Burger Joys (Sai Ying Pun) – 漢堡餐廳

西營盤巷仔裡嘅人氣漢堡包店🍔 ***** 話說每次行經大道西上第一街條捷徑巷仔，都會留意到「Burger Joys」，因為佢可算係漆黑中嘅螢火蟲，外面有大大幅牆畫吸引路人🎨。 碰巧呢日想食burger，星期日終於第一次喺度幫襯。我哋下午兩點鐘左右去到，餐廳依然好爆場，不過好彩唔使等好耐就入得。餐廳環境超級細，座位應該二十個都冇，但我見設計係善用空間嘅，例如將雪櫃設置喺出餐處上面。 依度賣嘅漢堡包款式唔多，得六款，而且仲有三款係牛肉🐮；相反薯條同小食類嘅選擇更為豐富。食物性價比一般，但可選配套餐(+$41 = 汽水 + 普通薯條)，同時份量亦都多。 由於我上網見漢堡包好大個，所以同朋友一齊食一個，再叫多幾款小食🤤。 特色雙層芝士漢堡Signature Double Cheese Burger ($139)，未食之前第一樣抵讚嘅地方就係店員好細心👍，問我哋係咪Share食，再叫廚房幫我哋切半。漢堡包如我所料咁大個，而且配菜搭得好整齊，唔會東歪西倒。我哋額外加$13要埋煙肉🥓，呢樣就相對普通。 🍔依個漢堡包係我食過頭三位好食，麵包層鬆軟兼有輕輕烤過，亦都唔濕。漢堡包嘅基本材料佢有齊，包括生菜、蕃茄、醃酸瓜同洋蔥，而主角就係雙層芝士同雙層漢堡扒。由於個包好熱，🧀所以車打芝士夠唒溶。漢堡扒大小剛好，牛味濃郁，而且相當多汁，令人回味🐂。 薯堡Tater Tots ($39)，呢個小食簡直係童年回憶嚟，印象中我小學時期KFX早餐有得賣，但自始就再冇食過。🥔薯堡圓柱形細細粒，其實佢即係換咗形狀嘅薯餅，內裡充滿着爽口嘅薯粒，而且口感更脆更好食。 黑松露扭扭薯條Black Truffles Curly Fries (原價$59 / 跟餐$21)，作為一個薯仔控，我又點會淨係嗌一樣薯類製品呢。🍟扭扭薯條既得意又好食，而且加埋黑松露真係無得輸，松露份量唔孤寒，但底部就有少少油。 奇津辣味雞翼Cajun Wings ($59/6隻)，🍗雞翼有三款口味，包括水牛城、蒜香同我揀咗嘅奇津辣味。呢款感覺係炸香咗再加辣粉，未算太有驚喜。如果雞翼口味可以混合就好喇，試多幾款！ 雲呢拿奶昔Vanilla Milkshake (原價$69 / 跟餐$31)，🥛奶昔冇食物咁出色，味道正常，但定價就偏貴。不過跟餐嗌埋試吓都無乜所謂啦。 總括嚟講，Burger Joys咁出名係有原因，主角漢堡包果然美味☺️。店舖細細，但整體各方面都好有條理，店員有禮。另一方面，我仲留意到餐廳嘅外賣盒做得好好🥡，因為可以啱啱好蓋實個包，咁就唔驚壓扁或變形，所以我相信無論堂食定外賣都一樣出色。

隱秘美式滋味漢堡 我一直知道西營盤有家頗有名氣的漢堡店Burger Joys，到今天我終於來買外賣回家。雖說地址是在第一街，但原來要往下走一段樓梯才看到，幸好有香味指引我。 這家店超忙的，外賣接不停手，可想而知有多受歡迎。等了十五分鐘左右就提著外賣回家，包裝很嚴實。 先來熱門的芝士牛肉漢堡，包的表面光滑，包身也挺，夾著色彩繽紛的食材：帶辛辣感的生紫洋蔥、非常醒胃的酸瓜、清甜的蕃茄和生菜、半溶的芝士和厚厚的牛肉，非常養眼又豐盛。麵包充滿牛油香、質感鬆軟，配合爽脆的蔬菜和軟的牛肉，有多重口感。牛肉的部分有肉汁，不會乾身，牛味也突出，正！ 然後到奇津辣味雞翼，是以不同調味料焗製而成，表皮香脆，有黑椒、辣椒和蒜的刺激味道。咬開後，嫩滑的肉形成了對比。 蕃薯條我一定要推一下，是坊間比連少有的。薯肉量多又甜，完全不用沾任何醬汁已經很美味。 最後就是雞肉漢堡，跟芝士牛肉漢堡的配菜一樣，但它有特製的蜜糖芥末醬，味道溫和帶甜，跟嫩滑juicy的超厚雞扒相當配合。 四款食物都很好吃，是一家要再encore的店！

之前吃過灣仔的burger joys, 今日帶朋友再吃！ 西營盤這間很有美國風的burger joys, 店舖外面的牆都是街頭噴畫~為這間店增加了藝術氣息~ 🌠芝士牛肉漢堡 早說吃過牛肉漢堡，今次要嚐嚐招牌芝士漢堡 點餐後，廚師即時製作，確保吃到最新鮮的漢堡，這點真係很欣賞！餐廳對食材份量和比例講究，而且不同分店不同廚師都可以吃到一模一樣的味道！ 吃下去第一口是食材的鮮味， 清爽生菜、鮮甜蕃茄、 爽口洋蔥，其後，就是以煎封後的安格斯牛，濃郁牛味經煎後被鎖住，肉質鮮嫩，一口咬下滿是牛肉汁 麵包更是豐富了漢堡的口感，即使 漢堡內餡多汁，但也不影響麵包口感，外脆內軟，吃下絕不鬆散！「百萬食譜」被評為香港no. 1 漢堡果然名不虛傳，令人沒齒難忘的芝士漢堡 加$41配薯條和飲品 今次選薯堡是我的最愛，每顆小小的薯餅，每口酥脆又豐富，超有口感，而且不油膩！吃下一顆又一顆，不知不覺吃完！ 🌠 美式炸雞配車打芝士 上次吃過後非常回味，今次介紹朋友再吃！ 今次炸雞的辣粉比上次多，令炸雞的味道更豐富！即使不配芝士醬也非常惹味~炸雞炸成金黃色，外脆內嫩多汁如果配啤酒真是一流！ 🌠炸洋蔥圈 雖然不太愛吃洋蔥， 但是卻抗拒不了香炸洋蔥圈的味道，酥脆可口，炸後保留洋蔥那特有的味道，但絕不 嗆鼻，反而有洋蔥味的鮮甜！

同朋友行經西營盤，忽然burger控嘅佢話想食邪惡嘢，首選諗到嘅正正係burger， 於是openrice發現原來burger joys喺附近都有分店，心諗一定夠穩陣，於是就全力開動，真奔burger joys嘅陣地！ 呢間算係細舖，同食開灣仔區嘅環境有啲唔同，感覺似主打做外賣生意。不過舖入邊都有幾個坐位，幸好同朋友比較早到，可以立即有位。 ／Signature Double Cheese Burger 自問唔係burger die hard fans，但最深刻一次食burger嘅經歷係曾經試過某美國好出名品牌嘅Burger，但一打開第一啖已經覺得完全唔得，因為個飽已經濕到稔哂，入口口感超worse。但Burger Joy呢個Signature Double Cheese Burger，大家睇相都已經知道一定足料！個飽烘過底，包體軟得嚟又可以承托住成個burger， 牛味濃厚超多肉， 加埋啲配料，真係發揮得好好！ ／Crispy Garlic Wings 個雞翼本身就炸得啱啱好 ，再加上勁多炸蒜鋪喺面，配埋少少甜酸醬，就成就咗一個咁好食嘅雞翼，就算唔食辣 ，一樣會好享受嗰種好惹味嘅感覺！

最近唔知點解突然間好想食漢堡，前排喺網上見到一間都幾出名嘅漢堡專門店。咁嘅話就自然吸引到我呢啲鍾意食漢堡嘅人啦，今次就同大家介紹吓位於西環嘅Burger Joys啦。 首先其實餐廳嘅選址都算係幾方便，基本上搭地鐵出到嚟行1分鐘都唔使就到。同埋餐廳唔係起喺啲大街大巷嘅位，所以都唔會話好嘈。 之後就講吓我嗰日食咗咩漢堡啦，首先要介紹嘅第一個漢堡就係芝士牛肉漢堡，見到Menu話呢一個係Hot Pick，所以都吸引到我試吓到底個質素係點。結果最後都冇令我失望，漢堡包整得好鬆軟，同埋牛肉嘅調味料都啱啱好。另外牛肉嘅口感同樣做得好好，咬落會有啲彈口但係唔會有筋！再加上餐廳嘅漢堡包裝，食起上嚟都唔會話好狼狽。我嗰日仲要加埋套餐，飲住啤酒食住薯條都幾過癮㗎！而我朋友嗰日就叫咗魚柳漢堡，我自己覺得魚柳漢堡個賣相睇落同樣咁澎湃。個漢堡同樣做得出色，我最欣賞嘅地方就係佢塊魚柳啦，佢塊魚柳係新鮮滾熱辣咁樣夾喺塊包度㗎，所以真係特別香口。同埋識落嘅魚肉唔鬆散，睇得出係新鮮嘅魚柳嚟嘅。另外包入邊夾住嘅洋蔥都令我好深刻，魚柳鬆脆嘅口感配上爽口嘅洋蔥，呢種口感上嘅衝擊真係好少漢堡比到我。同埋生洋蔥都有少少辣，所以都令到成個漢堡變得更加惹味。以漢堡嚟講，我覺得呢間餐廳嘅質素都好高！ 如果你本身都好鍾意食漢堡嘅，咁你一定要記得呢一間餐廳呀。真係絕對唔會令你失望。