轉角 ‧ 見 – 漢堡餐廳

呢間位於荃灣一商場入面嘅café小店，咪睇佢舖頭細細，但食物質素絕對係你估唔到咁高質。佢價錢大眾化，手工酸種麵包薄餅、漢堡包、炸魚薯等都只不過$68起，加上份量十足，絕對啱晒一眾學生哥同後生仔嚟幫襯。 不過聽聞佢哋之前有意結業，好彩最後都有決定續租。難得繼續，阿叔當然要嚟支持分享俾大家睇吓啦！ 🍔型男漢堡 ($72) 店內嘅招牌菜之一！單睇佢嘅賣相唔單只俾型男，似乎係要俾大隻男食多啲！漢堡牛扒加上流心蛋、紅菜頭、蕃茄、煙肉、芝士同沙津菜，加埋充滿牛油香嘅麵包，一層又一層，份量十足，唔用刀、叉食，真係攪唔掂。 🍟Shake Shake 粉 (加$5) 小店近日聯乘本地品牌 @theflavourmanhongkong ，佢哋嘅Shake Shake 粉產地源自泰國，100%無添加味精同人造色素，絕對食得放心。 今次聯乘一共有4款口味可揀，芥末、黑松露、甜粟米同燒烤，只要加$5 就可以食到其中2款。阿叔推介你必叫芥末口味，微辣嘅味道，令人食得好開胃，跟呢度熱辣香脆嘅粗薯條可以話係perfect match！ 🍰Oreo巴斯克芝士蛋糕 ($40) 除咗$5 Shake Shake 粉外，宜家只要消費滿$90，仲可以以半價價錢，即$20食埋巴斯克芝士蛋糕。 蛋糕除咗芝士味濃郁，入口即化外，中間仲真係食到Oreo 餅乾碎，加上份量都幾大件吓，呢個價錢同質素，真心好抵食！

🍽️荃灣西小店Cafe 🍔型男漢堡 • 牛肉厚身又juicy🥩 • 配料夠足 （如果加粗薯條仲有shake shake粉 有四款口味） 喇沙海鮮蝴蝶粉 • 蝴蝶粉幾足份量 🍞開心果多士（餐） • 外脆內軟，咬開仲有流心開心果醬💚

呢間真係可以稱隱世小店 細商場嘅角落之前主打漢堡包 宜家就連手工酸種麵包pizza 炸魚薯條 開心果多士等等菜式都有啦 餐牌選擇種類非常多🥰 🤩💸多重優惠： ① 午餐時段消費滿$90或以上 全單8折優惠 ② 消費滿$90 $20換購巴斯克蛋糕一件 ③ 粗薯條配最新shake shake 粉（四款口味） ｜巴馬火腿手工酸種麵包pizza ($85) 酸種麵包做pizza底 質感比較鬆軟唔油膩 表面有一塊塊帶有鹹香味道嘅巴馬火腿 店員會預先加芝士粉 建議先問客人意願更好 ｜經典漢堡 ($68) 麵包體烘得軟熟有牛油香 食得好滋味(˶‾᷄ ⁻̫ ‾᷅˵) 牛肉軟腍 牛味比想像中香濃多汁～🍔 有芝士 洋葱 酸瓜 沙律醬等等配料調味 ｜水牛城炸雞 4件 ($45) 雞翼炸到外皮脆卟卟內裏好軟腍鎖住肉汁 水牛城調味醬汁已經醃製咗係個雞入面 第一啖已經太濃味 建議醬汁分開/減低調味料份量 ｜巴斯克芝士蛋糕 ($20) 整個蛋糕豆味會較濃郁 有山水豆腐嘅清香🧊 巴斯克芝士口感軟滑 朱古力底做餅底幾特别 ｜鮮奶抹茶 ($40) ｜芒果粒粒沙冰 ($45) 芒果粒粒冰凍沙冰消暑必備 芒果味道自然🥭 同鮮奶抹茶一樣甜度適中 冰感可以更重

荃灣隱世平民價burger🍔 呢間漢堡店位於荃灣昌寧大廈位置隱蔽，平時行過好大機會會忽略咗佢，小編見到店舖內好多人叫咗漢堡同奶昔，相信係呢到嘅主打菜式🤩 ✨型男漢堡 $72 推薦度：9.3/10 漢堡有流心太陽蛋，煎蛋微微燶邊，漢堡扒厚身多汁juicy，有蕃茄、煙肉、芝士、沙律菜做配搭，一咬落去口感超豐富🥹！薯條外脆內軟，唔會太多油，味道都唔錯餐牌上嘅漢堡加正價飲品會送沙律或細薯條🌟 ✨特濃花生奶昔 $45 推薦度：8.2/10 花生奶昔比較少見，味道濃郁，有許多花生碎，飲到最後有啲膩，小編覺得奶昔偏甜，螞蟻星人可以嘗試🤏🏻 IG:tingyumfoodie_

一次過叫晒小食/主食/甜品 薄荷朱古力咖啡 飲落唔會死甜👍🏻 ———————— 芝麻蜜糖🍯雞翼 夠晒香口但唔會太重口味 ———————— 全日早餐 炸魚薯條🍟 性價比算高既All Day👍🏻腸仔都有兩款 炸魚既炸粉唔會太厚☺️薯條🍟粗幼岩岩好 —————————————— 開心果西多士配雪糕 一切開多士入面既開心果醬直接湧出黎❤️ 好邪惡👿