麵屋飛丸 – 拉麵店

雞白湯濃鬱嫩滑,鰹節湯香、清、甜,加上小食熱哄哄的餃子和飲品，只需120元。cp值極高，但座位只有13個較少,如果不想等位就要早些到

🍽 餐廳：麺屋飛丸 (元朗) 📍地址：元朗教育路87-99號鴻發大樓地下C號舖 有foodie介紹，都見網上評價幾好，所以今日帶埋阿媽黎麵屋飛丸食下佢個拉麵。 2:00前去到見到幾位學生食緊，座位唔多都係5-6張枱左右，我哋呢個平日時間唔駛排隊直入。 $90一個拉麵正常價錢，雞白湯拉麵係主打，我叫鹽味雞白湯拉麵，阿媽叫醬油雞白湯拉麵，麵既硬度可以揀軟/適中/硬，我揀軟麵，又真係軟身啲岩我。 個麵黎到唔係熱辣辣，但份量的確幾夠，👍🏼鹽味同醬油雞白湯底都各有特色，有雞味，我鐘意淡d所以喜歡鹽味多啲，鐘意濃味既人可以揀醬油。 入面粒雞肉丸幾好食，有啲雞軟骨響入面爽爽脆脆咁，粒味玉蛋因為我大肚所以冇食，冇得評價，我媽話ok。 雞胸肉同豬肩肉只係室溫既溫度，我冇追問店家係咪專登要整室溫，我覺得唔夠熱，因為係慢煮出黎既肉，好滑唔鞋，但略欠肉的香味，一般般，我鐘意煎香既肉同埋熱d。 加小食送野飲，我哋加左大阪風唐揚餃子，入面個餡有粟米🌽同似係雞軟骨丸既餡，幾特別喎，上面鋪滿木魚同沙律醬，好大粒餃子，幾好食。 蟹子沙律我媽食既，我見佢食到爽爽聲，同埋好大碗好多蟹籽，應該都正常發揮👍🏼。 野飲因為鋪頭冇位沖，所以只有汽水或者支裝雀巢檸檬茶或波子汽水飲。 ❤️如果d肉熱返d,同埋豬肩肉有煎香既話我會再黎食過，因為個湯底同麵質係幾好食。

無意中發現左元朗一間意想不到既高質拉麵小店，系外面睇平平無奇，估吾到味道同拉麵質素幾高！ 雞白湯鹽味拉麵 $90 雞白湯味道夠濃，鹽味吾會過咸，無搶左雞湯味。個人覺得呢間既拉麵幾多料，平時多數只有1-2片肉，呢度有豬肩肉叉燒、慢煮雞胸、雞肉丸、溏心蛋各一件，溏心蛋好入味，好好食！拉麵揀左適中，食落去吸收哂雞白湯精華，每條麵都好入味。 鰹節鹽味清湯 $90 鰹魚湯底會比雞白湯味道清一啲，揀左鹽味，個人覺得食到最後會比較咸，配料差唔多，只系一碗用紫菜，呢碗用木魚花。 唐揚炸雞 $28 炸雞有4件，夠脆，肉質夠嫩滑juicy。 大阪風唐揚餃子 $32 用大阪燒既醬汁，放系煎餃子上，餃子加左醬汁外皮仍然脆身，粟米豬肉餡，個人覺得幾好食。 牛肉薯餅 $28 牛肉薯餅炸得夠脆，入面個餡好creamy，仲食到有洋蔥碎。 拉麵跟小食會送罐裝汽水。

友人查看這間拉麵店有點名聲 我也未吃過 於是大家一起試試吧 湯底分兩種：雞白湯、鰹節清湯 我記得開店初以雞白湯為主打 有想要重口味 所以我選了黑蒜油雞白湯（$93） 黑蒜油份量十足，所以很香口 早預料到這樣雞白湯味道會不太濃 但原來連雞湯的香氣也殺掉了 跟之前在同區另一間（可惜已結業）吃過的雞白湯比較 有點比下去 麵質我選了適中 如果吃慣硬身的可能會覺得有一點點軟 配料豬肩肉叉燒和慢煮雞胸還好 雞肉丸因有軟骨碎所以口感不錯 味玉流心合格有餘 如想吃原汁原味 應要嘗試鹽味雞白湯（$90） 他就點了 我希望為湯底平反所以喝了一口 但對不起 這個品質對不起價錢 雞的味道和香氣也不太足夠 而麵質他同樣選了適中 他也覺得太軟，認為要選硬 一碗拉麵加配一款小食，即送飲品一罐 所以我們點了小食 羽根餃子（$30） 煎得香脆，蘸上醋一起吃，香而不膩 吉列炸蠔（$28） 外皮香脆，蠔肉新鮮 南蠻炸雞（$28） 同樣外皮香脆，醬汁開胃 總結：我明白為什麼一直都沒惠顧這間 因為以前同區有另一間日本白雞湯拉麵 那一間令我很滿足，所以不想試新東西 今次的經驗證明了之前不來這裡是對的

CP 值都高、味道👍嘅拉麵🍜 🍜鹽味 雞白湯 拉麵 ❤ 雞白湯： ～睇見都知濃郁，入口順滑，味道有層次，又有鹹鮮味，唔會死鹹。味道同一般嘅拉麵店唔同。 ❤ 豬肩肉叉燒： ～大塊，有口感得嚟厚薄適中，肉質軟腍，有d叉燒嘅惹味，又有d炙燒烤味，唔肥，瘦得嚟唔會柴口。 ❤ 慢煮雞胸：肉質軟腍，平時少食雞胸肉都覺得好味。 ❤ 雞肉丸：口感幾特別，唔錯，唔係普通嗰啲丸類咁。 ❤ 玉味：調味剛剛好，蛋黃半熟狀態，蛋白滑嫩。 ❤ 竹筍：口感有d似菜浦，但好味好多。 ❤ 紫菜、洋蔥、青蔥：提升整體 fresh 口感，各樣都好脆口。 ❤ 拉麵：麵質係有d咬口，軟硬度揀左適中，口感剛剛好。 🍜柚子大蝦 帆立貝 冷湯麵 💜新出限定，估唔到 的好味！ 💜首先賣相 幾colorful，尤其是top 面晶瑩通透嘅柚子 jelly,，見到都想食。蝦同帆立貝都好大隻，肉質又唔錯。個湯底入口 鹹帶柚子酸，fresh 同個溫度 好適合依家夏天。 💜職員有溫馨提示，就噉飲個湯會比較鹹，而配冷麵一齊食真係啱啱好。 💚 綜合配料拼盤： ～好豐富，抵食，有豬肩肉叉燒、慢煮雞胸、雞肉丸 💚（加配小食） 🍤吉列炸蝦、🥔牛肉薯餅： ～吉列炸蝦 肉質 有口感，外面又脆口，唔會油膩，共有3件，可以話啖啖肉 ～而牛肉薯餅 好厚身，牛肉同薯蓉好夾 💚（加配小食，送罐裝汽水） 玉泉忌廉、雪碧：好夠凍 女職員好有禮貌、同埋主動用熱水淥隻碗才比我地👏 座位 有室內 同室外，同大風扇。