軟淋得嚟有咬口，醬汁酸甜開胃，鋪滿芝士特別美味，配搭法式麵包，這個配搭任何主食一樣咁好味 ▶️奶酪醬烤糯米釀雞翼 - 雞翼去骨釀入糯米，小小辣夠惹味，去了骨食都方便 ▶️橄欖油炒墨魚汁意粉配帶子 - 香煎帶子鮮甜美味，再用墨魚汁煮成意粉，加一些食用花令擺盤更美觀 ▶️意式提拉米蘇 - 手指餅沾滿Mascarpone芝士，每一啖都細緻軟滑，加一塊橙片乾點綴，貫徹餐廳的藝術美感 ▶️ROSE RASPBERRY CAPPUCCINO - 加入raspberry果肉，乾玫瑰花，酸酸甜甜
foodiecouple MY
2 年前✨✨✨Ig: My_foodiecouple✨✨✨ - 【CURATOR Art & Café。尖沙咀】 ———————————————— Bookmark左好耐，一直都搵機會試❗️呢間餐廳位於尖沙咀k11 musea，未入店鋪係門口已經感受到好濃既藝術氣息，除咗有展覽同埋購物，仲有高質美食，係一個集藝術、美食同打卡嘅好去處我哋揀咗兩款主菜，一款甜品，另外升級左一份套餐。 ✨厚切吞拿魚三文魚子菠菜汁意大利飯 $168 呢道意大利飯份量好豐富，大大塊鮮嫩嘅厚切吞拿魚同三文魚子搭配菠菜汁同香甜既芒果，口感好豐富。飯粒軟硬度啱啱好，好入味。呢道菜嘅味道同份量都好出色，顏色亦好吸引，味道亦十分出色👅 ✨ 橄欖油炒墨魚汁意粉配帶子 $188 意粉煮得啱啱好，墨魚汁濃郁味美，帶子鮮甜可口，食材嘅搭配好精湛，有蔥，洋蔥粒，紅椒，蒜蓉，整道菜色彩鮮豔，配上五粒大大粒帶子，係一道好出色既意粉，好味又抵食 ✨南瓜湯＋丸久小山圓抹茶冰拿鐵 $48 我哋其中一份主菜＋＄48升級套餐，有湯＋指定飲品。南瓜湯好醇厚，口感濃郁，好啱做開胃菜，亦係我飲過最好飲既南瓜湯三甲之一🥰勁杰身。 至於飲品，嗌左丸久小山圓抹茶冰拿鐵。呢款飲品係店內人氣推薦，口感清新甘香，抹茶味好濃郁 ✨意式提拉米蘇 $68 甜品都好好食，味道細膩，咖啡味好出，cream既質感亦軟滑，入口即化，仲要份量算多！🤩 總嘅黎講，呢家藝術、美食、打卡三合一嘅高質cafe提供嘅美食質素好高，而且性價比唔錯。餐廳嘅環境亦都好舒適，空間闊落明亮，裝修風格簡約現代，充滿藝術氣息。喺餐廳用餐唔單止可以食到美食，仲可以欣賞各種展覽同藝術作品，天花板既燈光亦會隨時間轉色，為用餐體驗加多咗啲樂趣。價格亦都十分之合理，唔會太過貴，好值得一試，打卡一流。 👦🏻:👅👅👅👅👅 👧🏻:👅👅👅👅👅 性價比：🌕🌕🌕🌕 推薦指數：🌕🌕🌕🌕🌗[指數最高為5] 📍 CURATOR Art & Café (尖沙咀) 尖沙咀梳士巴利道18號Victoria Dockside K11 Musea B1樓B113C號舖