金象泰小館 – 泰國餐廳

味道過得去嘅，調味可以。豬頸肉就無點烤，大舊偏瘦，大塊河粉質地幾好。午餐價錢合理一般。 坐位就搭枱間上間用到盡，無可厚非但迫左啲，明明都已經唔係爆晒都要咁做就奇左啲。

食物整體唔錯，侍應姐姐幾好招呼，性價比偏高。 🥢海南雞，連雞胸都好滑，醬汁醒胃。 🥢泰式豬手，軟焾入味，咸菜舖底。 🥢豬肉生菜包，少少辣，非常香口。 🥢泰式生蝦，新鮮唔腥。 🥢冬蔭公湯，有4粒去殼蝦球，唔洗剝殼，奶味重。

231006 SUN 330pm 有位直入 下午茶時間見到有雞飯試下 $46 泰式海南雞飯 個飯好夠熱好耐冇試過 👍 油香夠唔多唔少 但飯就偏硬啲啲 雞就正常有少少鞋 +$9 荔枝梳打 比青檸梳打好 整體感覺不錯

行開荃灣，知道呢條街好多嘢食，所以見冇乜人排隊，就入咗呢間餐廳試吓啦❤️ ✨海南雞飯 呢個要小心啲食，因為啲雞有碎骨，整體都還好🫶🏻 ✨泰式奶茶 好有泰國地道風味嘅甜味，少甜都好甜，我接受到，但可能唔係個個接受 ✨泰式脆炸蝦餅 蝦餅唔會好咸，炸得幾香脆🤤 ✨泰式菠蘿海鮮炒飯 普通嘅海鮮炒飯，味道唔會令人驚艷，但都算可以接受🫶🏻 性價比ok，餐廳位置方便，雖然食物質素普通，但價錢反映一切，埋單好似$19x，不收加一。👍🏻

喺荃灣行到攰諗住平平地搵個晚餐食，經過大壩街見到間泰國野幾平，就入去快食。海南雞冬蔭功河粉，湯底唔過酸👍🏻香味俱全，唔算過分太多香料味，符合港人味道，海南雞件嫩滑，份量足夠。泰式海鮮炒金邊粉有札肉鮮蝦芽菜，味道酸甜香夠鑊氣，色彩繽紛賣相幾好。埋單每人$60幾蚊，可能同午餐價錢一樣，夜晚有呢個價錢好抵食。