ARTISTA PERFETTO (銅鑼灣) – 咖啡店

開鋪初期已經有意到訪，但鋪面唔大就打消左念頭，琴日食完飯啡癮起，就提議去呢間碰碰運氣。一入去店員就親切介紹各種咖啡，店內free seating，室外有一張長凳，亦可以選擇立飲，見隔離位帶左主子黎先知佢pet-friendly。 🍽Dirty ($40) 黎到有好靚嘅漸層，奶夠凍所以融合得比較慢，有足夠時間先品嚐醇厚溫熱嘅咖啡，再慢慢過渡到香甜微冰嘅奶，咖啡味道濃郁澀味偏重。我想要oat milk店員仲話免費轉畀我，感謝。 🍽Flat White ($38) 朋友點嘅Flat white拉花非常有心思，佢唔好太fruity嘅咖啡所以覺得house blend幾啱佢心水。 🍽Basque Burnt Cheese Cake ($58) 同場加映週末供應嘅Hemma cheese cake，之前都介紹過，原味有雲尼拿籽，蛋糕中間夠流心，外層夠實淨，推薦畀朋友後佢都大讚好食。

週末來到霎西街的一個小角落 門面以黑白為主調的artista preffoto 店面比想像中小 然後人比想像中多 擠滿整個店面 幸好還設有室外座位⁣ ⚠️芝士蛋糕係星期六日先有架 ▪️Matcha burnt cheesecake $48 芝士蛋糕質地幼滑 芝士味濃郁 帶淡淡抹茶甘香 感覺上抹茶只擔當配角 焦香味唔太突岀 整體甜而不膩 但無想像中咁驚艷 ▪️Peanut butter chocolate cookie sandwich $38 曲奇夾有花生醬同朱古力醬 兩者互不搶分頭 曲奇鬆軟 外層帶點脆度 入口即溶 仲可以浸落咖啡到再食 味道唔錯 但小小一塊 索價三十八大元 食完有小小肉赤 ▪️Cappuccino $38 咖啡味道突岀 尚算香濃 入口順滑

明明係晴天去到竟然落雨 不過可以飲到好飲嘅咖啡都值得 呢間收藏佐好耐終於有時間來 見到呢間店感覺好似去咗台灣d咖啡店 帶出去果種假日果種好輕鬆嘅感覺 特別鐘意佢地店外兩張櫈仔，坐喺度飲咖啡真係好正好休閒 鋪頭面積好細，不過設計幾好，有兩張枱 其餘係座位，但都坐得幾舒服 咖啡餐牌都好簡單只寫佐black&white 我叫一杯flat white ,真係無令我失望 咖啡香濃，奶泡綿密，非常順滑 未至非常驚訝，但係近排係我飲過覺得水準唔錯嘅一杯，咖啡個濃度，相信係大眾都可以接受，我自己覺得剛剛好 仲有蛋糕食阿🤓不過我上次太飽無食到 留返下次去食🥰

ESP lime tonic 最適合夏天又焗又曬既天氣,用飲管一吸,先吸起陣陣炭酸既清爽又令人精神為之一振既刺激,慢慢淡出既係青檸清新既檸檬酸,最後帶出咖啡既香醇,濃厚感. Iced blackccino 另一款適合夏天既選擇.無任何牛奶成份既黑咖啡打入空氣,令咖啡帶出淡啡色既奶感.除住時間逝去,可以見證空氣泡沫昇起既層次感.咖啡飲落卻帶出啤酒泡沫既口感,入口卻相當細滑,而咖啡底帶陣陣花香味道.整體相當驚艷.

朋友介紹，特登到訪位於霎西街的【Artista Perfetto】，發現原來它是從台北回流的咖啡店，以咖啡拉花聞名，有點意想不到呢！有一種刻意尋找好咖啡店的感覺，外牆風格簡約，内裏裝修以黑白爲主調，型格中帶點個性。 【Artista Perfetto】咖啡種類不算好多，除左常見的Black/ White，還有一些較特別的「1+1」/ Cascara Sparkle/ Dirty等。 《White $38》 揀左重花香果口味，外賣杯的咖啡拉花依然不錯，Latte奶泡細滑，入口伴隨著淡雅花香的清新口感，飲起上黎有種好舒服的感覺，自己一個靜靜地享受咖啡15分鐘。