B.O.T.H. by Texas burger – 漢堡餐廳

搵到依間環境靚又坐得舒服嘅餐廳🌿整體餐點都唔錯，好啱同朋友傾計聚餐～ 🍔香脆軟殼蟹芝士牛肉漢堡 $98 見到menu就想試Home-Made Burger，牛肉係較為紮實，有咬口嘅口感，肉味好香濃。軟殼蟹脆身，鮮味同肉香幾夾。包亦夠鬆軟。 🍟香脆薯條 +$25 炸到好金黃酥脆。 🍝溫泉蛋煙豬腩卡邦尼意大利麵 $108 意粉口感彈牙，煙豬腩幾香，鹹香味道適中，醬汁creamy不膩，幾好食 🥣加配餐湯（甘荀湯）及餐包 +$15 湯有薑碎好特別，配合桃碎小餐包。 🍗香脆雞翼 (3pcs) +$38 雞翼外皮香脆，肉質鮮嫩，調味剛好，好食。 ☕️Hot Hazelnut Latte +$16 味道好濃厚，香甜味幾出。 ☕️Hot Mocha +$16 口感好濃帶點微苦。 🥞日式宇治抹茶紅豆梳乎厘班戟（製作需時25mins以上） $118 班戟輕柔綿密，紅豆甜得好滋味，加上面層cream 幾香，帶些抹茶香，好滿足嘅收尾。

我哋一家成日都帶小朋友去荃灣廣場天台個戶外遊樂場玩，囡囡大放電之後就會肚餓，我地今次揀左呢間餐廳。 呢間餐廳夠晒開揚，有落地大玻璃，加上裝修夠chill，燈光柔和，坐得好舒服🤗 唔止漢堡出色🍔，豬肋骨肉同意粉🍝都好有水準，份量好大，整體服務好，職員主動落單，仲會細心問小朋友啲飲品要唔要少甜少冰，要唔要小朋友餐具，感覺好貼心👍👍，特別適合一家大細。 招牌原木煙燻美國豬肋骨肉 我最鐘意食ribs，煙燻味超香，豬肋骨啖啖肉，肉質嫩滑，唔會乾柴，連食肉好picky嘅小朋友都話好食。配菜有薯條同沙律，薯條炸得金黃香脆，沙律新鮮爽口，幫大家平衡返油膩感。 明太子忌廉雞肉意大利麵 呢個意粉一上枱已好吸引，香濃忌廉明太子份量好多又掛汁，意粉煮得啱啱好，又咬口，配搭雞肉，大滿足。 加埋芝士條（3條），拉絲效果一流，囡囡見到芝士都開心到不得了。 仲有餐湯，味道濃郁，飲完暖笠笠。 傳切煙烤芝士牛肉漢堡餐 美式食物真係零舍有份量漢堡用咗煙烤牛肉，肉味香濃，夾住溶化芝士，啖啖肉汁。包皮微脆，唔會太厚，配埋薯掛滿意粉性價比高。囡囡都分咗幾啖，話好味！ 每個set都有包飲品 埋單$543，三個人食到好飽，平均每人一百幾蚊，有齊主菜、配菜、飲品同甜品，性價比高。以荃灣區嚟講，呢個價錢食到咁高質素美式餐廳真係唔多。

❣️b.o.t.h. by Texas Burger (荃灣) 荃灣大壩街4-30號荃灣廣場L3樓337號舖☎️ 澳洲安格斯牛柳板腱牛扒$215 牛扒厚切大大份，咬落好Juicy🤤厚身多肉汁，真係有驚喜🤤大份到兩個細食嘅女仔食都可以～ 美式燒烤醬手撕豬肉薄餅$138 薄餅上面有滿滿嘅手撕豬肉，好足料👍🏻咬落啖啖肉，配美式燒烤醬同三色椒🫑，口感更加豐富

荃灣推薦慶祝生日餐廳🥰💗 原來環境唔錯，有唔少植物作裝飾影相靚！ 食物都好好食有驚喜！飲品好好飲 另外特別推介Pizza意粉🤤 餐廳員工都好Nice🫶🏻特別係呀Ching🏻 會主動問我哋有咩需要💛

BB聚會想找個地方都難，book左呢間可以4大4細咁出。我地都係第一次。爆忙又要食好味嘅野就唯有咁。 有位叫Ching同事好熱心安排好位置同set好4大張BB櫈。bb車有安排好存放位置。得閒就會過嚟同bb玩。bb同佢都好多互動🤩估唔到呢一餐都常算輕鬆舒服。有機會可以再嚟❤️