逸月軒 – 餐廳

空間感大，唔會坐到迫迫夾夾咁，啱晒一班人傾計都唔驚嘈到隔離。但真係較少職員，訂左圍餐都要等好耐先有得食。因為8個人食，訂一半圍餐再加3個餸已經好夠食。不過我哋見到最尾二個檯客走埋，我哋都即走，職員從頭到尾都無諗住趕我哋走，呢度要讚賞。

呢個5星比樓面果位小姐 阿C🥰🥰🥰 好盡責有禮又積極 唔嫌麻煩 前面第一個小姐拎左D單 完全無落單 第二個小姐同佢確認單果時 佢晦氣撥開我隻手 確認左全部項目但又漏左單 第三個穿西裝嘅小姐 同佢講請佢幫我睇 完全無回應 唯一阿C小姐積極主動幫忙去處理 又有禮貌 仲有一個短髮嘅小姐都有禮 我明白酒樓客人多 好辛苦 所以我亦有禮對待 因為人係要互相尊重 等左40分鐘 因為阿C小姐幫忙 所以先上齊所有野 我覺得好值得稱讚同嘉許 好難得 D野都幾好味 希望其他員工繼續加油👏

食物正常， 服務正常。 今次叫左新出酸菜魚， 米線好爽彈牙。 老母話好食。 價錢平又大份量， 兩個人食左呢碟無叫其他野啦。

間舖本身都幾大，好多枱，星期六早茶冇乜人，唔洗等位直入，啲枱擺得唔算好密，坐得都舒服。 坐低點一壺壽眉，結果嚟咗一壺普洱加一壺鐵觀音，不過茶錢就冇加到，服務正常，換水收嘢嗰啲都算爽手，算係咁。 上菜都算快，食物質素正常，可能因為我哋點嘅都係早市特價嗰啲正路嘢，佢有另一張點心係啲正價點心，款式比較多，部分食物有圖片，睇落都幾吸引，不過要留意返佢星期六日公眾假期佢每樣點心要加HKD 3到HKD 5左右嘅附加費。

晚飯12人套餐好抵食，份量足味道又好，燒鵝是即燒的；大蟠桃好大隻，蓮蓉餡加蛋黃好香好滑，其他菜式也做得很好，上菜快，還送啤酒及橙汁。整體用餐體驗良好，因為坐位舒適，地方新也不局促。酒樓位於商場內，所以消費到指定金額可免費拍車。