金城居酒屋 – 居酒屋

呢間位於中環Soho嘅居酒屋，由日藉廚師主理，餐牌上大多數係九州食材或菜式，主打沖繩料理我哋當然以沖繩菜式為首選 🇯🇵Okinawa Bitter Melon & Tuna Salad（$85） 🇯🇵沖繩苦瓜吞拿魚沙律 帶有新鮮苦瓜嘅沙律口感清新，食落味甘而不太苦，仲含有豐富維他命C及酵素，配埋酸酸地嘅沙律汁，非常醒胃係沖繩料理中不可或缺嘅食材！ 🇯🇵Suku Tofu （$58） 🇯🇵Suku鹹魚豆腐 Suku係藍子魚魚苗，醃製成鹹魚後帶有鹹鮮味，與豆味濃郁嘅沖繩島豆腐好夾，唔需要額外調味已經好好食🤩係沖繩特有嘅佐酒小食，亦係餐廳嘅signature dish👍🏻但Suku本身有好多骨，所以要徹底咀嚼先好呑食！ 🇯🇵Grilled Okinawa Bacon （$59） 🇯🇵沖繩煙肉 厚切嘅煙肉有香濃煙熏味，邊位烤得焦香，口感有啲似火腿，配檸檬汁或芥末籽醬一齊食，惹味又香口，令人回味 🇯🇵Assorted Okinawa Sausages（$79） 🇯🇵沖繩香腸 沖繩香腸帶有一點煙熏味，外表烤得焦脆，有啲似脆皮腸，同樣配芥末籽醬或檸檬汁，佐酒一流 🇯🇵Tsukune（$44） 🇯🇵雞肉丸串 將雞肉餡捏成長條棒狀，加入剁碎嘅雞軟骨以醬汁烤製而成！Tsukune外層烤得焦脆，雞軟骨令口感相對提升，另蘸生雞蛋同食，口感亦變得順滑及充滿蛋香，越食越滋味 🇯🇵Deep-fried Shima Tofu（$58） 🇯🇵油揚豆腐 選用沖繩直送嘅島豆腐新鮮油炸而成，豆味及質感都比一般豆腐濃郁及扎實，口感外脆內軟，配以醬汁、紫菜碎、鰹魚碎及蘿蔔蓉，好味到想再encore👍🏻 🇯🇵Okinawa Aosa Seaweed Rolled Omelette（$68） 🇯🇵沖繩海萵苣玉子燒 玉子燒煎至半熟，並加入沖繩罕見嘅海藻 - 海萵苣，食落口感順滑，充滿蛋香，配同少少加咗醬汁嘅蘿蔔蓉，味道鹹鹹地幾好食 🇯🇵Stir-fried Okinawa Gulten w/ Vegetables & Corned Beef（$85） 🇯🇵雜菜鹹牛肉炒沖繩麩 沖繩麩以小麥粉製造，含有植物性蛋白質，係非常健康嘅食材👍🏻口感有啲似麵筋又腍又鬆軟，加入洋蔥、椰菜、蘿蔔絲及鹹牛肉一齊炒，吸收晒所有食材嘅鮮味之餘，炒得又夠鑊氣，真係好惹味係沖繩傳統料理之一！ 🇯🇵Okinawan Noodles In Soup（$88） 🇯🇵沖繩湯麵 豬軟骨炆得又腍又嫩滑，仲好入味而湯麵係沖繩直送嘅沖繩麵，簡單加入清湯、蔥花及紅薑絲，味道清清地已經好好味嗜辣嘅可加入燒酎辣椒，雖然味道好香，但真係好！很！辣！🔥唔係人人都頂得順 🇯🇵Orion Draft Beer（$48） 🇯🇵Orion生啤 食得沖繩料理，當然要飲返杯嚟自沖繩本土嘅draft beer啤酒口感清爽，比hoegaarden仲易入口，係少數我會飲嘅啤酒🍺 🇯🇵Okinawa Awamori w/ Soda & Okinawa Citrus（$48） 🇯🇵沖繩香檸泡盛梳打 泡盛係沖繩特有而又傳統嘅一種烈酒，加入冰、沖繩香檸及梳打後，無咗烈酒特有嘅嗆辣，但又不失泡盛嘅清香，味道變得清新又易入口，有啲似飲緊汽水 🇯🇵Shikuwasa Soda（$38） 🇯🇵沖繩香檸梳打 呢杯同之前嗰杯梳打大致上一樣，唯獨完全無酒嘅成份，味道偏酸完全唔甜，小朋友都啱飲 食物質素唔錯，店員好有禮貌，唯獨餐廳環境不大，座位數量有限，所以最好致電訂座！另熟客們會坐係bar檯與日藉廚師以日文傾偈，歡笑聲此起彼落，氣氛好熱鬧，令人有身處係日本居酒屋嘅錯覺非常推薦👍🏻

有網友介紹呢間居酒屋, 叫我試下佢個免治雞肉棒, 我終於去試左, 的確同最好食果間串燒既雞肉棒系有得揮👍👍 不過我發覺呢度有D仲特別既野食☺️ 咸魚豆腐(招牌菜) - 初時食第一件個味道有D怪, 硬豆腐完全吾滑, 咸魚仔仲要有D腥腥地, 但系食落又幾夾噃👌 好快就全部食晒 燒北海道原隻帶子(招牌菜) - 個牛油汁調得好好味, 呢個算係近期牛油燒帶子做得最好既版本👍 奶油芝士春卷 - 春卷包住咸魚籽, cream cheese, 紫蘇葉去炸, 脆卜卜口味裡面包含住好多層既味道, 呢個我好鍾意🥰 燒飯團 - 呢度飯團有四款味道: 海膽, 味噌, 牛油, 三文魚籽, 飯團用既日本米都幾好, 燒得吾錯, 不過下次我可能會叫味噌飯團 呢度仲有另外一個主打沖繩苦瓜炒蛋, 不過我地兩個都吾鍾意食, 所以冇叫, 如果對苦瓜有興趣, 都應該試下. 之後都試左幾款串燒, 不過不失👌 #陳仔廚房 #chanchaikitchen #支持小店 #支持用心經營 #Note9 #手機食先 #食好西 #香港美食 #hkfoodie #hkfood #hkfoodieblogger #aroundtheworldfoodie #hkfoodlover #hkfoodporn #foodstagram #instafood #hkfoodblog #852food #hkeats

主廚服務一流 親民 風趣 友善 食物質素好 份量有計傾 一個人去食也不怕被一兩碟KO 可以試到更多的菜式

日本人主理，好地道嘅沖繩菜，值得推介！

主打沖繩料理,食品同質素都一流👍主廚同員工都好有善,服務都好好,因只係小店坐位唔多,嚟之前最好預約!!