{“星期二”: “12:00-18:00”, “星期三”: “12:00-18:00”, “星期四”: “12:00-18:00”, “星期五”: “12:00-18:00”, “星期六”: “12:00-18:00”, “星期日”: “12:00-18:00”, “星期一”: “休息”}
{“星期二”: “12:00-18:00”, “星期三”: “12:00-18:00”, “星期四”: “12:00-18:00”, “星期五”: “12:00-18:00”, “星期六”: “12:00-18:00”, “星期日”: “12:00-18:00”, “星期一”: “休息”}
填寫評論
Read More Reviews
M L
1 個月前花雕醉雞 好好食，醉雞汁香濃。 下次撈唔錯。
Ghkk
3 年前因工作關係今日又入到黎大埔食晏晝。其實暢和麵家一早已經好想試，之前假期嚟到大埔見到太多人唔想排隊，今日一支公終於可以坐低食番餐。舖頭喺商場一樓，其實座位好少，目測所見應該唔會超過12個位。不過門口擺咗啲枱凳，上次假期過嚟嘅時候係會開晒，但係應該都唔會超過20人。因為我未夠中午12點就已經到達，所以當時定唔係好多人。舖頭嘅牆上除咗見到大大個餐牌以外，又見到好多有意義嘅海報， 十分正！ 未坐低之前其實已經諗咗今日要食乜嘢，所以好快就已經落單。今日我嘅午餐係： 醉雞$36 軟腍入味，雞皮爽脆，雞肉軟滑，花雕味肉味平衡。呢個價錢一啲都唔貴。 雲吞麵（幼麵）$27 湯頭清甜不過鹹。淡淡的大地魚以及九黃嘅香味。生麵爽口彈牙，沒有過分嘅鹼水味。雲吞係細細粒，跟着一條金魚尾。豬肉肥瘦比例剛剛好。雲吞有五隻，絕對慷慨。雲吞餡料入邊混入類似豬軟骨嘅配料（？），令到佢口感特別有層次。真係好唔錯。搞到最後連碗湯都飲埋。 今個午餐無論價錢，食物一質素，以及人情味都令人回味。食完之後提升咗不小嘅正能量返去繼續為工作奮鬥。 之後同朋友傾開，原來係暢和早前有幾間舖頭，現在只剩下西環和寶湖花園商場這一間。有時我會諗究竟人生要追求啲咩呢？究竟係要生活和工作上面嘅多姿多彩、以及富足係好啲？定係簡簡單單，踏踏實實嘅生活適合自己呢。
Michael Chan
5 年前試了這麵店的26元蝦子撈麵及26元淨雲吞，蝦子不算多，但剛好配合麵量，不會像有些店舖硬是買貴加大份量，满口蝦子而吃不到麵的質感，它的麵真的幾彈牙，口感一流；而雲吞則不是一般的蝦肉雲吞，而是承自原廣州的瘦肉雲吞，咬口可以，樣子如散尾金魚，可引起食慾，但個人仍是比較喜歡有蝦肉配半肥瘦碎猪肉的爽口嚼感！今次食物質素可接受，下次再試它其它食物！ 今天2020/2/16又到這裡，主要是想試它的碗仔翅和蜆蚧鯪魚球，可惜碗仔翅沽清，唯有試它的金錢肚麵，金錢肚只有一半是，而且煮得太淋，失去金錢肚的煙韌質感; 至於蜆蚧鯪魚球則好吃，應該是即叫即炸，外脆内彈，很不錯，配上它的蜆蚧汁，味道份外突出，唯一是没有絲毫蜆蚧，有點差了一點點！
Kar M
4 年前每次入大埔都必食暢和，最愛花雕醉雞米+香草豬扒蝦子撈，一食難忘，真係冇得輸👍🏼👍🏼
Michael FUNG
4 年前暢和麵家在大埔寶湖商場！出品都叫OK ！尤其係碟醉雞！酒味雞味都有！周時要排隊！但唯一扣大分就係座位坐得非常不舒服！又迫！檯又細！冇辦法！地方所限！如不計較可一試！