道日本料理 – 日本餐廳

whatsapp卜枱準時去到，夠方便，荃灣過去係有啲距離，但都係一條直路易行。 菠菜蛋卷原來係冷盤，原本見佢哋特別推介見幾新鮮就試吓，菠菜🥬好飽滿，用蛋皮包住加上芝麻醬帶上酸酸鹹鹹既味道。 新鮮手握壽司，每樣都正正常常，食材新鮮，芥辣八爪魚🐙黃金魷魚左口魚北寄貝三文魚🍣帆立貝夠晒吸引，賣相唔錯，擺盤幾好，但芥末唔算好辣。 新鮮拖羅茸海鮮卷，估唔到拖羅茸可以咁綿密又滑，仲有大大粒嘅三文魚子點綴，加埋爽脆嘅蘿蔔令到口感更加平衡唔會食到好漏，呢個真係令我好驚喜，好食推介👌🏻👍🏻🥰。

四個人點了C餐再加1點正食和小菜，份量大致合適，質素正常，性價比算高。以大窩口這個美食沙漠來說，有一間日本料理算是相對調和一點了。

小店不大，但待應主動為我們二人轉了大枱，因為考慮我們點了好多食物。其實當時已馬上滿座了。食物水準很好，刺身熱食都好味。 隔座有人生日點了壽司蛋糕，店𥚃還播了生日歌。 會再來。

叫咗個午市套餐雜錦魚生飯($68)，魚生份量充足，亦都幾新鮮，仲有隻温泉蛋，其實好抵食。另外午市冇加一，值得一試。

1 汁燒三文魚丼 $78 我就覺得價錢比較貴 不過味道上整體都唔錯, 有4粒星, 可以再食 佢嘅雞皮餃子都比較神奇, 完全喺我預計唔到嘅味道, 我以為係餃子皮入邊雞皮豬肉餡, 但係佢實質嘅雞皮餃子係雞皮包住豬肉, 佢油炸過, 所以口味上都比較重同埋油膩, 我認為有一個好大嘅問題就係佢雞皮完全冇加到分, 我完全唔覺得係香, 反而口感有啲似哩個阿佳拌麵嘅雞肉串 整體味道一般, 無乜特別, 我下一次會揀薯餅 佢嘅汁燒三文魚拯救左唔少分數, 首先佢嘅三文魚唔會太多骨, 材料選擇算得幾好, 第二, 油份其實比較充足, 三文魚唔會太乾, 第三, 醬汁唔會破壞到三文魚既鮮味, 整體上做得特別出色 不過我就覺得佢地飯真係麻麻哋, 做得乾兼黏 便當黎講可以接受, 如果係壽司飯就有待改善 沙律麵豉湯呢啲現成嘢其實唔想多加著墨 唔知點解佢嘅茶有色得可以淡然無味, 好似水 整體餐廳嘅環境乾淨企理, 可以多融合日本特色