2 + 2 Cafe & Bar – 自助餐餐廳

非常適合朋友聚會！我們4人聚會，環境氣氛好，食物非常美味，服務很貼心，特別推介以下這些食物，全都會想再來吃。 - Seafood Platter - 松葉蟹肉甘蝦海膽配牛油果 - 牛仔膝肉燴手製意大利寬條麵配燒牛骨髓 - 龍蝦干邑濃湯 (有半隻新鮮龍蝦喺裡面！） - 黑松露泡沫野菌湯 - 澳洲M6和牛斧頭扒 - 招牌烤原隻蒜香81日大有機玉米雞 - Tiramisu Truffle - Hazelnut Semifreddo - 朱古力心太軟

沙田帝都酒店全新餐廳「2+2 cafe & bar」，餐廳主打歐陸菜式，裝潢簡約以木系為主。整體餐廳環境及食物質素唔錯，同朋友聚會又想食野，呢度都唔錯。 海鮮拼盤 拼盤幾豐富，海鮮亦新鮮，分別有波士頓龍蝦、生蠔、南非鮑魚、北海道帶子、虎蝦。同時有6款醬汁配搭。 西班牙黑毛豬煙腿配日本赤肉蜜瓜 24個月嘅黑毛豬滿滿油脂香氣，配搭蜜瓜及無花果都好食。👍 鮮番茄松葉蟹櫻花蝦方形意大利麵 手工意大利麵非常彈牙，加入櫻花蝦令味道多份層次，蕃茄醬甜甜酸酸好開胃。 火焰龍蝦干邑濃湯 上菜前會倒上煮熱嘅干邑燒龍蝦，龍蝦湯味道非常濃郁。 鹿兒島A4厚燒和牛肉眼配烤虎蝦 和牛煎得好靚，油脂感幾強烈，配菜嘅小蕃茄好甜好juicy。 意大利咖啡芝士朱古力 Tiramisu有啲驚喜，底層手指餅滿滿咖啡香氣，質感幾濕潤，配上香滑意式軟芝士，好味喎。

餐廳環境寬敞，採用原木同柔和中性色調嘅簡約設計，令人一種溫暖舒適嘅感覺，食物質素同打卡度同樣高，同知己好友相聚或者節日慶祝，都係一個唔錯嘅選擇❤️

成日覺得要喺沙田區搵食，來來去去都離唔開新城市廣場。今晚同個沙田街坊朋友食飯，佢就介紹啱啱轉型嘅 2+2 Cafe & Bar。 呢間以前係做自助餐，原來最近帝都酒店全面翻新，2+2 Cafe & Bar 都全面革新餐牌，將摩登元素融入於歐陸菜式之中，今晚都食咗幾多特式菜。 一開始叫兩杯cocktail試下先，包括有 "2+2 Signature" 同 "Gulfstream"，前者有Bombay Sapphire Dry Gin, Campari, St Germen Elderflower Liqueur, Sparkling Wine，而後者就有Wodka Vodka, Grème de Peach, Pineapple Juice, Grapefruit Juice, Blue Curacao，兩款都好啱夏天飲。 食物方面，首先嚟個海鮮拼盤，內容都幾豐富，有波士頓龍蝦、生蠔、南非鮑魚、北海道帶子、虎蝦，仲有唔同嘅醬汁，包括鮮辣根汁、辣根茄汁、青檸欖油、泰式酸辣汁、香辣蛋黃醬、南美香辣醋青醬，不過價錢都唔算好平。 跟住我哋繼續食得豪少少，叫個火焰龍蝦干邑濃湯，每碗湯配1/2隻新鮮龍蝦，加上個湯底嘅濃濃干邑香味，印象深刻。 友人叫黑松露泡沫野菌湯其實都唔錯，菇菌嘅豐郁配上忌廉嘅香滑，好似cappuccino咁。 跟住我哋叫咗份鮮番茄松葉蟹櫻花蝦方形意大利麵，特別欣賞呢度嘅pasta應該係自家製，口感彈牙，份量好大碟。 友人知道我最鍾意食魚，特別為我安排火焰海鹽焗原條海鱸魚，好似泰國餐廳食到個種做法，全條魚用粗鹽覆蓋，好入味。 另一個main course我哋叫咗鹿兒島A4厚燒和牛肉眼配烤虎蝦，塊和牛扒真係唔講得笑，好厚切，入口啖啖油香，不過食完成塊係會覺得有啲油膩。 係時候食甜品，我覺得呢度嘅甜品算係幾出色，分別係榛子軟糕、心太軟配雲尼拿雪糕，同埋Tiramisu Truffle，我個人最鍾意食朱古力，所以最欣賞心太軟。 今餐充滿驚喜，可以推薦俾其他落沙田搵食嘅朋友仔。

🍴海鮮拼盤 有齊波士頓龍蝦🦞、生蠔、南非鮑魚、北海道帶子和虎蝦🦐等多種海鮮。#生蠔 大大隻，肉質飽滿、海水味濃，鮮甜順滑 #波士頓龍蝦 以魚湯煮熟再冰鎮，難怪味道鮮甜肉質爽彈。#南非鮑魚 肉厚嚼勁十足，以85度低溫慢煮，味道鮮甜，口感煙韌。#北海道帶子 、#虎蝦 都肉嫩鮮甜。 澳洲M6和牛斧頭扒 斧頭扒重1.2Kg份量十足，以燒烤至微焦，炭火香氣襯托下肉香四溢，令人垂涎。 烤原隻蒜香有機玉米雞 加蒜頭和秘製香料醃製再烤焗，外皮香脆，肉質嫩滑入味，一啲都唔會鞋口，亦比較瘦較健康唔油膩。 龍蝦干邑濃湯 濃稠適中，除了用新鮮龍蝦熬煮，更加入魚湯、蝦頭等提升鮮味。 黑松露泡沫野菌湯 野菌香味濃郁，泡沫細緻綿滑，帶有菇菌幼粒增加口感。 意大利咖啡芝士朱古力 太空星球造型甜品，上菜時先有迷人煙霧效果💨，打卡一流。底部是傳統tiramisu ，頂層是一顆顆可愛的朱古力tiramisu球，很有創意又精緻。