金田家 – 日本餐廳

食物一般，想嘗試下日本直送魚介湯底，好可惜售罄了。男爵薯餅即叫即炸脆卜卜。

下午路經此店，試下日式拉麵，環境乾淨，坐得舒適，叫了一碗猪骨湯拉麵附送罐裝汽水，猪骨湯底好味唔會太鹹，適合香港人口味，薄薄日本义燒四片，可選擇义燒軟硬度，軟滑好食唔會太肥，紫菜一片及爽口黑木耳絲，拉麵是幼身拉麵，爽口有咬口，整體一碗拉麵唔錯，但可惜份量太少，男仕唔夠飽，女仕還可以，埋單58蚊再加10%服務費，大約64蚊，價錢適中。

味道不是想像中好味，價格偏貴，但位置舒適。

服務好，訂單非常快。食物一般。_

地方大，環境靚又乾淨！ 行街行到有點攰，隨心去了荃灣荃新天地的金田家坐一坐，食一食。行到門口見到餐廳都幾大間，而且裝飾擺設都幾靚，眼看下去光線充足而舒適，而且餐廳的內部設施都乾淨，於是我們就去了金田家聊天一番。 聊天之前當然要叫一叫拉麵來食。我們每人叫了一碗海老燒鹽麴拉麵，這是荃灣點期間限定，所以我們第一眼已經看上它，哈哈。當然亦都有叫吉列蠔和芝士年糕這些小食。輕鬆暢談，又食得飽飽，滿足尼。 海老燒鹽麴拉麵，$128，上面有一大隻海老燒，海老燒是切半的，上面佈滿沙律，酸甜醒胃。沙律主要是有粟米和紅蘿蔔粒。 切半的流心蛋相當吸引，因為蛋黃是滿滿流心的，濃烈的蛋黃流心味，加上蛋白又有彈性，又鹹鹹的，好好味。 至於叉燒本來以為上面部分是肥膏，怎知，原來整片叉燒都是肉，燒香過的叉燒，風味十足，豚肉味濃。 拉麵的麵條較粗身，好有彈性，烹調時間剛好，咬口十足。 芝士年糕，$38。這個我最喜歡。一碟有三件。每一件都外皮好薄而香脆。裡面就有軟綿綿的芝士年糕。 至於吉列蠔，$58。外邊炸得又大件又脆口。旁邊又有沙律醬可以加配沾吉列蠔。酸酸甜甜，幾開胃，剛好平衡炸過的肥膩感。一碟4件，每人二件，yeah！ 賣單$442，又有期間限定拉麵，又有小食，又有波子汽水，平均每人$221。食到飽一飽，捧着肚子走。