Brother 5 Oyster & Steak Chop Bar – 西餐廳

湯同沙律如果2選一 我會揀：芥末柚子醋溫泉蛋三文魚沙律🥗 見食評有人話辣，可能係因為加左洋蔥同芥末，反而我覺得更好，中和少少酸味，好似有個橙肉物體又鮮甜，酸甜辛混合👍👍👍👍👍加食物又新鮮 我揀比多$20 有湯有飲品同沙律呢個係馬賽海鮮湯 ：湯料落足，但海鮮湯如果新鮮海鮮煮點都唔會差 但呢到我估應該成本與價錢考慮，所以今日唔係新鮮海鮮，海鮮湯來講味算唔錯都有應該有海鮮味 跟湯有個黑糖包，打開個包好香黑糖味，唔知有冇好似outback 咁可以再refill 呢？（冇問店員） 但幾好食，如果大食加多2包應該都好飽 碳燒美國頂級牛柳裙扒配山賊黑椒汁： 碳燒得香口，我叫5成熟，原本想講熟得滯，但食落去反而岩岩好，中間食落口有好多肉汁，非常juicy 如果你望見第一張上菜碟冇汁，最後一張佢唔係汁，係牛肉o既肉汁，而且唔係血水多，處理得好好 最後：杯咖啡一般，等其他人報告有冇好飲咁野

三文魚子明太子意粉好好食 少見既意粉組合但調味剛剛好 意粉煮得恰到好處，靠三文魚子帶出鹹味，非常驚艷 春雞正常無乜特別 青口都食得，但份量偏少 麵包好食，仲可以添食

个 內容 尋日生日，諗吾到去邊食飯，上網搵到這家店，評論話慶祝生日好，咁就打去book位，好彩早打去，再遲就無位 我地2個人，點左生蠔、牛排、飯，2+點品 生蠔…點了6隻，本身有3款選擇，好好可以每款2隻，咁就可以試哂3款 肉眼排..點了5成熟，煎得剛剛好，好好味，肉質好嫩，真係好好味 海膽意大利飯.可能本身好喜歡食海膽同意大利食，所以一定覺得好好味 甜品….心太軟，不太甜加上生日可寫字，仲有禮物收，真是太窩心 總括這家店除了店細了一點，記得book位，食物同服務超讚

牛扒普通價錢唔平，但生蠔新鮮好味很清潔，沒有蠔殼碎！

超有質素同驚喜嘅元朗西餐廳～ 每次想食牛排又唔想出去食 一定會嚟呢間食 出品質素亦都十分穩定 我仲覺得一次好食過一次？ 餐前面包 次次嚟食都有啲變動 好早之前係面包籃 依家變左一個好似Bruchetta 嘅包～ 十分好食 牛尾湯 煲得超好飲 好入味 都幾多肉 松露磨菇湯 夠creamy 青口 差唔多次次嚟都叫 整得好好食 青口都好鮮 薯條 呢個就係次次都一定叫 十分好食 每次都係新鮮熱辣，再撈埋啲黑松露 另外比個酸忌廉你點嚟食 無咁濟 超好食～！ 牛排 好似係叫碳燒美國西冷？（又係次次都叫） 十分十分高質 亦唔會overcook 肉質整得好淋 燒得非常好食，食食吓食到啲炭燒味，佢話牛扒頂層都有一層類似焦糖嘅封層，完全升華了⋯⋯⋯⋯ 偶爾都好掛住呢度嘅味道，間唔中就要返嚟食一次。 牛扒嘅配菜亦都做得十分出色如焗蒜，薯波。 今次仲叫左個黑毛豬 豬肉嚟貨唔係好靚，但係個廚做得好好食，醃得好入味，而且亦都煎得十分好。 兩個主菜嘅醬汁亦都十分不錯。 已經嚟咗好多次啦，終於寫下review。呢一間真係我元朗最鍾意嘅西餐廳，應該係話荃屯元天都最鍾意。仲有就係啲服務員都非常好態度，每次嚟佢哋都好有禮貌同埋會笑笑口。有機會真係好想見吓個大廚，每次嚟都俾佢煮嘢食嘅技巧震驚，哈哈