鮨樂 – 壽司店

日日係附近番工，今日中午行左去蘭桂坊附近，就試下鮨樂。呢間餐廳主要賣壽司同刺身，但我今日唔想食生冷嘢，所以就叫咗佢哋嘅安格斯西冷照燒定食。真係好正！安格斯牛肉煮得剛剛好，肉質鮮嫩，配上照燒醬味道唔會太鹹，恰到好處。 餐廳環境幾舒服，服務員都好有禮貌，令我感覺好放鬆。雖然今日我選擇咗熟食，但下次一定要試下佢哋嘅壽司同刺身。

中環高cp值omakase✨ 呢日誤打誤撞咁就嚟咗呢間壽司店食omakase, 以中環嘅omakase嚟講，呢度cp值真係好高，食得好滿足 餐廳有兩款omakase提供，兩款都有試～ 🔸 華ʜᴀɴᴀ ᴄᴏᴜʀsᴇ $680/pax +10% ✨前菜：汁煮三文魚 用咗酸酸甜甜嘅柚子醋去醃製八爪魚，八爪魚爽口彈牙，味道清新，非常開胃！ ✨蒸物：海膽三文魚子蟹肉蒸蛋 舖喺表面嘅海膽、三文魚子、蟹肉同冬菇片蒸完之後依然保持到鮮味，蒸蛋滑嫩，鮮味十足！而且賣相都好精美，除咗用靚靚嘅茶碗裝住蒸蛋，仲喺表面灑上咗金萡 ✨刺身2點：平目魚+牡丹蝦 刺身非常新鮮，食落鮮甜～ 平目魚上面灑上少許櫻花鹽，少少咸味反而起到提鮮嘅作用，令平目魚食落更鮮甜！ 刺身旁邊除咗有wasabi之外，仲有用幾種蝦製成嘅蝦粉可以點牡丹蝦，令味道更豐富，昇華去另一個層次 ✨手卷：拖羅蓉手卷 略脆嘅紫菜包住拖羅蓉同壽司飯，味道唔錯~ ✨手握壽司9件 🍣 春子鯛：夏天時令嘅鯛魚bb，肉質鮮嫩，用醋鹽醃過非常開胃✨ 🍣 海膽墨魚：墨魚經過特別處理，先用滾水淥然後過冰水，所以唔會有層衣，食落爽口～海膽都非常新鮮，鮮味十足 🍣 關池魚：係一種細細條嘅光物魚，肉質鮮甜爽口，油份少，配埋薑蔥令味道更有層次 🍣 吞拿魚赤身：吞拿魚嘅背脊位，魚味濃郁 🍣 中拖羅：油脂豐富，近乎入口即化 🍣 大拖羅：呢件係霜降位嘅大拖羅，非常肥美，入口即溶，好好食！✨ 🍣 半熟車海老：將鹿兒島車海老，滾水起計恰30秒至一成熟，保持到蝦嘅鮮味 🍣 活北寄：非常爽口 🍣 赤鯥：油脂豐富嘅赤鯥，經過𠝹花同炙燒之後，油脂喺啲坑滲出嚟，魚油嘅香氣散佈成個口，超正！✨ ✨湯：麵豉湯 味道唔錯，唔會太咸～ ✨江戶前玉子 同平時食得多嘅玉子燒唔同～呢款係一款江戶時代之前已經有嘅菜式，只係用山芋同蛋，唔加麵粉就做到好似海綿蛋糕咁鬆軟嘅口感，而且蛋味香濃～師傅話呢樣菜式已經就快失傳，唔係好多地方有得食，而且要好高技術同準確控制好食材份量先整到～我就冇考究到佢係咪真係就快失傳，不過我都覺得佢幾好食幾特別 ✨甜品/水果：日本哈密瓜 係清甜多汁嘅哈密瓜！日本嘅生果真係唔會令人失望 表面仲灑咗啲檸檬皮，檸檬皮嘅酸香味提升咗哈密瓜嘅甜 好好食呀～ 🔸麗ʀᴇɪ ᴄᴏᴜʀsᴇ $880/pax +10% 呢款omakase其實大致上同 華ʜᴀɴᴀ ᴄᴏᴜʀsᴇ差唔多，前菜、蒸物、手卷、湯同甜品都係一樣嘅，主要分別係 麗ʀᴇɪ ᴄᴏᴜʀsᴇ會多咗一款當日時令海鮮，多一款刺身同兩款手握壽司～ ✨刺身：北海道帆立貝 麗ʀᴇɪ ᴄᴏᴜʀsᴇ會多咗一款北海道帆立貝刺身，非常鮮甜，沾一沾旁邊嘅青檸薄片更加帶出刺身嘅鮮味～ ✨當日時令：日本直送生蠔 呢隻手掌咁大嘅生蠔係成個set最驚喜最難忘！好耐冇食過咁好食嘅生蠔🫶🏻 佢嘅海水味唔算好重，相對比較淡口，但食落非常肥美鮮甜！非常新鮮一啲都唔腥！面頭加咗少少魚子醬將個鮮味昇華咗去另一個層次！真係好好食！✨ ✨手握壽司 除咗春子鯛、海膽墨魚、關池魚、赤身、中拖羅、大拖羅、半熟車海老、赤鯥壽司之外，麗ʀᴇɪ ᴄᴏᴜʀsᴇ仲有以下呢幾款手握壽司 🍣 活赤貝 麗ʀᴇɪ ᴄᴏᴜʀsᴇ 嘅貝類壽司會以活赤貝取代咗華ʜᴀɴᴀ ᴄᴏᴜʀsᴇ 嘅活北寄～ 相比起活北寄，活赤貝更加鮮甜爽彈 🍣 海膽軍艦 師傅好慷慨咁加勁多海膽落去，滿滿嘅海膽多到個軍艦企唔穩冧咗一次🤣 海膽鮮甜，大大啖放入口好滿足呀！ 🍣 ᴋᴀᴍᴀᴛᴏʀᴏ ᴋᴀᴍᴀᴛᴏʀᴏ係吞拿魚魚唇側根嘅位，一條吞拿魚得兩塊，油脂豐富，加埋炙燒令油香更突出，入口即溶！✨ 補充一下，餐廳仲提供咗幾款漬物比客人喺食壽司前同後食，令客人食壽司前更開胃，同埋食壽司後用嚟清清口腔嘅味道嘅，分別有：蜜瓜bb、牛蒡、醃蘿蔔、煙薰蘿蔔～當中煙薰蘿蔔就比較濃味，適合食完壽司先食嘅～ 除此之外仲有一款日本白肉粟米，佢係生食嘅，入口爽脆多汁，非常鮮甜！可以喺食咗多款壽司之後解一解膩🥰 除咗食物質素好滿意之外，環境亦都好衞生，坐得舒適，服務亦好好！師傅每上一款食物都會好詳細咁介紹佢嘅產地同特別之處，好專業呀～

今日生日，當然要食好一點。 今次是第二次光顧， 第一次是因為杜汶澤先生介紹，主要試試我最愛嘅拖羅，完全滿足，只是當時大約2019年2月，google map 尚未出現此店，所以沒有給評論，現在補回當晚三張美食。當然，這店已列入能解我思鄉之情的店。 今天生日，正好來中環，當然要來吃好的，年半後，水準維持，拖羅依然美味，海膽不肯定之前的感覺，比較不了，但相對坊間一般的還是一板板買的，都較好，只是一點點鯹，不算嚴重，但當然未去到我試過最美味的層次，所以沒有滿分。 價錢方面，就視乎大家要求，$200～$300有八至十二貫，又可以解鄉愁，我覺得值得。

首先我叫左兩個華既omakase , 唔知點解最後變咗一個華一個麗 而且order完之後服務員亦冇重複我哋叫咗啲乜 我係好肯定叫左兩個$6xx既 因為我阿姨佢話食唔晒叫一個就夠， 我答佢一定要叫兩個，咁食唔晒就叫個平d。 兩個餐我係完全睇唔出有咩分別 可能某啲魚生多一樣， 但係擺盤係一模一樣 所以唔會留意到 去到無啦啦有個和牛得一份嘅時候先知原來佢哋落單錯咗， 但係服務員都好似除咗講對唔住冇咩做到 所以我唔想搞大件事唯有照食 反正我都肚餓 但係再加上等待嘅時間實在太耐 每一碟餸同一碟餸之間都等好耐 基本上因為等得太耐已經開始飽 而且食物嘅質素真係同價錢唔成正比 魚生既味道好普通 我都唔期望佢係新鮮 但連魚嘅味道都冇 食完我都唔知自己食咗啲乜 然後有幾道菜都係啲蒸蛋 熟食 可能係上面加咗一小舊海膽 非常之冇驚喜 而且覺得有少少搵笨 因為食物質素同埋等待時間 令我覺得自己硬食咗個貴餐覺得好唔值。 講真呢個價錢真係可以食其他。

一行四人於公眾假期前往食晚餐，點了4個Omakase $880 每位及4隻毛蟹每隻$180，及叫了兩支白桃梳打，食物很新鮮，厨師亦有講解每道菜式，待應服務殷勤，但座位就不是那麼舒服。在中環區食日本Omakase 價錢可能算是經濟。