霸嗎拉麵 (屯門店) – 拉麵店

係屯門行街見到呢間舖頭坐滿曬人，門口仲有好多人等位，一睇原來係日本風嘅拉麵🍜 📌 羽根燒餃子🥟 煎到底部有網狀冰花，脆到爆，加咗餃子醋，酸香同肉味一拍即合，5件份量做小食岩岩好 📌 炙燒豚肉味玉拉麵🔥🐷🥚🍜 霸嗎嘅招牌拉麵！ 豚骨湯底濃得嚟又唔膩，熬到膠質滿滿，炙燒豚肉厚切油花均勻，入口即化仲帶微焦香！咬開流心蛋同自己揀嘅麵條硬度，掛湯效果一流 📌雞叉燒味玉辛辣雞白湯拉麵🌶️🐔🥚🍜 湯底雖然叫辛辣帶少少刺激感，但係唔會太過濃味或太重口味 雞叉燒厚肉連皮，肉質好嫩好滑 而麵條質地都係彈牙有咬口既 📌 其他小食同飲品🍧🥤🍋🥤 日本柚子雪葩清新解膩，汽水夠凍 仲有每枱一壺檸檬水任斟，仲有紙巾提供，好細心 岩曬香港人就甘揹個小廢包就落街食

好耐冇食霸嗎拉麵，見佢出左新嘅期間限定拉麵，決定試吓。 鴨肉蔥拉麵 $118 鴨肉有6-8塊，份量十足，包你每食一啖麵都配到1塊鴨肉，而且口感嫩滑，好足鴨味，鍾意食鴨嘅一定要試吓。另外值得一讚嘅係個湯底，味道濃郁但唔會過於油膩。麵底亦唔會太淋，配搭埋大蔥一齊食一流。 炙燒豚肉拉麵 $90 霸嗎常駐拉麵，舊豚肉厚過我個面皮，炙燒到外焦內嫩，充滿罪惡感。湯底方面會比起鴨肉蔥拉麵稍微濃厚，但依然保持到平衡。麵底都係差唔多，同筍干一齊食令口感豐富唔少。 照燒餃子 $38 之前幾次食都未食過照燒餃子， 今次終於試咗，發現有驚喜。餃子外皮脆，內餡豐富多汁，配搭埋照燒醬嘅甜味，仲有少少芝麻，令到每一啖都包含住唔同嘅味道層次。 信州蘋果梳打 $28 平時去親日本旅行都會飲呢隻梳打，宜家唔洗去日本，去霸嗎拉麵都飲到，鍾意食日本蘋果都會知道信州啲蘋果有幾好食，呢枝梳打保留到蘋果嘅甜味之餘加埋碳酸嘅爽感，夏天飲真係一流。 可樂 $15 經典口味可口可樂，味道相信唔使我多做介紹，如果你咁都未飲過，一係你就古代穿越過嚟，一係你就係外星人。 霸嗎拉麵 (屯門) 屯門屯順街1號屯門市廣場1期3樓3233號舖

🍜 屯門市廣場｜霸嗎拉麵 🍜 ✨ 炙燒豚肉味玉拉麵 
湯底濃厚，炙燒豚肉香口又帶少少焦香，配埋溏心蛋好滿足 ✨ 鴨・蔥拉麵 
少見嘅鴨肉拉麵，鴨肉肥瘦適中，湯底帶點清香，蔥味好突出，幾特別！ 🥟 照燒餃子（5件） 
煎得脆脆，加上照燒汁甜甜地，我每次🍜必點！ 🥤 信州蘋果蘇打 
清爽解膩，食完拉麵飲返啖好refresh 🍺 麒麟一番榨 
同拉麵一齊飲啤酒就最搭啦～

唔使返工又唔想自己煮 所以出左去商場搵食 呢間霸嗎拉麵成日經過見到要等位 難得今日唔使等 終於可以試下❤️ 🔹石鍋燒豚肉海老飯🍚🔥 豚肉燒得啱啱好，肥瘦均勻，加埋彈牙嘅海老，撈埋熱辣辣嘅石鍋飯，啖啖都係香味！最正係撈埋蛋黃同醬汁，撈到飯焦脆脆哋，超正！ 🔹炙燒豚肉味玉拉麵🍜 湯底濃郁但唔會太鹹 厚切豚肉炙燒過好香 溏心蛋流心程度滿分 麵質有咬口又掛汁 🔹唐揚炸雞🍗 外皮炸到超脆 入面雞肉仲好juicy 咬落去仲有肉汁爆出嚟 點埋沙律醬仲正 🔹雞皮餃子🥟 雞皮代替餃子皮 脆得來有啲油香 入面餡料飽滿 🔹綠茶可樂🥤 好奇叫咗支綠茶可樂 味道幾得意 似可樂加咗淡淡綠茶香 唔會太甜

成日行經霸嗎拉麵，一直都想去試吓，早幾日終於同老公去試咗👍 餐廳有室內同室外嘅位置，座位都算多，環境闊落，坐得舒服👍 ✨鴨.葱拉麵 呢款拉麵係期間限定，當然要試吓。呢碗拉麵好吸引，中間一排嘅鴨胸，份量都幾多，鴨胸經過慢煮，保持肉質嘅鮮嫩，好味同埋入面加咗大量嘅蔥，好香👍個湯底好鮮味，拉麵配埋個湯同埋蔥一齊食，好正👍 ✨炙燒豚肉味玉拉麵 呢碗拉麵入面嘅炙燒豚肉勁厚切，亦燒得好香，豚肉軟腍，咬落去啖啖肉，好好食👍入面仲有隻溫泉蛋，火喉控制得啱啱好👍佢個湯底好濃郁，正👍 ✨羽根餃子 呢個羽根餃子有驚喜，佢個皮比想像中透薄，口感好好，入面嘅餡料都好新鮮，好味👍 飲品叫咗靜岡蜜瓜梳打，好濃嘅蜜瓜味，好好飲。另外，青森縣富士蘋果酒有談談嘅蘋果味，好清爽👍 📍霸嗎拉麵 地址：屯門屯門市廣場一期3樓3233號舖 #霸嗎拉麵 #拉麵 #豐盛套餐 #日本菜 #香港美食 #美食分享 #餐廳介紹 #推介餐廳