ASOK THAI Garden-荃灣美食 荃灣泰國菜 荃灣泰式料理 荃灣泰式餐廳 荃灣打卡餐廳 – 泰國餐廳

近期大熱既猛男專人為你服務💪🏻 全場不論男 / 女都好Enjoy，氣氛超好🥳 猛男們會餵食🥄 • 影相合照📸，咁基本梗係唔夠啦🤭 . 最新🆕仲有王牌服務💪🏻Triple Time 👸🏻公主抱起 ＆ 公主抬轎👸🏻 ✨惠顧Strong Man Lift 猛男特飲($188/杯)，可享猛男 Waiter 親身調酒🍹 & 公主抱起👸🏻 ✨惠顧全場請飲($488/Round)之客人，可享有👸🏻公主抬轎🪑 . 💁🏻‍♀️生猛餐牌是日推介 • 肌尾酒侍飲 • 肌榨青檸汁 • 猛男賀壽，同時繼續進行中🫢 . ▪豬肉生菜包 ($108) 依個一定要嗌。因為會由猛男Waiter親自為你"肌榨青檸汁"🍋‍🟩 . ▪芒果糯米飯甜筒 ($68) 可以係食過擺得最靚既一個芒果糯米飯🤩 甜甜既椰奶🥥淋上煙煙韌韌糯米飯面🍚 • 清甜芒果🥭，甜筒入面仲有球椰子雪糕

好友生日，想給她一個驚喜。收到風知道這間泰國餐廳有猛男侍應活動，梗係唔好錯過！ 食物本身已經很不錯，我們點了： 🔸泰式生蝦刺身：蝦肉緊緻而富有彈性，搭配泰國醬汁，鮮美中帶著一絲檸檬的清香，讓人回味無窮。 🔸豬肉生菜包:猛男侍應會親自幫你包，豬肉的鮮嫩與生菜的清爽完美結合，再加上特製的醬料，正。 🔸蒜香班蘭烤羊架:羊架烤得火候恰到好處，肉質鮮嫩，蒜香和班蘭的香氣交織，讓人食慾大增。 🔸冬蔭功大頭蝦湯：酸辣開胃，蝦肉鮮嫩，草菇清爽，湯汁濃鬱，是這一餐的點睛之筆。 最後的芒果糯米飯，用倒轉的雪糕筒作擺盤，非常吸睛，打卡一流！ 飲品亦非常有特色，點了一個火焰Cocktail「Bangkok」，猛男更可以有餵飲服務，充滿玩味。

成日經過荃新天地都見呢間餐廳好多人等位，想試好耐了，由門口到餐廳室內，每一處都係打卡位🔥座位闊落，整個環境好Chill，好有度假感；而且食物高質，值得回訪！ 推介必試！ 💖香脆又開胃嘅前菜：青檸吞拿魚北海道帶子鍋巴 💖冬蔭功大頭蝦意粉，蝦好大隻，超多蝦膏 💖生薑蟹肉芫茜青醬意大利飯，芫荽控必叫 Thai Green Milk Tea 泰式奶茶加抹茶🍵，口感順滑幾好飲，記得攪勻先飲～ Mango Mule Mocktail 一杯好清爽嘅Mocktail，由熟成芒果、橙汁同薑啤調製，果香十足，so fresh

最近上網，成日都見到好多朋友介紹呢間泰國餐廳好正宗。本身一直都好想過嚟試吓，但係一直都冇機會。咁啱見到原來呢度仲有特色嘅強壯侍應，只要日子嚟到，就會有好大隻嘅男侍應幫你服務啦。 首先我哋叫咗個生蝦刺身，估唔到咁大隻，而且食落好新鮮。一上枱就見到佢嘅賣相好靚，而且真係好新鮮，唔使點汁已經好好食。 大隻侍應介紹，呢度嘅生菜包係有樓侍應幫我哋揸檸檬汁，咁就一於試吓啦。佢嘅生菜包好大份，一上枱就有好大隻嘅侍應幫我哋拎上枱。而且佢仲會幫我哋揸檸檬汁，同埋佢哋仲會除衫去幫你服務，真係好特別啊。 另外我哋仲叫咗個無骨燒雞，雖然呢個冇猛男侍應服務，但係都真係好大隻。而且食落嘅雞肉好嫩滑，同埋雞皮好脆，外脆內嫩真係好好食。 另外我哋仲叫咗幾杯Cocktail，一上枱佢仲會問你哋需唔需要餵飲酒嘅服務，我有個男仔朋友，接受咗俾佢哋餵嘅服務，真係好開心呀。我覺得呢間餐廳好適合一大班朋友嚟玩，可以俾佢地餵飲酒，或者一齊影吓相。 最後甜品嘅芒果糯米飯都好靚，佢係用一個甜筒反轉咁serve，而芒果同糯米都好新鮮，好適合影相，真係好適合大家嚟拍拖或者一大班朋友聚會。 呢間餐廳除咗好有特色之外，而且所有職員嘅服務態度都好好，真係好適合大家嚟聚會啊。同埋佢嘅價錢都好平，唔多同泰國餐廳嘅價錢差唔多，非常推薦大家嚟試吓。呢間餐廳又抵食又平，下次都一定會再嚟啊。

- 經過荃新天地，就被呢間文青度假風裝潢嘅泰菜餐廳吸引左🤩純白小屋嘅門面，沿石春路步入餐廳，映入眼簾嘅係各式各樣籐製吊燈、木製枱椅、掛牆裝飾，到處都係打卡位🛖 🦐泰式生蝦刺身 $98 生蝦肉質爽口彈牙，泰式辣汁比其他餐廳稍辣，香茅味亦偏重，開胃之選 🌶金不換辣椒糕炒蜆 $158 餐廳選用大蜆，不但乾淨無沙，而且非常新鮮。既有九層塔香味，同時亦有蜆肉本身嘅鮮味。辣度屬於微辣，唔太食得辣嘅朋友都可以一試👍🏻 🦀泰北蟹肉金湯烏龍麵 $158 湯底為咖哩湯，辣度同樣比較友善，除左咖哩香料味道之外，亦帶輕微甜味。烏龍麵即烏冬，質感軟滑。加上大量蟹肉、脆麵、咸酸菜等，口感、味道層次都好豐富🤩 🖤烤虎蝦黑松露蟹肉炒飯 $168 一上枱已經聞到好香嘅黑松露味啦🖤有兩隻大虎蝦，口感爽脆結實。蟹肉份量頗多，炒飯有鑊氣。 🥭芒果糯米飯甜筒 $68 大大個雪糕筒倒放係甜品上，適合打卡📸軟糯嘅糯米飯淋上椰漿，配搭完熟香甜多汁嘅芒果粒，再加上香濃椰子味雪糕。整體唔會太甜，配搭仲可以突顯唔同食材嘅香味 🥥Pattaya $98 基酒為Tequila，主調為椰奶，亦有淡淡青檸味，口感偏厚身。杯邊灑上爆炸糖，另外亦附上多一包爆炸糖同蝶豆花茶。倒入蝶豆花茶後，整杯酒變成藍白漸變色，真係好靚💙一邊食爆炸糖一邊飲酒，估唔到味道特別之餘又幾夾。由於酒底本身唔算太甜，所以同爆炸糖一齊飲嘅甜度恰到好處🥰 🍍Pineapple and Passionfruit cider $68 香甜菠蘿、熱情果味，同時亦有濃郁薄荷味，整體口感冰涼味道清爽，好適合夏天消暑解渴。 ASOK THAI GARDEN 荃灣楊屋道1號荃新天地UG樓UG37號舖 #hkpiggy_東南亞菜 #hkpiggy_cafe #hkpiggy_荃灣 #hkig #hkfoodie #hkfood #hkgirl #foodie #foodblogger #hkfoodblooger #hkfoodlover #hkshop #hongkong #852  #food #hktravel #拍拖好去處 #香港美食 #香港好去處 #cafe #cocktail #泰式料理 #泰國餐廳  #泰菜 #泰國菜 #打卡 #打卡餐廳 #荃灣 #荃灣美食 #荃灣餐廳