Cat喇沙 – 馬來西亞餐廳

龍蝦喇沙有原隻波士頓龍蝦，而且幾大隻，連龍蝦頭都有膏，餐廳準備咗個碟同埋鉗方便食龍蝦，至於喇沙湯底，唔算太辣，椰香較重，入口順滑，麵底係摻摻~ 小食拼盤嘅份量頗多，有炸蝦餅、酸辣鳳爪、串燒等等，味道唔錯，種類唔會太單一，唔會話成盤都係炸物

今日朋友帶我嚟到元朗食呢間 cat喇沙 食馬來西亞菜 時間尚早 入到去就有位啦 坐低睇睇Menu 都有唔少選擇🤩 馬來喇沙系列、撈撈系列、越南特色湯粉、馬來特色飯、撈起咖喱 仲可以加配唔同嘅小食 🍋‍🟩青檸梳打 特登為咗呢隻貓貓冰而黎 好可愛呀！飲品清新唔會太甜 特飲跟餐半價 除咗可以打卡之外 呢個貓貓冰仲係青檸梳打嘅冰 就算溶咗都唔驚杯嘢飲淡晒 🐥海南雞飯 呢個海南雞套餐有得揀油飯、白飯或者菜飯 咁我哋就揀咗油飯～ 油飯好香 食落唔會油膩 米飯粒粒分明 煮得啱啱好👍🏻 仲有個湯 係蓮藕湯～ 雞肉嫩滑 份量都好多 全部都冇骨 啖啖肉 配埋海南雞嗰個甜醬 好好食 🍗香酥雞 任何飯/麵加18蚊可加配細份小食一份 叫咗香酥雞 諗住細細份 點知上到嚟份量咁多🤩 好抵食！一口香酥雞好方便食 香脆唔油膩 好味 🦀軟殼蟹喇沙 呢個喇沙一上枱已經好香 見到咁大隻軟殼蟹 真係好正 外脆內軟 炸得啱啱好👍🏻 湯底甜甜辣辣 配埋米粉同油面 好味 🍢炸雜丸 另外一個小食就嗌咗呢個雜丸 有四粒唔同嘅丸 龍蝦丸、貢丸、牛丸、墨魚丸 作為小食我覺得啱啱好 整體嚟講 呢間 cat喇沙 環境舒適 店員服務態度好 食物質素不錯 同朋友嚟食下午茶傾吓偈都幾好

覓食時發現寶藏餐廳，立即介紹大家。 龍蝦喇沙 $108 (爆推🌟🌟🌟🌟🌟) ️根本就是豪華版喇沙，吸睛度爆曬燈🤩，超級打卡able‼️龍蝦啖啖肉，彈牙得來又鮮甜，再配上豆卜、蛋等配料，份量十足，性價比激高。 湯頭呈奶黃色，帶少少紅油，湯底醇厚惹味。椰奶的香氣濃郁，帶少少微辣，順喉不膩，十分適合香港人的口味。 摻摻內含油麵和米粉，油麵的彈牙和米粉的幼滑，口感豐富，配上惹味湯底，的確令人欲罷不能。 雞扒撈檬 $58 雞扒份量多，撈檬醬汁入味，酸酸甜甜，令人愛不釋手。 馬來咖喱雞酥 跟餐$18 一超級鬆化，外脆內軟，咖喱香氣四溢，有意外驚喜。 荔枝乳酸梳打 $42 （跟餐半價） 粉色的外表令我覺得少女心爆發，酸酸甜甜，清爽怡人。 餐廳中有很多貓貓🐱的擺設，十分有趣，貓粉絲絕不能錯過。餐廳環境舒適，氣氛輕鬆愉悅，性價比如此之高，誠意推薦大家下次去元朗，必須要試 支持小店🏻🏻🏻。 想睇更多介紹，歡迎馬上關注我。IG:big_big_foodie| OP: biu1115

元朗原來開咗呢間專門食喇沙嘅隱世小店，餐廳內仲有唔少貓貓嘅擺設，相當特別！食物方面，除咗招牌嘅喇沙之外，仲有提供馬來特色飯、越南粉同埋特色小食等等，款式非常之多元化～ 軟殼蟹喇沙💰HK$78 軟殼蟹大大一隻，外殼酥脆，內裡嘅肉質柔軟而嫩滑！而喇沙湯底就充滿椰奶嘅奶香味，再加埋惹味嘅微辣，整體味道香濃豐富～ 海南雞喇沙💰HK$78 海南雞肉質肥美嫩滑，旁邊仲有薑蓉同甜醬油可以點！麵底方面就選用咗星馬地道嘅滲滲(即係油麵溝米粉)，可以一次過試哂兩款麵嘅口感～ 荔枝乳酸梳打💰 跟餐+ HK$21 荔枝嘅甜味再加埋乳酸梳打果種微酸嘅氣泡口感，仲有啲荔枝肉，好足料～ 熱檸水💰跟餐+ HK$3 總括來講，呢到嘅食物份量多，味道正宗而且價錢親民，店員服務態度亦好好，係一間值得支持嘅良小店👍🏻～

上網搵資料想去元朗食喇沙，就俾我搵到呢間 成間餐廳環境好色彩繽紛，有大幅油畫，視覺效果好好。見到餐牌有不少選擇，除了我想食的喇沙外，還有撈檬、馬來特色飯類、小食，一定會有一款適合。 見到軟殼蟹喇沙只係$78，而且餐廳有手指公推介我即刻叫咗份；另外叫多一個豬頸肉撈檬試吓！ -軟殼蟹喇沙 我認為一個好喇沙最重要的就是湯底🥹🥹 喇沙湯底好重椰奶味，加上微辣，飲上去不是味精，完全沒有口乾感覺。 軟殼蟹一大隻，舖上麵面，雖沾了湯底，但仍非常脆口。咬落很有口感。面底是滲滲，有驚喜！ -豬頸肉撈檬 一排豬頸肉放上撈檬上，做到燶邊效果，肥瘦適中。每個粉麵的份量都十分足夠。 每個餐仲可以用$18跟一個小食，今次叫咗 -酸辣鳳爪 8隻無骨鳳爪漲卜卜，酸味突出，辣味好夠。 -越南蔗蝦 上枱共三隻，跟埋泰式辣醬！蝦肉彈牙，吸收了蔗汁的清甜味，好食！ 飲品叫左青檸梳打，青檸味好重，都只係半價，好抵飲！