Chef’s Stage Kitchen – 西餐廳

🏰愉景新城呢幾年定位咗做親子商場，人流大增 餐廳生存競爭都好激烈，今日試呢間餐廳就由商場革新後經營到而家，成為商場評價最好既西餐廳，到底係咪實至名歸呢🥸 💡由遠處行過去餐廳已經比佢既招牌吸引，百老匯復古風格非常eye-catching，主要以木系傢俬為主，但佈置偏工業風，鐵絲網牆上掛住餐廳標誌，燈泡仿似老舊鎢絲燈膽，餐廳光線唔算太光猛，情調氣氛一流。餐廳播住歐美金曲，但短短一個鐘既進餐都播咗2次happy birthday歌曲，證明都好多客人黎慶祝生日🎊 🍞餐包 一共有2款，香脆麵包條同香草多士，香草多士外脆內軟，香氣滿滿，配合埋酸酸甜甜既醬好開胃。 🍲椰菜花忌廉湯 是日餐湯係比較少見既椰菜花湯，口感好濃厚既菜湯，係照顧健康既同時維持到味道，相信係親子餐廳生存之道。 🥗蕃茄芝士沙律 沙律調味除去咗草腥味，色彩配搭得都幾繽紛，芝士碎既鹹香為略顯單調既沙律菜提味。 🥩炭燒美國天然極黑厚切豬鞍扒 今餐最高分之選，豬鞍扒油光閃亮，Grill mark啱啱好帶小小焦香。上檯時仲有滋滋聲，煎完之後resting都做得相當好，肉汁大部份都鎖住係入面，肉質仲好嫩，邊緣部位仲帶點香脆。牛肝菌汁濃郁而唔漏，可以補足返豬肉唔算濃既肉味。薯菜唔想太熱氣就揀咗焗薯，口味比較清淡，上面既cream cheese味道清爽帶點酸味🧀 🍝初榨純橄欖油蒜香白酒煮紐西蘭海鑽蜆扁意粉 見佢寫住新鮮空運食材就大膽試一試，黎到見到隻蜆勁大，同本地沙白差唔多咁大隻，數埋有成10隻，鋪滿哂成個面。蜆煮得鮮嫩彈牙，層次感好豐富，由大海既鮮味去到淡淡既牛油味，完全無沙。下面既扁意粉份量都比想像中多，咬落仲幾有韌度，帶點微辣好惹味🦪 🧃番石榴汁 ☕薄荷朱古力

荃灣一向都多好野食，但我今次就去到位置比較入嘅愉景新城覓食～呢間西餐係元朗都有分店，但今次咁岩去到愉景新城就試下呢間荃灣分店啦。 入座前會詢問我地要唔要口罩袋同埋用唔用酒精搓手液，提供埋呢個服務係幾貼心嘅！ 面對住令人花多眼亂嘅餐牌，我地一於就揀左二人Dinner set唔洗煩啦。首先可以揀餐湯或者沙律，我地就揀左各一，是日餐湯係蕃茄忌廉湯，蕃茄味好出偏酸呢！沙律都幾大份，兩人分享都可以。 頭盤加錢配左好豐富嘅新鮮生蠔海鮮拼盤，入面有生蠔、青口、紅蝦刺身同埋翡翠螺。款式都好多，最吸引就係長長嘅紅蝦刺身，肉厚味鮮！ 其中一款主菜可以選擇一款意大利飯或意粉—燴美國牛肋肉配寬蛋麵 牛肋肉份量都幾多，而佢地嘅麵條都幾有口感，用牛肉煮嘅醬汁都好濃稠，掛滿每條寬麵～ 仲有一款重量級主菜，就係炭燒美國極黑豬扒拼香草牛油焗波士頓龍蝦尾。 平時食得多牛扒，偶爾都會心郁郁想點豬扒，豬扒肉汁好多好厚身，愈嚼愈香～側邊嘅龍蝦尾已經處理左，所以一切就食得好方便！龍蝦肉依然彈牙，兩人分享令人意猶未盡嘅感覺啊！ 飲品我就點左玫瑰伯爵奶茶，一拎起就已經有撲鼻嘅玫瑰香，同伯爵奶茶嘅味道融入得好好，兩者都好平衡。朋友就點左鮮水果茶，都係佢地嘅特飲之一。

荃灣美食推介💖 荃灣美食多係人人都知既事依間西餐廳氣氛好好🥳又近地鐵站，野食真係好唔錯好岩同朋友慶祝生日🤩 . 🧉黑松露鵝肝菌磨菇湯 $68 黑松露味唔會話好淡仲要一碗好大碗，完全夠晒2個人飲呀湯會倒上橄欖油🤤好香好滑身❗️再配上埋烘過既麵包片，一啖湯一啖麵包，正🤩 . 🥑牛油果沙律 $78 細食啲既女仔完全可以係依完佢唔洗食其他野啦🤣個量係十分多架！有好多沙律菜🥗同埋藜麥牛油果都有半個，配上好fresh既醬，都幾好胃🥰 . 🐽炭燒日本豬腩 $249 好香口既五花腩❗️肥同瘦適中🤤仲要燒得好好，好有炭香味🤣就算唔點醬，都一樣甘好食呀薯蓉好creamy，可以多少少🤏味增加口感 . 🌿香草焗原條法國海鱸魚 $268 係西餐廳到叫成條魚，我都係第一次試🤣拎左檸檬🍋去焗條魚🤩令到成條魚都好fresh🥳最重要既一點係⚠️成條魚都好滑呀嫩滑，多肉值得一試

［荃灣] Chef's Stage Kitchen . 藜麥牛油果沙律🥗🥑 食剩指數 5/100 有好多沙津菜 青瓜絲同蕃茄 牛油果🥑都唔少 加左藜麥好似比普通沙律更健康 味道酸酸地好清爽 都幾開胃 . 藍芝士烤啤梨燴意大利飯🍐 食剩指數 0/100 意大利飯好濃味 烤啤梨原本以為好怪 點知烤完好甜 配左落飯都夾 藍芝士味好重 鐘意芝士既人先頂得順～ . 炭燒日本豬腩 食剩指數 0/100 日本豬腩燒得幾好 豬肉好彈好鮮甜 配牛肝菌汁都唔錯 薯菜揀左焗薯 有酸忌廉既焗薯都ok 我覺得加少少牛肝菌汁都夾 . 偽鴛鴦 食剩指數 5/100 偽鴛鴦係朱古力加咖啡冰 冰溶左之後就會變mocha咁 佢咖啡磚仲有tiramisu 味揀 飲落又真係有少少似 算係幾特別既飲品

今日放工同朋友去位於荃灣呢間餐廳食西餐 semi-open嘅環境令人唔會感到焗束 非常適合幾個朋友放工呢到chill住食 🥢黑松露粗薯條 $88 首先上菜時已經好震驚 好大碟 薯條份量非常足 而且炸得剛剛好 好香脆 加上佢係粗薯條 面積大沾醬地方自然多 每條薯條都沾滿香濃嘅黑松露沙律醬 非常抵食！ 🥢鮮藍蟹肉及蘆筍燴意大利飯配鮮蝦頭膏 $188 推薦呢個risotto俾鐘意海鮮鮮味嘅朋友！個飯嘅texture好好，唔會好水但又唔會太硬，非常creamy🤤 parmesan cheese好香，但仍然食得出蟹肉同蝦膏嘅鮮味，同埋蝦頭膏本身自帶少少辣味，令到個味道更有層次 🥢炭燒紐西蘭羊鞍扒 配紫蘇蜜糖醬 $258 有好多人都好抗拒食羊因為怕陣騷味 但呢個羊鞍扒就完全冇羊肉獨特嘅味 而且仲煎得非常香口！🤤我地叫左medium rare 起初都怕會唔會太生 但竟然完全冇血水 軟腍程度just perfect! 👍🏻再配埋個紫蘇蜜糖醬 紫蘇嘅酸味大大減低左肉嘅油膩感 食多幾舊都唔怕！ 🥢接骨木花玫瑰茶 $38 一飲落去就有好香接骨木花味 然後陣玫瑰味慢慢回甘🌹 又唔算太甜 推介！