Café Causette – 咖啡店

母親節前一星期才找地方吃飯，見Klook這餐廳的套餐優惠還有位就來試試看，母親節這個價錢還有位其實有點伏的味道，不過我是想找個舒適的地方和家人聚會，文華東方還是有點信心。這個3道菜限2小時的晚餐選擇不多（2選1），味道與材料感覺很一般，前菜還可以，但主菜的魚就太差了，肉質太乾又沒什麼味道！甜品還可，環境是舒適的，服務也周到的！因不滿座，2小時後也沒有要趕離開的意思，最初以為要另付加一，原來套票已包，另外有母親節小禮物：花和馬卡龍（有4粒不吝嗇），整體算是預期之中的體驗，就是食品會扣分比較多！

生日當天食晚飯，匯豐信用卡有折扣，買一送一套餐唔太啱食，單點都有85折。 海南雞飯話哂酒店級數，有一定期望，加上價錢都唔平$368，整體普通，味道唔錯，但冇驚喜。飯有油香，上菜時已唔算好熱，敗筆。雞肉唔係脾位，唔算超級嫩滑，但都OK，佢雞味都幾出。 午餐及晚餐套餐：主食叫肉眼扒，但塊扒都真係好薄，1CM都冇，冇口感，失望。同埋叫左Medium，可能塊扒太薄，大半塊都已經去到7成熟而上，某D更係Well done！反而前菜麵包、沙律仲好食D，麵包熱辣辣軟硬剛好，入面似酸種麵包咁，加埋個青醬好正，2個人係食哂成個麵包！ 甜品：慶祝生日，套餐跟嘅甜品仲可以寫字，另外信用卡優惠有額外一份朱古力蛋糕，兩個都唔錯，比起主食更出色。朱古力酒味香，甜度可接受，朱古力超濃郁。另外個批都好香脆，加埋雪糕好正！

中環嘅文華迎黎60週年，一直係香港嘅老牌傳統酒店，高貴典雅，平時都會去佢地cake shop 買餅，今次襯週年活動一試佢嘅下午茶 整個下午茶最鐘意嘅係經典芝士蛋糕、黑森林蛋糕同雞蛋三文治。芝士蛋糕作為招牌一定係必選，芝士香濃細滑；黑森林蛋糕嘅車厘子充滿酒香，已經坊間越黎越少同類型嘅蛋糕係咁正🥹雞蛋三文治雖則材料普通，但醬汁出色令佢比其他三文治更突出 下午茶當然唔少得美茶，文華自家調配嘅東方傳奇茶真係一流烏龍茶、茉莉、橙皮、薰衣草等混合，配搭和諧，味道清香獨特，絕對係配下午茶嘅首選👍🏻 可惜其他甜鹹點就唔太驚豔，由其方格蛋糕極甜至食左一啖已經食唔到；可麗露外層硬到都好難咬黎食，甜點嘅配搭較少開胃酸甜之選，越食越膩，但整個下午茶份量十足。 —— 鹹點： 烤牛肉忌廉辣根西洋菜三文治 有機雞蛋沙律香蔥蛋黃醬三文治 三文魚紅洋蔥香草忌廉芝士三文治 加冕雞杏仁杏脯葡萄乾三文治 —— 甜點： 經典1963文華芝士蛋糕 黑森林蛋糕 巴滕貝格蛋糕 蛋白霜檸檬撻 雲尼拿忌廉角 —— 焗點： 蘋果藍莓金寳 冧酒可麗篦 —— Scone: 傳統鬆餅 提子鬆餅 玫瑰花果醬 牛油忌廉 🌟推薦指數：7/10

話說有日看YT，見到日本旅客冒著被老婆駡的風險，到文華東方買了他們的玫瑰果醬，360ml，承惠HKD$388，說他是果醬的天花板也不為過。一問之下，方知那個人未曾試過這頗有名氣的果醬，今日在中環做過Gym，正好在附近，就讓他試試看。 上一次來已經差不多十年，一直都很喜愛他們的scone ，多年來也試過不少其他酒店品牌的，有些質素也非常出色，今次再來回味，口感依然出眾，鬆香中帶點濕潤，不會乾得把口腔的水份都吸掉，有麵粉香，唯一小問題是發粉味較重。我們點了四件鬆餅，兩壺茶，隨鬆餅附上clottedcream 及 玫瑰果醬 ，份量毫不吝嗇。今次特意來，就是要讓那個人試試這個玫瑰果醬，果然沒令人失望，把果醬抹上鬆餅，未入口前先享受果醬的花香為嗅覺帶來的衝擊，果醬的酸甜平衡剛好，香甜味在口中蔓延，果酸中和clotted cream的油膩，為鬆餅多添一份濕潤，每一口都是享受。 所以呢，個人沒有很捨得買這麼上等的果醬，說到底我也沒有常吃茶點麵包的習慣，不過我認為他們的果醬是絕對值回票價，被老婆駡也是值得的。

三號風球，預支風假，感覺最爽!去文華食三層下午茶慶祝一下呢種久違既初戀般若即若離既心情! 🍖先由鬆餅開始，先選擇了傳統而不是提子，因為急於試食玫瑰果醬以及牛油忌廉，味道清新不太甜，鬆餅鬆化不黏口，呷一口咖啡，就沒有膩的感覺，我揀岩左一個好嘅開始。 🍖之後選擇用梅花間竹嘅方法，一咸一甜咁食。 咸點有火腿芝士芥末三文治，雞蛋青瓜西洋菜三文治，燒牛肉辣根菜絲沙律三文治，以及三文魚忌廉芝士火箭菜墨西哥卷。每樣都係傳統做法又加入少少特別材料。配搭得宜。 甜點主要喺蛋糕，有朱古力黑莓醬蛋糕，椰子芒果菠蘿蛋糕，金桔白朱古力泡芙，呢幾樣都做到酸甜適中，幾款都不約而同有清新既果醬喺入邊。所以冇死甜嘅情況。另外兩種，士多啤梨雲呢拿吉士撻同埋熱情果雲呢拿牛油酥皮蛋糕，主要就係因為太飽冇食，但係打包返屋企仲係保存得完整無缺。餅師既手藝應記一功。 ✨️特別嘅地方係佢哋有兩個安德魯葡撻，口味同澳門嘅真係好相似。為我自製嘅風假，增添多一份真實感。