Burger’s Friend Forever – 漢堡餐廳

每次經過Yoho Mix，見到呢間餐廳食Burger都幾多人食。Check過原來呢間係Burger連鎖店，除咗喺呢個商場唯一一間Burger連鎖店，希慎同啟德都有分店。Burger唔係成日食，但佢係間唔中會突然想食嘅item。既然經過呢度，夜晚就舒舒服服咁坐低，嚟個Dinner 2人餐，有前菜、小食、Burger、意粉、飲品加甜品，夠晒飽肚。 前菜：芝麻沙律 x 2 每人一杯，有幾種沙律菜、車厘茄和蕃茄粒，醬汁份量適中，嚐到蔬菜本身的清新味道。 小食：薯條、薯格、炸芝士 5款選3款，我哋全叫炸物，薯條係我至愛嘅粗薯，和薯格同樣薯味香濃。炸芝士外脆內軟，芝味濃郁，啱晒芝士控。 主食：侯斯頓漢堡、蒜香雞扒意粉 兩個主食都附有炸粟米，呢個配菜有驚喜，用咗鹽調味，粟米本身夠甜，所以清甜又有鹹香，有不同層次嘅味道。 主菜漢堡視覺上非常豐富，牛肉漢堡扒用新鮮牛肉製造，多汁味濃、連同車打芝士和長長嘅煎煙肉，非常滿足，當中嘅羅馬生菜、蕃茄和紫洋蔥發揮解膩作用，令整個漢堡味道很平衡，同時有肉有菜很健康。 另一主食意粉，雞扒吃得出有調味，煎香得剛好。意粉軟硬適中，並預先拌勻醬汁且掛汁。 飲品和甜品 飲品選了罐裝可樂，食炸物不可缺少。甜品係每人一球雲呢拿雪糕，唔係假味那種，都幾好食。

難得係商場唯一一間本港餐廳，價錢合理，無理由唔試。 ིོ蒜辣蜆肉意粉$98 第一啖已經食到好香橄欖味，每條意粉都比橄欖油包住。蒜同辣味係岩岩好，唔會搶走蜆味。而蜆嘅份量都好多，完全蓋過意粉。 +$22配薯條同野飲 ིོ候斯頓漢堡套餐$144 主打使用全天然牛肉，無激素。成個包都好大而漢堡扒都好厚，兩個人分黎食都得。另外個包係勁正，外皮烘左仲搽左勁多牛油

自從元點開左之後 又多了好多大品牌進駐餐廳 其中成日行過見到想試既就係呢間有burger、pasta、沙律食既西餐廳 原來銅鑼灣、啟德、將軍澳都有分店 🤤特濃花生醬安格斯煙肉漢堡 配薯格 呢到既burger一定係signature 仲要有特濃花生醬既邪惡選擇 梗係要試吓 睇番呢到漢堡包是用選用新鮮牛肉製造的 所以切開一半見到漢堡扒好juicy 加埋煎香的煙肉和花生醬 非常夾！buger果然是必點👍🏻 薯格炸到好香脆而且大大塊 蒜辣蜆肉意粉 配薯條 上枱時驚訝了一下 見到蜆肉勁多 好似多過意粉咁 香濃蒜味加上辣辣地好惹味 意粉質地煮得剛好 整體是個好食既意粉 自製黑松露雜菌湯 另外加了個湯 飲落有粒粒菇菌增加口感 加了黑松露使整個湯更香

元朗新商場YOHO MIX內唯一一間漢堡包西餐廳。Menu選項唔止得漢堡包，仲有意粉，沙律等等。

環境舒適，景觀開揚，食品在水平以上，尤其欣賞他的麵包，乾身，挺身，鬆軟，特別推薦花生醬的牛肉漢堡，花生醬不會過濃，但充滿花生香氣，醬料中還有花生粒，非常配合牛肉漢堡的味道。 推薦，會再回來光顧👍🏻