雅都商場GoGoMall – 餐廳

今日去，有部份餐廳冇開，食了青森，質素都不錯。

雅都商場 Gogo Mall 美食廣場選擇非常多，幾乎世界各地的菜式都可以搵到，價錢亦都相當實惠。入面有好多座位，所以完全唔需要擔心冇位坐，非常適合同朋友或者家人一齊嚟食飯或者閒逛，無論係午餐定晚餐時間都非常方便，而且環境整潔舒適。 Gogo Mall Food Court in ELDO Mall offers a huge variety of food options, covering cuisines from almost every country. Prices are very affordable, and there are plenty of seats, so you don’t need to worry about finding a spot. It’s perfect for dining or hanging out with friends and family, whether for lunch or dinner, and the environment is clean and comfortable.

店舖數目多，所以食物選擇的種類也多 。可能因為商場的推廣少，所以我都算容易搵位。 食物種類有：手工漢堡包，四川食物，日式食物，泰式食物，土耳其及印度美食等等 。 因為店舖的選擇多，所以價格都比較飄忽，今期最抵便是日式咖喱魚柳飯，非常抵食，只需$29。

屯門 - 馬拉公公 喺屯門區長大嘅小編，讀書時食lunch都會去雅都商場食譚仔、薩莉亞，然後再去買零食、口立濕，上堂偷食而家搖身一變已經變成美食雲集嘅天堂，中、美、日、韓、馬拉、印度菜，應有盡有。一眼已經睇中呢間馬拉檳城菜，標榜正宗檳城風味，不含味精，睇落就好吸引 檳城福建蝦麵（🌟92.89/100）💲46+$3 傳統海鮮 係一道利用蝦殼蝦頭和辣椒爆炒再熬煮而成的湯底，食落去除咗有香辣味道同濃郁蝦嘅鮮味，仲食到微微嘅椰香，蝦肉好爽彈，魚片頭同魚片都切得好大塊，食落好彈牙，豬腩肉真係有五層，而且冇臭豬味大大塊嘅豆卜好吸湯，一咬就從口腔爆汁🤤 摻摻係指粗油麵加米粉，除咗食到兩種唔同口感之外，都十分掛湯，一啖面一啖湯底，完全可以飲晒成碗湯👍🏻👍🏻 檳城白咖喱（🌟96.75/100）💲46+$2豬頸肉 一嚟到已經勁吸引，表面已經滿佈配料，有8塊豬頸肉、豆卜、半隻蛋、芽菜，椰汁味好香濃，帶點微微辣味，豬頸肉好滑嫩，而且爽口。有冇人好鍾意將熟嘅蛋黃篤碎然後加係湯度，味道會係另一種層次🤤🤤 檸檬薏米水（🌟89.66/100）💲跟餐+$10 薏米足足有四分之一咁多，飲落完全冇苦澀味，好潤喉嘅咁，夏天飲就啱晒喇～可以清熱去袪👍🏻細心啲睇原來佢將檸檬個外皮批走，所以就冇苦澀味，真係好貼心啊❤️❤️ 熱馬拉拉茶（🌟87.23/100）💲跟餐+$5 比係香港嘅奶茶，奶味偏重飲耐啲先飲到少少，較甜，但係飲落去好香滑順口 🗺 馬拉公公 (屯門) 屯門屯門鄉事會路112-140號雅都商場Go Go Mall1樓S69號舖

✿ CP值高 · 特式風味檳城菜 ✿ 屯門雅都商場 有個叫GoGo Mall既food court 有好多特式小食🧆🥡 今次試左呢間主打馬拉檳城菜既馬拉公公🇲🇾 · 點左兩份餐同一份咖央多 ♡ 馳名檳城亞滲喇沙配雞絲 （$46） 亞滲喇沙係檳城既一道名菜🏆 同我認識用椰汁底既喇沙完全係兩回事 湯底濃郁帶魚肉鮮味🐟 微酸帶點辣度非常惹味🌶 而雞肉份量好多 · 雞肉配湯汁真係好正 ♡ 咖喱牛坑腩配白飯 （$48） 咖喱帶香辣🥘夠哂惹味🤤 而牛坑腩份量好多 牛肉炆煮到軟腍💦 牛筋更加係煮到腍滑爽嫩 大讚佢地既薯仔🥔 綿密而吸哂咖喱醬汁 撈飯食真係一流✨ ♡ 鮮牛油咖央多士 （$25） 外表簡單撲實🎈 但好有驚喜既咖央多🍞 咖央醬唔會太甜配搭半溶既牛油🧈 我一口氣食左3件 ♡ 泡沫咖啡 （$5/餐配） 咖啡略甜左少少🤏🏻 但咖啡味香濃☕️ ♡ 美祿 （$5/餐配） 好濃既美祿味 但又唔會太甜🔅