Clipper Lounge – 自助餐餐廳

食物新鮮好吃，食材補貨速度很好，甜點好吃，水果已經切好，方便入口，冰淇淋巧克力超濃郁，服務人員超溫柔態度很好，沒有提供飲料自助，但會隨時服務白開水，水產有附一杯免費飲料，我們點巧克力牛奶和檸檬水很優質，真的無法不補充有整條的清蒸魚好吃鮮嫩不過速度也很好，油雞，空心麵，湯麵都好吃，真的沒有吃到夾在盤中吞不下的食物，甜點區的巧克力也都在水準之上，晚餐還有提供麵包可自取，海鮮區的海鮮更是沒話說，龍蝦鮑魚貝殼類蝦子冬超級好吃會彈的那一種很新鮮沒有海鮮的臭味，真的是天花板的自助餐，雖然不是全全部都入口，因為肚子空間有限，吃飽了再逛逛這些食物也很滿足，怎麼能把每道食物都做到色香味俱全呢？非常感恩，我是不喜歡浪費食物的人，所以在這裡用餐非常開心，下次一定要帶家人來著用餐。

媽媽生日，咁啱見到呢間自助餐網上有買一送一優惠，即刻全家去試試佢。 呢度啲熱盤同甜品有少少平平無奇冇乜特別，所以我就唔多講。主要係想分享吓呢度嘅冷盤同埋麵包有好多唔同種類，都幾有驚喜。 冷盤區有生蠔，龍蝦，蟹腳，麵包蟹，鮑魚，翡翠螺同埋凍蝦等等其他唔同款式嘅海鮮。 🦪生蠔唔大隻，啲肉唔算厚，而且仲有少少蠔殼喺入面。不過味道都幾鮮。 🦞龍蝦好大隻，啖啖肉。有冇幾隻好多膏都幾好食。 🦀蟹腳好新鮮，唔黐殼，而且好粗壯好大條。 🥖麵包區有好多多款唔同嘅麵包，有長法包，牛油卷，黑糖麵包等等。平時食我自助餐都真係幾少食麵包，因為唔想浪費咗啲quota。但係同行有小朋友，小朋友就非常之鍾意，見到有咁多款唔同嘅麵包，佢都覺得好興奮。 總括而言，呢度種類唔算多，不過買一送一完五百幾蚊一位都可以嚟試吓嘅。

响KK Day買咗自助晚餐買一送一，揀咗星期五晚。訂位分兩個時段，18:00-20:00或20:30-22:30。睇comment話第二輪啲食物refill得好慢，所以揀咗食第一輪。 6pm去到，入座要排隊。好彩座位位置好近食物，有啲四人枱响窄長走廊(近廁所嗰邊）就唔係太方便。餐枱已經擺咗餐具，但係甜品匙羹、筷子、湯匙都要自己攞。四人枱會提供紙巾，二人枱係冇嘅。濕紙巾都係入座嘅時候，職員想俾就俾，唔一定會有。 食物種類均衡。 凍海鮮有長腳蟹、波士頓龍蝦、麵包蟹、青口、螺、生蠔。雖然大家都話啲生蠔好瘦，但法國蠔本身就係瘦㗎啦？食落唔覺有問題。 日本嘢有魚生、壽司，全部都係切定一堆任夾。有人覺得唔衛生，但我自己OK。呢度唔使次次同師傅講要咩、要幾多，仲方便，又唔使排隊擺咁煩。魚生偏厚切，部位都靚，鮮甜。甜蝦幾驚喜。唔知點解煙三文魚放埋响魚生旁邊，佢自稱自制嘅，食落都幾好味，成日俾人夾晒。 沙律有幾款預伴好嘅，另外可以自己mix。ham嗰啲有3款，種類偏少。 中式熟食我最推薦係海南雞飯。平時呢度餐廳食要$380一set，而家自助餐任食。雞嫩滑，已去骨，有鮮味。最驚喜係個油飯。睇落好淡色，好似平平無奇，食落雞味濃郁又唔太油，飯粒分明，齋食飯都好好味，配埋海南雞更正，回味無窮。旁邊豉油雞都好食，但冇海南雞咁驚艷。 其他熟食例如蝦球、炒飯、炒米粉、蒸魚、魚片都係普普通通，唔難食但冇咩特式。我覺得佢好似整定咗一段時間，因為我6點入座，6:10食已經覺得老咗、鞋咗、放到乾咗，而且唔熱。 西式湯係蘑菇湯，料多濃味但太鹹。中式湯係冬瓜薏米瘦肉湯，我覺得佢落咗「師傅」但我老公話冇，我唔推薦。 即整嘅食物有卡邦尼意粉同粉麵。 卡邦尼意粉係煮完撈芝士，好濃味，啲煙肉整到好脆好香口，但芝士太多食落成口粉，而且隻芝士有陣嘔奶味，我食唔慣，但鍾意芝士嘅人會覺得好正。 粉麵可以揀喇沙或者清湯底。麵有油麵、米線、粉絲。配料以海鮮為主，有鮮蟹拑、蝦、魷魚、白魚蛋，仲可以加生菜、芽菜。都幾好食。 燒牛肉係medium，見紅會但唔會滲太多血，食落嫩滑。個汁冇咩特別，落唔落都差唔多。 最期待嘅係甜品。文華出名嘅New York Cheesecake 係任何時候食都唔會輸，有芝士味但唔會太黏口，cheesecake嚟講偏輕盈，好正。但最驚喜係個望落普通嘅草莓忌廉蛋糕。蛋糕體口感綿密細緻，忌廉順滑、有味又唔會太甜，兩者夾埋一齊食，好似食水蛋咁滑，但又唔會覺得冇質感食空氣，超正！！朱古力蛋糕個蛋糕體都係一樣軟滑，但由於佢較到個朱古力味偏淡口，一食其他例如chocolate mousse cake就會完全比下去。檸檬撻都好味，不過撻皮有少少濕咗、淋咗。其他烘焙類都係不過不失。 雪糕、雪葩都係自家制。雪糕有朱古力同咖啡味，牛奶落得夠，食落軟滑順喉，唔太甜。雪葩係野莓同橙味，好食，清新，適合食到飽飽地，清一清味蕾。但唔知點解橙味係黃色，有少少心理落差。 自助餐包一杯無酒精飲品。要問先會幫你落單。凍檸茶同凍咖啡都正常發揮。 侍應算勤快，收碟快，唔會整到好嘈。食物refill OK，好少見到完全清碟冇嘢食（除咗煙三文魚）。不過，甜品嗰度好奇怪，食物放咗出嚟但枱底冇放碟。搞到我要拎熱盤啲大碟，而酒店又㷫住啲碟，熱辣辣拎去裝甜品真係好奇怪。甜品碟要到大半個鐘之後先有人拎出嚟，唔知咩玩法。 五星級酒店，買一送一嘅話，每人$543，我覺得OK嘅。但食物唔係樣樣都好食、環境少少迫，配唔上五星級嘅質素。 （食到一半先記得影相，但地圖上嘅相同現場差唔多，可信度高）

香港文華東方酒店建於1963年坐落在中環商業地帶，經歷過62年的歲月，由奢華與東方色采結合陳設，到現代的雍容典雅，座位的寬敞舒適，令今天的早午餐增添浪漫美感，食物可算應有盡有，毋須多加介紹;5星服務不用懷疑，喜歡拍照的龍友可從大堂至餐廳大展身手。

伏 ，人生食過最差嘅自助餐。 野食選擇比較少都算啦， 野食質數都有啲驚人，每一舊生蠔都可以有大量蠔殼碎， 熟食嘅牛排＆豬排基本上係切唔開，（餐刀的確十分頓），咬開亦都有困難。 極度意外地 Cheese Wheel Pasta出奇地難食…… 基本上淺嘗哂全部野食， 由於真係無咩好食，所以提早食甜品。 甜品係唯一相對好食嘅，大部份都ok。 座位與座位之間距離極近， 另外比較有趣係，因為成個場地真係太迫，成餐飯見到無數人俾佢個裝飾嘅車輛碌「棘」到…… 雖然人手明顯不足，但員工態度還可以。