Canapés Room – 西餐廳

八十幾蚊個餐都預咗係整定預製食物再翻熱，但係搞到豬鞍扒又柴又乾望落成件麵包咁就過份咗。 紫菜雞卷唔知點解腥腥地… 紅酒汁肉眼扒嚟到係冇味嘅蒜蓉汁全熟西冷（？）… 成件事錯哂。 餐湯偏鹹，主菜冇味，已證實火炭真係冇啖好食。

呢間外賣叫得多，都係第一次親自去餐廳食 環境都幾舒服，要出去先俾錢點餐，之後好快就上菜。原來午餐都幾多人，多數係附近寫字樓d人上去食。值得推薦👍🏻

一上門去到最邊邊會見到一道唔似入口既門，就咁推門入ok。入到去叫野食要行過去比錢，然後佢就會直接送到你張枱。 溫泉蛋卡邦尼意粉，食落淨係食到咸咸地，冇忌廉香草胡椒既香味，每一啖食落淨係食到啲意粉，但係意粉冇咩口感，粉粉地。隻蛋加左落去就令啲味更加奇怪，口感冇咩融合既感覺。 炸雞比係炸完再炸，黑黑地，入面幾熱但係唔外皮唔脆，啲肉質唔滑，食落又係咸咸地唔香。啲沙律茶唔脆，加埋啲沙律醬冇咩口感，好似沙律醬唔太甜，味道尚可。蒜蓉包係兩個下午茶加埋最好食嘅嘢，好重蒜蓉味可惜太多牛油有啲淋唔脆。 野飲普普通通冇試咖啡，86唔洗加一。

火炭間Canapés Room 到會比生豬肉， 雞翼都未熟透 聖誕節一大班人訂個到會，我地係選擇自取，預約左17:00-18:00，點知17:15去到話我地份到會比左人地，係鋪頭等左半個鐘，最後都話要再送貨比我地，淨係比左盒甜品我地拎走。 我地打電話問到會幾點到，員工完全無時間比我地，回覆態度極差，只係不停話晏啲覆。 最後19:05先送到過黎，到會黎到我地都好肚餓，即時開餐，點知食物係生既，小朋友已經食左，即刻打返電話去鋪頭講番，員工態度輕佻，笑住道歉，只係話送返啲嘢俾我哋食住先，20:15終於再送到，點知送黎嘅薯寶都係炸唔透，同我地間房只係book到9點only。 佢聲稱係唔小心比左我地個到會人地 咁聖誕到會都係得個幾款個姐 重有d食物係重複 點解比唔到其他野食我地先 ？ 我地要求賠償唔單單係食物only, 係佢摧毁左我地成個聖誕party 成個party就係不停打電話問幾點到 野食生又要影相 又要安撫小朋友因為要迫佢被吐返d生野出黎 又不停打電話問幾時再送野食黎 又要再出去拎 黎到又係唔食得🤦🏻‍♀️🤦🏻‍♀️ 身心都很攰 但offer我地credit下次叫野食用窩 當然唔要啦 對呢間野無哂信心唔會再食囉

2024- Thank you Hilda for your help at my niece's 7th birthday party! Your team is extremely helpful and friendly. You made everyone feel welcomed and well attended to. Not to mention the food was delicious. We got a lot of compliments for the yummy macarons! 2023- 姪女6歲生日會選用了canapés room 的自助餐宴會服務。多謝你們細心，友善招待所有賓客。嘢食非常好味，賓客都讚不絕口。由setup 到 cleanup 都非常專業。下次搞生日會/聚會一定再找你們。👍🏻❤️