arbor – 日本餐廳

今日去咗食北歐菜，平時成日聽啲Foodie講，北歐菜主張新鮮天然嘅食材同煮法，終於有機會試吓！ Arbor係米芝蓮二星餐廳，環境好好，食物亦好好，成個氛圍好適合浪漫嘅晚餐或者慶祝活動！ 我哋今晚食咗六道菜嘅Menu，確實有驚喜👍 第一道菜係海膽配枝豆，好似藝術品咁靚，味道好清新，底層仲隱藏咗啲wasabi醬汁，係一個好開胃嘅菜式。 之後係牡丹蝦刺身，自家製蕃茄素麵 ，醬汁係味道豐富好有層次嘅昆布鰹魚汁，味道清淡得來有鮮味。 鰻魚菜式好有驚喜，海苔薄餅包住燒得香脆嘅炭燒鰻魚同山藥，仲有啲酸酸地嘅醃製青瓜，味道特別，好好食！ natto sourdough喺呢度嘅招牌麵包，酸種麵包外脆內軟，配埋自家製好香嘅牛油，我又有啲焦糖嘅香味，仲有啲納豆碎，唔經唔覺我哋清晒啲牛油🤭 見到Menu有青口，仲以為係一個冷海鮮嘅菜式，點知完全唔係我哋想像咁樣 肥美飽滿嘅青口浸咗喺泡沫入面，配搭埋法國薯仔，味道鮮甜。 主菜一份揀咗雞，一份揀咗魚。雞肉肉質好嫩滑，配咗啲黑松露醬味道好濃郁。伴碟有菇菌打成嘅mousse，同埋一粒雞肉波波，咪睇佢細細碟其實都幾飽。 香煎澳洲鱈魚魚柳賣相都好好，肉質非常嫩，醬汁味道清新，係一個比較輕盈嘅主菜選擇。 甜品係時令嘅和歌山桃，配埋sorbet同埋酸酸甜甜嘅醬汁，清新好味。 整個晚餐體驗都好好，每道菜式都整到藝術品咁好睇，下次要再嚟食飯。

紀念日book咗主打北歐料理米芝蓮二星餐廳arbor 。主廚以日本食材同自然元素創作料理。水準婫美丹麥三星餐廳Noma 👍🏻舒適北歐優雅裝修風格 搭配中環美境 好enjoy. ❣️ sea bream 鯛魚刺身加熟海膽 好鮮味 搭配清甜法國青豆 、魚汁啫喱，醋 魚骨醬汁 青柚子皮點綴 囗感好清新 ebi 牡丹蝦刺身，配自家製蕃茄素麵 ，三款唔同昆布 搭配昆布鰹魚汁醋製成醬汁 十分清爽 eel 海苔薄餅 包柚子胡椒牛油果醬 山藥 醃青瓜 炭燒鰻魚 食法好特別 整個配搭出奇地夾 鰻魚燒得好香脆 natto sourdough 烤到微暖嘅酸種麵包 外脆內軟 加上香滑嘅牛油 有陣陣焦香味道 Mussel 泡沫 法國薯仔 搭配廣島青口 。廣島青口非常之軟淋又鮮甜 幾特別 -主菜- Chicken 肉質軟滑嘅慢煮本地雞胸肉 再煎香 配上菇菌 淋上雞骨熬製雞汁，松露醬 同爽甜野生蘆筍 。 Murray cod 香煎澳洲鱈魚魚柳 搭配法國雅枝竹 淋上微酸魚骨雅枝竹醬汁 另配紅蘿蔔cream ，柚子風味橄欖醬 好有層次。 甜品 -Melon & loquar- 法國哈密瓜雪巴 配日本琵琶 加白酒啫哩 蝴蝶形蜜糖餅乾 再有自製雲呢拿籽棉花糖 淋上接骨木花cream sauce .十分平衡嘅酸酸甜甜配搭 🫐Blueberry 脆軟帶煙韌感嘅燕麥藍莓批 有微微肉桂香 配香滑藍莓雲呢拿忌廉。再有一杯藍莓汁 非常完美

今個月揀左間呢間米芝蓮二星同朋友慶祝✨粉橙色圓拱門加柔和燈光，環境已經好浪漫❤️‍🔥餐廳主打創新北歐菜～帶點日本自然元素 ▪️sakura 呢味菜就好似一幅藝術品咁，好有春櫻氣息🌸真鯛魚刺身用酒浸過，上面放上甜蝦醬蓉，配搭炸過嘅櫻花葉，帶點甜脆口感。最特別係連櫻花樹枝都食得，上面用左鹽漬櫻花整成，係春天嘅時候食，超有心思 ▪️eel 大廚用上日式最中餅概念，夾住鰻魚、鹽漬青瓜 同醋米飯，配搭幾fresh ▪️hokkigai 日本北寄貝加上日本蘿蔔，配搭butter lemon sauce，味道鮮甜得黎又個汁好開胃 ▪️abalone 南非鮑魚慢煮10個鐘，柔軟入味。個人幾喜歡佢自家製嘅綠茶麵底，配上鮑魚干醬同鮑魚汁泡沫，口感豐富綿密 ▪️murray cod 用上澳洲鱈魚，上面放上煙燻魚籽。醬汁係用白味增整成，濃郁又帶到魚嘅鮮味，魚肉雪白嫩滑，外層金黃香脆，好味🤤 ▪️blood orange 血橙加上果醬同洛神花果凍，甜甜酸酸，香氣十足，食完main dish食佢十分解膩 ▪️blueberry 藍莓撻外層幾脆，仲有大廚特製藍莓汁，甜度適中，為呢餐畫上完美句號～

米芝蓮二星餐廳，主打創新北歐料理（料理已達三星水準）。有朋友食過讚不絕口，終於有機會一試。 餐廳環境非常舒適有格調，多採用落地玻璃，採光度高，景觀一流。 服務態度亦非常好，會為每一道菜作介紹。 食物方面，主廚善於揉合新鮮日本食材及自然元素作靈感，賣相亦非常精緻。 個人特別喜歡南非鮮鮑魚。以昆布溫泉水慢煮12小時，配上乾紫菜粉及鮑魚肝醬，底層係自家製綠茶拉麵，味道富有層次感； 主菜法國乳鴿亦非常出色，鴿肉軟嫩，面頭加上香濃焦糖化沖繩黑糖。另可配搭不同醬汁，如黑糖焦化洋蔥醬、馬山椒、北歐莓果等。 最後以洛神花啫喱及血橙雪芭作甜品，十分滿足。

今天我和朋友們在一家米芝蓮二星餐廳——**Arbor**，享受了一頓難忘的晚餐。Arbor 以創新的北歐料理聞名，讓人聯想起來自丹麥的米芝蓮三星餐 **Noma**。 餐廳環境優雅，充滿歐洲風情，還能欣賞到中環的壯麗夜景。搭配美酒佳餚，這樣的氛圍實在令人心曠神怡。 更設有獨立房間，非常細心體貼。 北歐料理引領全球美食潮流，主張使用新鮮天然的食材，展現大自然的魅力。我們的主廚兼創辦人是來自芬蘭，他的作品完美融合了日本食材與自然元素，展現出芬蘭文化的深厚底蘊。 晚餐套餐 首先上桌的是**海苔麵包**，搭配特製牛油，牛油上輕輕撒上一點鹽，讓麵包和牛油的風味更為突出。隨之而來的是一朵可食用的花，色香味俱全，花瓣酸酸甜甜，樹枝則如脆餅乾般，口感層次豐富。 精緻主菜 接著是**白蘆筍配魚刺身**，刺身新鮮，伴隨白色酸乳酪醬，讓人驚喜。特製的**櫻花葉**，經特殊烹製，包裹著薄薄的糖，咬下去脆口，鹹甜交織，清新無比。 **炭燒鱔魚夾餅**，外脆內軟，內裡有甜蜜的啫喱和Wasabi的微辣，秋葵片，口感極為豐富。 廚師還特別送上菜單外的驚喜—— *牡丹蝦刺身**配甜水果蕃茄，鮮味十足，蕃茄又甜又爽脆，配上昆布湯底，開胃無比。 **北寄貝**的做法獨特，底層醬料以檸檬清酒煮製，搭配蘿蔔和百合花，鮮味四溢，令人難忘。 **南非鮑魚麵**則是慢煮至入味，夠腍，而且保持鮑魚嘅鮮味，搭配綠茶麵條和昆布湯底，要混合攪拌食用，更令味道突出，綠茶麵條口感煙靭，鮑魚的海鮮風味令人陶醉。 **法國鵪鶉**肉質鮮嫩，煮得剛剛好，保持肉質嘅味道，配上特製的幾個醬汁，有日本有馬山椒細醬，莓醬， 黑蒜醬蓉。搭配多種醬汁選擇，讓人一試難忘。 旁邊的椰菜苗包裹著鵪鶉的內臟，濃郁可口，讓人驚喜。 甜品的驚艷 甜品部分更是精彩絕倫。 **日本血橙** 甜品以日本血橙為主題，有日本血橙雪葩，洛神花雪片，搭配蜂蜜慕絲，日本血橙果肉片塊，口感香甜，獨特風味。 **藍莓鬆餅** 外脆內軟，搭配秘製藍莓果醬，酸甜適中，令人陶醉。 最後是細緻令人難忘的**藍莓果汁**，藍莓以蒸餾法提取藍莓汁，再混合烹調榨取特製檸檬汁，味道清新，令人放鬆，宛如享受了一次SPA,令人回味，飲一口就愛上了❤️❤️ Arbor的每一道菜都是藝術品，展現了北歐料理的精髓，讓人回味無窮。這次的用餐，真是賞心樂事。