By the O – 咖啡廳

野食味道好唔錯，環境舒服，絕對係同朋友黎Chill下嘅好地方。窗邊位置仲有少少陽光照射入黎，好舒服！ A Big Breakfast超豐盛，足夠2個女仔Share！有牛角窩夫、黑松露炒蛋、牛油果、大啡菇、沙律、芝士蕃茄、腸仔、煙三文魚。每樣野食都好味，夠新鮮即整。牛角窩夫外脆內軟，QQ地幾好食！ 早晨熱香餅黎到又有沙律、煙肉、炒蛋，好豐盛，兩塊熱香餅就係M記同款，口感都係軟腍有楓糖漿，整體都幾好食！ 飲品Hot Honey Latte幾好飲，奶同咖啡比例剛好，飲落好絲滑，有蜜糖味但唔會太甜。有埋桂花花瓣點綴，睇得又飲得。Organffee 幾靘成個Presentation，但撈勻後飲唔到咖啡味，只係飲到橙汁味，失望。

🍝蟹籽蟹肉明太子忌廉意粉 ($108) 嘢食整體都大碟，啲蟹籽多到成座山咁，食到最尾都有淨👍🏻 每一條意粉都掛滿曬汁，食落好Creamy 🧀雙重芝士浴浴單邊雞翼 ($62) 要連埋表面個啲芝士一齊食先會食到啲芝士味，佢唔係灑滿晒芝士粉嘅嗰一種雞翼，所以如果就咁食嘅話就冇乜芝士味🤔 食落有少少辣，辣嘅程度同脆香雞翼差唔多 🧇親愛的提拉米蘇牛角窩夫 ($88) 佢個餅底係脆，唔係腍啤啤嗰種👍🏻 🫖凍蘋果肉桂茶 ($48) 飲落好Fresh，有啲甘香，有種小清新嘅感覺🍃 一壺大約可以斟到三杯佢嘅茶杯。本身以為佢係一杯透明得杯茶嘅飲品，點知出到嚟又幾搞笑，幾好玩🤣

元朗開咗咁耐第一次食！次次見到多人排隊就好卻步！ 今次終於扚起心肝排隊！🥹 呢度2個意粉加1份單骨雞翼🍝🍝🐓夠3個女仔食 因為佢啲意粉都幾大份！所以都算抵食🤣 嘢飲都唔錯☕️ 只不過大家要有心理準備排隊🏻聽講平日都有時要排🥹 同埋油煙味！

去元朗都搵左間可以帶埋Emi既狗狗一齊食tea🥳今次呢間cafe位於元朗既鳳攸南街，因為門口冇顯眼既店名之類所以搵左陣🫨 今次食tea所以主要叫左小食同甜品，開頭以為會係水牛城醬煮雞翼，原來係沾醬形式食🤣當日既是日蛋糕（好似）係焙茶柚子芝士蛋糕，清新不膩，唔錯 單邊雞翼配香辣水牛城醬 $58 是日手工蛋糕 $58 菠菠蘿梳打 $48 橙皮朱古力鮮奶(C) $50

By The O Studio (大圍) . 🍝 蟹籽蟹肉明太子忌廉意粉 $108 意粉係掛到蟹籽、明太子同忌廉嘅味道。蟹肉同蟹籽份量非常多，意粉嘅軟硬程度適中，意粉份量都好多，足夠飽肚有餘嘅份量咁樣 . A Big Breakfast大盤子早餐 $138 牛角窩夫🌸芝士薯仔波🌸黑松露炒蛋🌸腸🌸煙肉🌸大啡菇🌸芝士蕃茄🌸煙三文魚🌸沙律菜 黑松露蛋很嫩滑，酥脆的牛角窩夫配上黑松露炒蛋👍🏻 芝士薯仔波味道有啲似蔬菜薯餅，幾驚喜幾好食 . ☕️焦糖鮮奶咖啡 $60 大大塊的焦糖脆脆，配鮮奶咖啡味道，係個sweet morning 🫶🏻 . ☕️Dirty MAMA $58 綠茶同咖啡味mix埋，咖啡嘅香味配上綠茶嘅甜味，值得一試👍🏻 . ☕️ Tiramisu Latte $60 必叫！完全夢幻嘅配搭個手指餅可以浸落latte到，令手指餅可以吸咗Tiramisu咖啡嘅味道🌸 . ☕️ 橙啡 $58 橙汁同咖啡嘅融合，但係又唔苦，算唔錯 環境👍🏻👍🏻👍🏻👍🏻 味道👍🏻👍🏻👍🏻👍🏻 服務👍🏻👍🏻👍🏻 性價比👍🏻👍🏻👍🏻👍🏻 . By The O Studio (益富閣) (大圍) 大圍積富街31號益富閣地下3號舖 #gorgorfeimui #coffee #cafe #bytheostudio #taiwai #thewai #alldaybreafast #latte #tiramisu