雲家小鍋米線 (元朗店) – 中式麵食店

我大口妹妹好鍾意食酸辣米線，知道元朗呢一間開咗一段時間都未試過，今次走去食吓，佢個風味係我一向鍾意食嗰種雲南米線嘅味道，咁啱朋友住附近喺度坐低食，一人叫咗個米線，我叫薯粉佢叫米線嚟到真係超級大碗，除咗送多佢仲有好多配菜，韭菜芽菜，仲有好多肉碎非常豐富，個碗已經夠大啲餸同啲米線係鋪滿晒，所以超級抵食！ 🍜一個叫咗腩肉+魚肉春卷，配中辣紅薯粉，腩肉唔錯入味，魚肉春卷好彈牙，切開左一半都好大條，而且紅薯粉份量超多，煙煙韌韌粗條直紋紅薯粉，再配上勁多嘅韭菜加芽菜酸菜仲有好多碎肉，湯底唔算太酸，中辣對我嚟講唔辣，所以下次可以叫大辣或者特辣！ 🍜另一個係豬軟骨雞絲蘿蔔金錢肚配大辣米線，豬軟骨唔錯，雞絲亦都夠碎，蘿蔔夠甜，金錢肚切到搏一搏，所以咬起上嚟入味同好食，大辣嘅湯底酸味比較多，辣味亦都夠，所以下次如果鍾意食酸辣嘅朋友叫大辣個味會比較重，米線份量超大碗，成個碗都係，如果細食少少嘅朋友真係可以叫佢減少少米線，勁抵食！ 🐷另外叫個小食係豬頸肉，出色！外脆內爽口，真心唔錯！首選豬頸肉配泰式辣醬嘅小食！

琴日同班同事見完客，同事帶我去元朗馬田路間「雲家小鍋米線」，吳少人係到等外賣，身為米線控嘅我，好期待。 墨魚金錢肚小鍋麻辣米線，上枱聞到好香嘅麻辣味，啱晒我！湯底呈紅色，望落已經覺得好惹味。試一啖湯，麻辣味好夠，但又唔會太過刺激，啱啱好 。配料方面，墨魚同金錢肚都好足料，墨魚爽口彈牙，金錢肚就炆得好入味，索晒啲麻辣湯汁，正！除咗墨魚同金錢肚，仲有芽菜、酸菜、韭菜、蔥同芫茜，增加咗口感同香味。呢個小鍋米線嘅麻辣味夠，配料足，米線彈牙，好正！ 麻辣魚皮 除咗小鍋米線，仲叫咗個「麻辣魚皮」做小食。魚皮份量都幾多，而且切得好薄，食落好爽脆。麻辣汁調得好好，麻、辣、鮮、香，好惹味 。不過，如果唔食得太辣嘅朋友，可能要考慮下，因為佢哋嘅麻辣魚皮都幾辣又過癮 ，岩晒我呢啲鍾意食辣嘅人！ 食完咁多麻辣嘢，飲埋凍檸檬茶解辣就超滿足。

#鼠尾草食飲玩 #sagefoodiehk 名物✨ × 米線💖 × 好味🫶🏻 呢間喺網上好有人氣嘅米線舖，除咗荃灣分店之外，喺元朗都有分店！而且元朗分店唔使排隊就食到🫶🏻。 腩肉豬肚小鍋米線餸菜嘅味道入味，腩肉吸收咗醬汁嘅甜香，而且腩肉同豬肚嘅份量都好多，夠晒滿足🥰。雞絲螺旋草米線超夾酸辣湯底，雞絲吸收晒湯底嘅酸、香、麻，加埋螺旋藻嘅鮮香味，真係惹味到食完又食✨。涼拌墨魚頭味道香口，而且配埋酸醋醬嘅味道，更加清爽開胃🎐。炸雞中翼夠晒熱又夠晒脆卜卜，而且仲有香茅味道醃製添，去埋泰式辣醬味道好正🤤。 💰 腩肉豬肚小鍋米線$52 💰 雞絲螺旋草米線$50 💰 涼拌墨魚頭$47 💰 炸雞中翼$32

跟了米線關注組來到元朗吃這家隱世米線小店！秘製豬頸肉跟炸春卷都與別不同，味道出色！小鍋米線、小窩紅薯粉及配料也很不錯！酸辣湯底跟麻辣湯底各具特色～

今日同朋友入咗元朗買嘢，見到附近有間雲南米線，小編本身都好鍾意食雲南米線，咁就入去試啦！ 酸辣雲家米線$65+$9豬紅+$16金錢肚（配腐竹，冬菇，雞絲，雞翼，魚春卷，海豚草，腸仔，芽菜，酸菜，韭菜，蔥，芫荽）： 哇！好大碗！一開始試咗個湯先，酸辣程度剛剛好！會太過重，好啱大眾口味！豬紅10分入味，仲好爽添！比外邊餐廳整嘅好味！冬菇好甜好爽，加埋個酸辣湯底，朔晒啲汁，一樣咁好味！魚春卷好有咬口，好香魚味，鮮榨，好香！金錢肚又爽又煙韌，好有咬感預先醃製鍋，再點湯底一齊食，又開胃又好食！呢個米線食完之後超級飽 麻辣豬頸肉小窩米線$50+$16墨魚頭（配芽菜、酸菜，韭菜，蔥，芫荽）：好多牌豬頸肉，仲要有厚又大塊，上菜前燒過放在面上，好香，墨魚頭10分爽口，仲要啖啖肉好大嚿，份量仲好多添！估唔一個先食到飽晒，比其他雲南米線嘅份量多，好飽呀！ 醬拌皮蛋$25: 呢個係透明嘅皮蛋，上面好多蒜蓉，加埋辣椒油，開胃到不得了！☺️ +$7 咖啡：正常茶餐廳咖啡 +$8 豆漿：好香豆味！唔算好甜，唔錯 📍雲家小鍋米線 (安寧大廈) (元朗) 元朗馬田路20-30B號安寧大廈地下2號舖