Artco • 33 – 西餐廳

無嚟一排，差咗好多，請埋啲廣東話都講唔正嘅人，佢講乜我都聽唔明，叫咗個商務套餐，西冷扒3成熟（我叫咁生因為預咗多數煎太熟變5成），落完單返嚟同我講最生得5成，點知上枱係7成，同個侍應叫佢同廚師反映返，佢淨係點頭就行咗去，唔好意思都無句，之後無再有回應，可能你話$128/個餐想點？但我覺得有啲$78都好食過佢，可能無收加一就係會咁樣，總好過咁都收加一嘅，起碼最後收錢都有講返句「多謝」啦，唔係間間都會講㗎啦

叫咗午餐G，雅高什扒餐$78 侍應生態度臭串，因為我有食物過敏性，問佢香腸辣唔辣， 竟然回答你可以唔食，咪得囉！ 請埋啲咁嘅員工，唔怪之得午市冇乜客人！

20/10/2024 一早book好位 雖然餐廳都唔係好多人 勝在可以聚耐少少 傾吓偈☺️ 之前都嚟過食 味道不過不失 所以再戰 今次都唔錯 尤其意大利飯 不過湯就略嫌鹹咗啲

今日路過見門口餐牌有熱香餅茶餐，猶豫要唔要進來光顧，店內職員馬上出來有禮貌招呼。進店發現顧客有兩枱，餐廳正播放柔和音樂。 點了熱香餅茶餐，原來有三種醬。感覺良好。

1) G餐 挪威三文魚黑松露炒蛋, 香腸, 煙肉 茄汁豆, 薯蓉, 田園沙律, 牛角酥 $52 凍檸茶走甜 +$3 ; Total $55 睇menu睇到好頭痛, set G 個名長到我阿媽都唔認得, 總括黎講都算抵食, 一試無訪 首先就講咗佢嘅挪威三文魚黑松露炒蛋, 早餐有將三文魚包起個炒蛋到已經夠哂特別, 不過可能炒蛋入面嘅料同埋炒蛋冇完全融合, 出奇意料仲有火腿, 不過完全失去油份嘅增香作用, 而且食落去果一刻有少少凍咗, 雖然冇表明喺炒滑蛋, 不過炒蛋可以整到咁失色 (質感) 我就覺得一定要扣分, 整體感覺一般 佢哋腸仔分分鐘係我食過最難食嘅腸仔, 只不過係未燒燶嘅腸仔好食少少, 我就覺得唔夠彈性 我覺得佢嘅煙肉做得唔錯, 起碼唔會硬到咬唔開 薯蓉真係做得幾好, 不過咁大份嘅set 食到最後真係略嫌有少少滯, 都有好豐富嘅牛油香味, 落到少少黑胡椒更加多元化並會增加口感 牛角酥都做得ok, 食到最後先享受到咁好食嘅嘢, 擺到凍左都影響左整體風味 好彩野飲係傑出之作, 好豐富嘅紅茶味, 冰夠多 整體第一次而言我唔相信成間餐廳既野食可以做得咁差, 所以我都係義無反顧地決定再去食多一次去決定佢嘅個人實力, 第一次評分3.5粒星 我真係覺得如果marking再嚴多少少就已經可以俾一個唔係太好嘅評價 2) 野菌忌廉鮮蝦意粉 $60 + 熱鮮奶咖啡 +$7 Total: $67 如果喺荃灣食個午餐黎講都算比較貴 不過今次嘅抵食程度終於有大量嘅進步 首先佢份量都唔算細, 如果係女仔既話就可以兩個一齊食, Main Dish 整體味道都算唔錯, 五隻鮮蝦夠曬新鮮唔會冇食物應有嘅味道, 鮮甜爽脆, 不過我就覺得佢嘅野菌同埋洋蔥可以再多少少, 因為洋蔥整得好香唔該好生好辣, 佢嘅野菌就可以再多少少唔同既形狀增加口感, 同cream都好match, 不過食左半份就已經有少少滯, 所以如果真係唔想食咁重口味就建議揀其他菜式, 佢嘅意粉口感輕鬆做到 Al Dente, 所以其實都幾掛汁, 佢嘅汁夠曬多, 可以包裹每一條意粉, 整體6粒星真係推薦, 甚至已經超越滿分 佢杯鮮奶咖啡味道正常, 不過我就覺得佢嘅鮮奶唔喺落得特別多, 令到成杯野嘅味道偏向於甘苦, 未算太啱我口味, 不過叫做可以接受, 只係需要加七蚊就可以轉到熱持飲, 4粒星左右 兩次等餐嘅時間都係8分鐘左右, 食物上抬嘅速度算係普通, 我就覺得佢好食程度可以接受等耐少少, 佢嘅意粉真係食到我finger nicking good, 整體黎講餐廳設計有精心佈置唔會馬馬虎虎, 如果我有錢既話我下一次會試下晚餐